დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | შპს „New Road“-ის სასარგებლო წიაღისეულის მოპოვების ლიცენზიისაგან გათავისუფლების თაობაზე | |
|---|---|
| დოკუმენტის ნომერი | 172 |
| დოკუმენტის მიმღები | საქართველოს მთავრობა |
| მიღების თარიღი | 02/02/2017 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | ვებგვერდი, 10/02/2017 |
| სარეგისტრაციო კოდი | 000000000.00.003.023038 |
საქართველოს მთავრობის
განკარგულება №172
2017 წლის 2 თებერვალი
ქ. თბილისი
შპს „New Road“-ის სასარგებლო წიაღისეულის მოპოვების ლიცენზიისაგან გათავისუფლების თაობაზე
1. „სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №136 დადგენილებით დამტკიცებული დებულების (შემდგომში − დებულება) მე-3 მუხლის 23-ე პუნქტისა და 74 მუხლის პირველი პუნქტის „ა“ ქვეპუნქტის საფუძველზე, ქ. ქობულეთში, ზღვის სანაპირო ზოლის ნაპირდაცვისა და ნაპირაღდგენითი სამუშაოების განხორციელების მიზნით, შპს „New Road“ (ს/ნ: 441993112) 3 თვის ვადით გათავისუფლდეს სასარგებლო წიაღისეულის მოპოვების ლიცენზიისაგან და მიეცეს უფლება, ქობულეთის მუნიციპალიტეტის სოფ. ხუცუბანისა და სოფ. ქვედა სამების მიმდებარე ტერიტორიაზე, მოიპოვოს 178 350 (ას სამოცდათვრამეტი ათას სამას ორმოცდაათი) მ3 საშენი მასალა (ქვიშა-ხრეში) შემდეგი X და Y კოორდინატების საზღვრებში:
| № | X | Y |
| 1 | 735017 | 4631521 |
| 2 | 734919 | 4631449 |
| 3 | 734665 | 4631411 |
| 4 | 734443 | 4631322 |
| 5 | 734302 | 4631362 |
| 6 | 734075 | 4631469 |
| 7 | 734126 | 4631519 |
| 8 | 734381 | 4631426 |
| 9 | 734428 | 4631430 |
| 10 | 734553 | 4631547 |
| 11 | 734696 | 4631577 |
| 12 | 734880 | 4631645 |
| S = 11.89 ჰა | ||
| WGS 1984. | ||
2. ლიცენზიისაგან გათავისუფლებული პირი − შპს „New Road“ ვალდებულია:
ა) უზრუნველყოს საქართველოს გარემოსა და ბუნებრივი რესურსების დაცვის სამინისტროს სსიპ − გარემოს ეროვნული სააგენტოს შესაბამისი დასკვნით (გეოსაინფორმაციო პაკეტი) განსაზღვრული პირობების შესრულება;
ბ) მოპოვებული სასარგებლო წიაღისეული გამოიყენოს მხოლოდ ამ განკარგულების პირველი პუნქტით განსაზღვრული მიზნისათვის.
3. დებულების 74 მუხლის 21 პუნქტის შესაბამისად, სასარგებლო წიაღისეულის მოპოვების ლიცენზიისაგან გათავისუფლებისათვის დადგინდეს განსხვავებული გადასახდელი თანხა და შპს „New Road“-მა 178 350 კბ. მ ქვიშა-ხრეშის მოპოვებისთვის, ამ განკარგულების ძალაში შესვლიდან ერთი თვის ვადაში, უზრუნველყოს საქართველოს სახელმწიფო ბიუჯეტში 105 226,5 ლარის გადახდა.
4. შპს „New Road“-ის მიერ ლიცენზიისაგან გათავისუფლების საფუძველზე მოპოვებული სასარგებლო წიაღისეულის მიზნობრივად გამოყენების ზედამხედველობა განახორციელოს საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებამ − გარემოსდაცვითი ზედამხედველობის დეპარტამენტმა (შემდგომში − გარემოსდაცვითი ზედამხედველობის დეპარტამენტი).
5. შპს „New Road“-მა სასარგებლო წიაღისეულის მოპოვების ვადის გასვლიდან ორი კვირის ვადაში გარემოსდაცვითი ზედამხედველობის დეპარტამენტში წარადგინოს ინფორმაცია მოპოვებული ბუნებრივი რესურსის ოდენობის შესახებ.
პრემიერ-მინისტრი გიორგი კვირიკაშვილი
დოკუმენტის კომენტარები