დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | საქართველოს ნატოსთან თანამშრომლობის 2001-2002 წლის ინდივიდუალური პროგრამის შესახებ | |
|---|---|
| დოკუმენტის ნომერი | 32 |
| დოკუმენტის მიმღები | საქართველოს პრეზიდენტი. |
| მიღების თარიღი | 31/01/2001 |
| დოკუმენტის ტიპი | საქართველოს პრეზიდენტის ბრძანებულება |
| გამოქვეყნების წყარო, თარიღი | საქართველოს პრეზიდენტის ბრძანებულებების და განკარგულებების კრებული, 2, 31/01/2001 |
| სარეგისტრაციო კოდი | 480.200.000.05.002.001. |
საქართველოს პრეზიდენტის
ბრძანებულება №32
2001 წლის 31 იანვარი
ქ. თბილისი
საქართველოს ნატოსთან თანამშრომლობის 2001-2002 წლის ინდივიდუალური პროგრამის შესახებ
ნატოს „პარტნიორობა მშვიდობისათვის“ პროგრამაში საქართველოს მონაწილეობის სრულყოფის მიზნით:
1. დამტკიცდეს საქართველოს ნატოსთან თანამშრომლობის 2001-2002 წლის თანდართული ინდივიდუალური პროგრამა.
2. საქართველოს თავდაცვის სამინისტრომ (დ. თევზაძე), საგარეო საქმეთა სამინისტრომ (ი. მენაღარიშვილი), სახელმწიფო საზღვრის დაცვის სახელმწიფო დეპარტამენტმა (ვ. ჩხეიძე), შინაგან საქმეთა სამინისტრომ (კ. თარგამაძე) 2001 წლის 1 მარტამდე წარმოადგინონ საქართველოს ნატოსთან თანამშრომლობის 2001-2002 წლის ინდივიდუალური პროგრამით გათვალისწინებულ სამხედრო წვრთნებსა და სხვა ღონისძიებებში შესაბამისი სტრუქტურების, ქვედანაყოფებისა და ექსპერტთა ჯგუფების მონაწილეობის გეგმა.
3. „პარტნიორობა მშვიდობისათვის“ პროგრამის ფარგლებში საქართველოს ნატოსთან თანამშრომლობის საკითხთა კოორდინაციის სახელმწიფო კომისიამ:
ა) კოორდინაცია გაუწიოს საქართველოს ნატოსთან თანამშრომლობის 2001-2002 წლის ინდივიდუალური პროგრამის განხორციელებას;
ბ) წელიწადში ერთხელ მოახსენოს საქართველოს ეროვნული უშიშროების საბჭოს ნატოს „პარტნიორობა მშვიდობისათვის“ პროგრამაში საქართველოს მონაწილეობის მიმდინარეობა.
ე. შევარდნაძე
დოკუმენტის კომენტარები