„ფოთის საზღვაო ნავსადგურის რესტრუქტურიზების და მოდერნიზების სტრატეგიის დამტკიცებისა და განხორციელების შესახებ“ საქართველოს პრეზიდენტის 2000 წლის 27 სექტემბრის №424 ბრძანებულების შესრულების უზრუნველყოფის და ფოთის საზღვაო ნავსადგურის ცალკეული ტერმინალების (ნავმისადგომების) საერთაშორისო ტენდერების საფუძველზე გრძელვადიანი იჯარით ან მართვის უფლებით გაცემისათვის სატენდერო კომისიის შექმნის თაობაზე

საქართველოს პრეზიდენტის

ბრძანებულება №104

2002 წლის 12 მარტი

ქ. თბილისი

„ფოთის საზღვაო ნავსადგურის რესტრუქტურიზების და მოდერნიზების სტრატეგიის დამტკიცებისა და განხორციელების შე­სა­ხებ“ საქართველოს პრეზიდენტის 2000 წლის 27 სექტემბრის №424 ბრძანებულების შესრულების უზრუნველყოფის და ფოთის საზ­ღვაო ნავსადგურის ცალკეული ტერმინალების (ნავმისადგო­მების) საერთაშორისო ტენდერების საფუძველზე გრძელვადიანი იჯარით ან მართვის უფლებით გაცემისათვის სატენდერო კომისიის შექმნის თაობაზე

„ფოთის საზღვაო ნავსადგურის რესტრუქტურიზების და მოდერნიზების სტრატეგიის დამტკიცებისა და განხორციელების შესახებ“ საქართველოს პრეზიდენტის 2000 წლის 27 სექტემბრის №424 ბრძანებულების შესრულების უზრუნველყოფის და ფოთის საზღვაო ნავსადგურის ცალკეული ტერმინალების (ნავმისადგომების) საერთაშორისო ტენდერების საფუძველზე გრძელვადიანი იჯარით ან მართვის უფლებით გაცემის მიზნით:

1. შეიქმნას ფოთის საზღვაო ნავსადგურის ცალკეული ტერმინალების (ნავმისადგომების) გრძელვადიანი იჯარით ან მართვის უფლებით გაცემისათვის სატენდერო კომისია შემდეგი შემადგენლობით:

ჯემალ ინაიშვილი       – ფოთის საზღვაო ნავსადგურის უფროსი, კომისიის თავმჯდომარე

პეტრე ბერაია – საქართველოს პარლამენტის წევრი

მერაბ გაბუნია – საქართველოს ტრანსპორტისა და კომუნიკაციების სამინისტროს მთავარი სახელმწიფო მრჩეველი

ზურაბ გარაყანიძე – საქართველოს სახელმწიფო ქონების მართვის მინისტრის მოადგილე

ზურაბ ეზუგბაია – საქართველოს იუსტიციის მინისტრის მოადგილე

ჟაკ ვანტომი – საქართველოში ევროკომისიის დელეგაციის ხელმძღვანელის მოვალეობის შემსრულებელი

ვაჟა კაპანაძე – საქართველოს ეკონომიკის, მრეწველობისა და ვაჭრობის მინისტრის მოადგილე

პაულ კენტი – პროფესორი, აშშ-ის პორტების ასოციაციის შესწავლის და დაგეგმვის კომიტეტის წევრი

სუზი კვაჭანტირაძე – ფოთის საზღვაო ნავსადგურის უფროსის მოადგილე, კომისიის მდივანი

ოლეგ ნიკოლეიშვილი – საქართველოს ფინანსთა მინისტრის მოადგილე

დავით ქანთარია – ქ. ფოთის მერი

იურგენ შრამი – ევროპის რეკონსტრუქციისა და განვითარების ბანკის წარმომადგენელი საქართველოში

რევაზ ჩაგელიშვილი – საქართველოს გარემოსა და ბუნებრივი რესურსების დაცვის მინისტრის მოადგილე

ნიკოლოზ ჩუბინიშვილი – საქართველოს ტრანსპორტისა და კომუნიკაციების მინისტრის მოადგილე

2. კომისიამ შექმნას სპეციალისტთა და ექსპერტთა სამუშაო ჯგუფი კომისიის სხდომებზე განსახილველი საკითხების მოსამზადებლად.

3. ფოთის საზღვაო ნავსადგურის ხელმძღვანელობამ (ჯ. ინაიშვილი), საქართველოს ტრანსპორტისა და კომუნიკაციების სამინისტრომ (მ. ადეიშვილი) და სახელმწიფო ქონების მართვის სამინისტრომ (ს. პავლიაშვილი) ფოთის საზღვაო ნავსადგურის მოდერნიზებისა და თანამედროვე ტექნოლოგიების დანერგვისათვის ინვესტორების გამოვლენის მიზნით საერთაშორისო ტენდერების წარმატებით მოწყობისათვის მოამზადონ სათანადო საინფორმაციო, სარეკლამო და მეთოდური მასალები; უზრუნველყონ მათი გავრცელება პრესისა და ტელევიზიის საშუალებით, აგრეთვე ინტერნეტის ქსელით; სათანადო ბიულეტენები დაუგზავნონ პოტენციურ ინვესტორებს, უცხოეთის საელჩოებს საქართველოში და საქართველოს საელჩოებს საზღვარგარეთ.

ე. შევარდნაძე