„არასამეწარმეო (არაკომერციული) იურიდიული პირისათვის - საერთაშორისო ასოციაცია ქალი და ბიზნესისათვის უძრავი ქონების უსასყიდლო უზუფრუქტის უფლებით გადაცემაზე თანხმობის მიცემის შესახებ“ საქართველოს მთავრობის 2014 წლის 10 დეკემბრის N2237 განკარგულებაში ცვლილების შეტანის თაობაზე

საქართველოს მთავრობის

განკარგულება №188

2015 წლის 12 თებერვალი

ქ. თბილისი

„არასამეწარმეო (არაკომერციული) იურიდიული პირისათვის -საერთაშორისო ასოციაცია  ქალი და ბიზნესისათვის უძრავი ქონების უსასყიდლო უზუფრუქტის უფლებით გადაცემაზე თანხმობის მიცემის შესახებ“  საქართველოს მთავრობის 2014 წლის 10 დეკემბრის №2237 განკარგულებაში ცვლილების შეტანის თაობაზე

1. საქართველოს ზოგადი ადმინისტრაციული კოდექსის 63-ე მუხლის შესაბამისად, „ არასამეწარმეო (არაკომერციული) იურიდიული პირისათვის - საერთაშორისო ასოციაცია  ქალი და ბიზნესისათვის უძრავი ქონების უსასყიდლო უზუფრუქტის უფლებით გადაცემაზე თანხმობის მიცემის შესახებ“ საქართველოს მთავრობის 2014 წლის 10 დეკემბრის №2237 განკარგულებაში შეტანილ იქნეს  ცვლილება და მე-2 პუნქტის „ა“ და „ბ“ ქვეპუნქტები ჩამოყალიბდეს შემდეგი რედაქციით:

 „ა)  ამ განკარგულების პირველი პუნქტით გათვალისწინებულ უძრავ ქონებაზე არანაკლებ 31 400 (ოცდათერთმეტი ათას ოთხასი) ევროს ეკვივალენტი ლარის დახარჯვა სარემონტო სამუშაოების განხორციელებისა და ინვენტარითა და ტექნიკით აღჭურვისათვის, ყოფილი პატიმარი ქალებისათვის თავშესაფრის მოწყობის მიზნით , შესაბამისი უზუფრუქტის ხელშეკრულების გაფორმებიდან 3 (სამი) თვეში;

ბ) ამ განკარგულების პირველი პუნქტით გადაცემული უძრავი ქონების ამ პუნქტის „ა“ ქვეპუნქტით განსაზღვრული თავშესაფრის ფუნქციონირების მიზნით გამოყენება ამავე ქვეპუნქტით გათვალისწინებული ვალდებულებების შესრულებიდან უზუფრუქტის ხელშეკრულების მოქმედების განმავლობაში;“.

2. ამ განკარგულების შესრულების მიზნით, საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ - სახელმწიფო ქონების ეროვნულმა სააგენტომ განახორციელოს შესაბამისი ღონისძიებები.

პრემიერ-მინისტრი                                                          ი . ღარიბაშვილი