უმწეო მდგომარეობაში მყოფი მოქალაქეების სოციალური დაცვისა და სამედიცინო მომსახურების ღონისძიებათა შესახებ

საქართველოს პრეზიდენტის

ბრძანებულება №117

2002 წლის 20 მარტი

ქ. თბილისი

უმწეო მდგომარეობაში მყოფი მოქალაქეების სოციალური დაცვისა და სამედიცინო მომსახურების ღონისძიებათა შესახებ

უმწეო მდგომარეობაში მყოფი მოქალაქეების სოციალური დაცვისა და სამედიცინო მომსახურების გაუმჯობესების მიზნით საქართველოს შრომის, ჯანმრთელობისა და სოციალური დაცვის სამინისტრომ (ა. გამყრელიძე) და ლტოლვილთა და განსახლების სამინისტრომ (ვ. ვაშაკიძე) ორ თვეში:

ა) განსაზღვრონ უმწეო მდგომარეობაში მყოფ მოქალაქეთა კატეგორიები სამედიცინო დაზღვევის სახელმწიფო კომპანიის მიერ უმწეოთა სამედიცინო სოციალური დაზღვევის პროგრამით მომსახურებისათვის;

ბ) დაამტკიცონ „სამედიცინო დაზღვევის სახელმწიფო კომპანიაში უმწეო მდგომარეობაში მყოფ მოქალაქეთა დასაზღვევად წარდგენისა და ინდივიდუალური სადაზვევო პოლისის შევსებისა და გაცემის წესი“;

გ) შეიმუშაონ „უმწეო მდგომარეობაში მყოფ მოქალაქეთა პროგრამით დაზღვეულ პირთა სიების განახლების წესი“.

ე. შევარდნაძე