„საბიუჯეტო სისტემისა და საბიუჯეტო უფლებამოსილებათა შესახებ“ საქართველოს კანონში ცვლილების შეტანის თაობაზე

საქართველოს კანონი

„საბიუჯეტო სისტემისა და საბიუჯეტო უფლებამოსილებათა შესახებ“ საქართველოს კანონში ცვლილების შეტანის თაობაზე

 მუხლი 1. „საბიუჯეტო სისტემისა და საბიუჯეტო უფლებამოსილებათა შესახებ“ საქართველოს კანონის (პარლამენტის უწყებანი, №17, ივლისი, 1996) 38-ე მუხლი ჩამოყალიბდეს შემდეგი რედაქციით:

     „მუხლი 38.

საერთო სასამართლოებში განსახილველ საქმეებზე ცენტრალური ბიუჯეტის სასარგებლოდ გადასახდელი სასამართლო შემოსავლების, კერძოდ, სახელმწიფო ბაჟის, სარეგისტრაციო მოსაკრებლის და ჯარიმის 70% მიიმართება შესაბამისად, საქართველოს უზენაესი სასამართლოს საერთო სასამართლოების დეპარტამენტისა და საქართველოს უზენაესი სასამართლოს სპეციალური შემოსავლების ანგარიშზე, რომლებიც გამოიყენება საქართველოს ფინანსთა სამინისტროს მიერ ამ ორგანოებისათვის დამტკიცებული ხარჯების დასაფინანსებლად, ხოლო 30% მიიმართება ამ კანონის 21-ე მუხლის მე-3 პუნქტის „ბ“ და „ო“ ქვეპუნქტებისა და 30-ე მუხლის მე-5 პუნქტის „ბ“ და „ნ“ ქვეპუნქტების შესაბამისად.“

 მუხლი 2. ეს კანონი ამოქმედდეს 2002 წლის 1 იანვრიდან.

საქართველოს პრეზიდენტი                              ე. შევარდნაძე

თბილისი,

2002 წლის 14 მაისი.

№1420–რს