საქართველოს საბაჟო საზღვარზე სარკინიგზო ტრანსპორტით გადაადგილებული საქონლის, მგზავრთა მათი ბარგისა და ხელბარგის გადაადგილებისას საბაჟო კონტროლის გაუმჯობესების ღონისძიებათა შესახებ

საქართველოს პრეზიდენტის

ბრძანებულება №452

2002 წლის 29 ოქტომბერი

ქ. თბილისი

საქართველოს საბაჟო საზღვარზე სარკინიგზო ტრანსპორტით გადაადგილებული საქონლის, მგზავრთა, მათი ბარგისა და ხელბარგის გადაადგილებისას საბაჟო კონტროლის გაუმჯობესების ღონისძიებების შესახებ

საქართველოს საბაჟო ტერიტორიაზე სარკინიგზო ტრანსპორტის გადაადგილებისას საქართველოს საბაჟო კოდექსის 125-ე მუხლით გათვალისწინებული ღონისძიებების დარეგულირების მიზნით:

1. საქართველოს სასაზღვრო სარკინიგზო სადგურების გავლით სარკინიგზო ტრანსპორტის, საქონლის, მგზავრთა, მათი ბარგისა და ხელბარგის გადაადგილებისას, საბაჟო კონტროლის განხორციელების უზრუნველსაყოფად, საბაჟო კონტროლის ზონად განისაზღვროს სპეციალურად გამოყოფილი ადგილები, რომლებიც დგინდება საქართველოს ფინანსთა სამინისტროს მიერ, საქართველოს სახელმ­წიფო საზღვრის დაც­ვის სახელმწიფო დეპარტამენტთან და საქართვე­ლოს ტრანსპორ­ტისა და კომუნიკაციების სამინისტროსთან შეთანხმებით.

2. ამ ბრძანებულების პირველი პუნქტის მოთხოვნები შესრულდეს ერთი თვის ვადაში.

3. საქართველოს ფინანსთა სამინისტრომ (მ.გოგიაშვილი) საქართველოს სახელმწიფო ქონების მართვის სამინისტროსთან ერთად უზრუნველყოს სამართლებრივი მექანიზმის შემუშავება და დამკვიდრება, სასაზღვრო და საკვანძო სარკინიგზო სადგურებში სპეციალური ჩიხებისა და ტერმინალების მოწყობით, სადაც შესაძლებელი იქნება საბაჟო კონტროლს დაქვემდებარებულ საქონელსა და სატრანსპორტო საშუალებებზე შესაბამისი საბაჟო პროცედურების შეუფერხებელი განხორციელება.

4. ამ ბრძანებულების შესრულების კონტროლი განახორციელოს საქართველოს სახელმწიფო მინისტრის მოადგილემ გ.ისაკაძემ. ბრძანე­ბუ­ლების შეუსრულებლობის შემთხვევაში წარმოდგენილ იქნეს წინადა­დებები შესაბამისი თანამდებობის პირთა პერსონალური პასუხისმგებლობის შესახებ.

ე. შევარდნაძე