„გორის სახელმწიფო უნივერსიტეტის სტატუსის შესახებ” საქართველოს პრეზიდენტის 2001 წლის 28 სექტემბრის №393 ბრძანებულებაში ცვლილებების შეტანის შესახებ”

საქართველოს პრეზიდენტის

ბრძანებულება №515

2004 წლის 17 ნოემბერი

ქ. თბილისი

„გორის სახელმწიფო უნივერსიტეტის სტატუსის შესახებ” საქართველოს პრეზიდენტის 2001 წლის 28 სექტემბრის №393 ბრძანებულებაში ცვლილებების შეტანის შესახებ

„გორის სახელმწიფო უნივერსიტეტის სტატუსის შესახებ” საქართველოს პრეზიდენტის 2001 წლის 28 სექტემბრის №393 ბრძანებულებით დამტკიცებულ (სსმ III, 2001 წ., №104, მუხლი 752) საჯარო სამართლის იურიდიული პირის – გორის სახელმწიფო უნივერსიტეტის წესდებაში შეტანილ იქნეს ცვლილება და წესდების მე-12 მუხლის მე-2 პუნქტი ჩამოყალიბდეს შემდეგი რედაქციით:

„2. სამეცნიერო საბჭოს შემადგენლობაში შედიან: რექტორი, პრორექტორები, ფაკულტეტების დეკანები, კათედრის გამგეები, სწავლული მდივანი, ფილიალების დირექტორები, ბიბლიოთეკის გამგე, პროფკომიტეტის თავმჯდომარე, სტრუქტურული ქვედანაყოფების ხელმძღვანელები, სამეცნიერო საბჭოს მიერ არჩეული სტუდენტები და პროფესორები, რომლებიც წარმოდგენილნი არიან შესაბამისად სტუდენტური ორგანიზაციებიდან, ფაკულტეტებიდან და რომელთა რაოდენობასაც განსაზღვრავს სამეცნიერო საბჭო.”.

მ. სააკაშვილი