„კოლხეთის დაცული ტერიტორიების შექმნისა და მართვის შესახებ“ საქართველოს კანონში ცვლილების შეტანის თაობაზე

1. მე-7 მუხლს დაემატოს შემდეგი შინაარსის „ვ“ ქვეპუნქტი:

„ვ) რიონის აღკვეთილი.“.

2. მე-8 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. კოლხეთის ეროვნული პარკის საერთო ფართობია 44 387 ჰექტარი, მათ შორის, ხმელეთისა – 29 229 ჰექტარი, ხოლო საქართველოს ტერიტორიული ზღვის აკვატორიისა – 15 158 ჰექტარი.“;

ბ) მე-2 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) საქართველოს ტერიტორიული ზღვის სამხრეთი რაიონის აკვატორიის გეოგრაფიული კოორდინატებია:

                                                                                                                                  “.

3. კანონს დაემატოს შემდეგი შინაარსის 9¹ და 9² მუხლები:

„მუხლი 9¹. რიონის აღკვეთილის მდებარეობა, ფართობი და საზღვრები

რიონის აღკვეთილი მდებარეობს სამტრედიის მუნიციპალიტეტის ადმინისტრაციულ საზღვრებში. მისი საერთო ფართობია 554 ჰექტარი და იგი მოიცავს შემდეგ გეოგრაფიულ კოორდინატებს:

მუხლი 9². კოლხეთის მრავალმხრივი გამოყენების ტერიტორიის მდებარეობა, ფართობი და საზღვრები

კოლხეთის მრავალმხრივი გამოყენების ტერიტორია მდებარეობს ზღვის აკვატორიაში. მისი საერთო ფართობია 593 ჰექტარი და იგი მოიცავს შემდეგ გეოგრაფიულ კოორდინატებს:

                                                                                                                                  “.

4. მე-12 მუხლს დაემატოს შემდეგი შინაარსის მე-3 პუნქტი:

„3. ამ კანონის მე-8 მუხლის მე-2 პუნქტით განსაზღვრულ საქართველოს ტერიტორიული ზღვის აკვატორიაში დაშვებულია თხევად საწვავზე მომუშავე წყალმცურავი საშუალებებით გადაადგილება საქართველოს გარემოს დაცვისა და სოფლის მეურნეობის სამინისტროს ან მის სისტემაში შემავალი დაწესებულების მიერ ან მათი თანხმობით, საქართველოს მთავრობის დადგენილებით დამტკიცებული საქართველოს ტერიტორიულ ზღვაში ნაოსნობის რეჟიმისა და ნაოსნობის წესების დადგენის შესახებ დებულების შესაბამისად, კვლევების ჩატარების მიზნით.“.

5. კანონს დაემატოს შემდეგი შინაარსის 25¹ და 25² მუხლები:

„მუხლი 25¹. რიონის აღკვეთილში დაშვებული საქმიანობის განვითარების ინტეგრალური პროგრამები

რიონის აღკვეთილში ამ კანონისა და „დაცული ტერიტორიების სისტემის შესახებ“ საქართველოს კანონის შესაბამისად დაშვებული საქმიანობა ხორციელდება სამენეჯმენტო გეგმით განსაზღვრული დაშვებული საქმიანობის განვითარების ინტეგრალური პროგრამების ფარგლებში.

მუხლი 25 ². კოლხეთის მრავალმხრივი გამოყენების ტერიტორიაზე დაშვებული საქმიანობა

1. კოლხეთის მრავალმხრივი გამოყენების ტერიტორიაზე დაშვებულია მხოლოდ:

ა) სამეცნიერო კვლევა;

ბ) აღდგენითი ღონისძიებების განხორციელება;

გ) საქართველოს გარემოს დაცვისა და სოფლის მეურნეობის სამინისტროს ან მის  სისტემაში შემავალი დაწესებულების მიერ ან მათი თანხმობით სატრანსპორტო საშუალებებით შეზღუდული გადაადგილება სამსახურებრივი მოვალეობების შესრულების მიზნით;

დ) საქართველოს გარემოს დაცვისა და სოფლის მეურნეობის სამინისტროს ან მის სისტემაში შემავალი დაწესებულების მიერ ან მათი თანხმობით მონიტორინგის სამუშაოების წარმოება;

ე) საქართველოს გარემოს დაცვისა და სოფლის მეურნეობის სამინისტროს ან მის სისტემაში შემავალი დაწესებულების მიერ დაცვის რეჟიმის განხორციელებისთვის აუცილებელი ღონისძიებების გატარება;

ვ)  საქართველოს გარემოს დაცვისა და სოფლის მეურნეობის სამინისტროს ან მის სისტემაში შემავალი დაწესებულების მიერ ან მათი თანხმობით თხევად საწვავზე მომუშავე წყალმცურავი საშუალებებით გადაადგილება კვლევების ჩატარების მიზნით;

ზ) 500 ტონამდე ტვირთამწეობის თევზსაჭერი წყალმცურავი საშუალების გადაადგილება არანაკლებ 4 კვანძი და არაუმეტეს 9 კვანძი სიჩქარით.

2. კოლხეთის მრავალმხრივი გამოყენების ტერიტორიაზე მცურავი საშუალებებით გადაადგილება ხორციელდება საქართველოს მთავრობის დადგენილებით დამტკიცებული საქართველოს ტერიტორიულ ზღვაში ნაოსნობის რეჟიმისა და ნაოსნობის წესების დადგენის შესახებ დებულების შესაბამისად.

3. ამ მუხლის პირველი პუნქტი არ ზღუდავს კოლხეთის მრავალმხრივი გამოყენების ტერიტორიაზე საქართველოს შინაგან საქმეთა სამინისტროს სახელმწიფო საქვეუწყებო დაწესებულების − საქართველოს სასაზღვრო პოლიციის უფლებამოსილებების განხორციელებას.“.

6. 27-ე მუხლის:

ა) მე-2 პუნქტი ჩამოყალიბდეს შემდეგი რედაქციით:

„2. კოლხეთის ეროვნული პარკის, ქობულეთის სახელმწიფო ნაკრძალის, ქობულეთის აღკვეთილისა და რიონის აღკვეთილის მართვა ხორციელდება ამ კანონისა და „დაცული ტერიტორიების სისტემის შესახებ“ საქართველოს კანონის შესაბამისად.“;

ბ) 2¹ პუნქტის შემდეგ დაემატოს შემდეგი შინაარსის 2² პუნქტი:

„2². კოლხეთის მრავალმხრივი გამოყენების ტერიტორიის მართვას ახორციელებს საქართველოს გარემოს დაცვისა და სოფლის მეურნეობის სამინისტროს სისტემაში შემავალი საჯარო სამართლის იურიდიული პირი − დაცული ტერიტორიების სააგენტო ამ კანონისა და „დაცული ტერიტორიების სისტემის შესახებ“ საქართველოს კანონის შესაბამისად.“.

მუხლი 2. რიონის აღკვეთილის ტერიტორიაზე ამ კანონის ამოქმედებამდე არსებული ქონებრივი ურთიერთობების ფარგლებში დასაშვებია ქონებრივი უფლებების (საკუთრება, უზუფრუქტი, აღნაგობა, სერვიტუტი, იპოთეკა, ქირავნობა და სხვა) უძრავ ნივთებზე უფლებათა რეესტრში რეგისტრაცია.

მუხლი 3   

1. ეს კანონი, გარდა ამ კანონის პირველი მუხლის პირველი პუნქტისა, მე-3 პუნქტით გათვალისწინებული კანონის 9¹ მუხლისა, მე-5 პუნქტით გათვალისწინებული კანონის 25¹ მუხლისა, მე-6 პუნქტის „ა“ ქვეპუნქტისა და ამავე კანონის მე-2 მუხლისა, ამოქმედდეს 2026 წლის 1 ივლისიდან.

2. ამ კანონის პირველი მუხლის პირველი პუნქტი, მე-3 პუნქტით გათვალისწინებული კანონის 9¹ მუხლი, მე-5 პუნქტით გათვალისწინებული კანონის 25¹ მუხლი, მე-6 პუნქტის „ა“ ქვეპუნქტი და ამავე კანონის მე-2 მუხლი ამოქმედდეს 2027 წლის 1 იანვრიდან.