საქართველოს ფინანსთა მინისტრის 2002 წლის 17 სექტემბრის №291 ბრძანებით დამტკიცებულ „საქართველოს ფინანსთა სამინისტროს საბაჟო დეპარტამენტის რეგიონალური საბაჟო ორგანოების ტიპურ დებულებაში“ ცვლილებების შეტანის შესახებ

საქართველოს ფინანსთა მინისტრის

ბ რ ძ ა ნ ე ბ ა №552

2003 წლის 30 ოქტომბერი

ქ. თბილისი

საქართველოს ფინანსთა მინისტრის 2002 წლის 17 სექტემბრის № 291 ბრძანებით დამტკიცებულ „საქართველოს ფინანსთა სამინისტროს საბაჟო დეპარტამენტის რეგიონალური საბაჟო ორგანოების ტიპურ დებულებაში“ ცვლილებების შეტანის შესახებ

საქართველოს პრეზიდენტის 2002 წლის 31 დეკემბრის № 567 ბრძანებულებით დამტკიცებული „საქართველოს ფინანსთა სამინისტროს დებულების” მე-4 მუხლის მეორე პუნქტის „ ი“ ქვეპუნქტის შესაბამისად, ვბრძანებ:

მუხლი 1. საქართველოს ფინანსთა მინისტრის 2002 წლის 17 სექტემბრის № 291 ბრძანებით (საქართველოს საკანონმდებლო მაცნე, 2002 წლის სექტემბერი № 92. მუხ. 824) დამტკიცებულ „საქართველოს ფინანსთა სამინისტროს საბაჟო დეპარტამენტის რეგიონალური საბაჟო ორგანოების ტიპიურ დებულებაში” შეტანილ იქნე ს შემდეგი ცვლილებები და დამატებები:

1. დებულების მე-7 მუხლის ტ) ქვეპუნქტი ამოღებულ იქნე ს.

2. დებულების მე-12 მუხლი ჩამოყალიბდეს შემდეგი რედაქციით:

„12. საბაჟოს სტრუქტურული ერთეულებია:

ა) საბაჟო გამშვები პუნქტები;

ბ) საბაჟო გაფორმების განყოფილება;

გ) საბაჟო საგუშაგოები;

დ) საბაჟო საქმის მართვის განყოფილება;

ე) საფინანსო საბუჰხალტრო განყოფილება;

ვ) ინფორმატიკისა და სტატისტიკის განყოფილება;

ზ) ადმინისტრირებისა და სამართლებრივ საკითხთა განყოფილება;

თ) საქმისწარმოების განყოფილება;

ი) სამეურნეო ნაწილი.“

3. დებულებიდან ამოღებულ იქნას მე-17, 21-ე და 23-ე მუხლები.

4. დებულების 22-ე მუხლი ჩამოყალიბდეს შემდეგი რედაქციით:

„22. საქმისწარმოების განყოფილების ძირითადი ამოცენებია: შემოსული კორესპონდენციების აღრიცხვა და დამუშავება, მათ შესრულებაზე ზედამხედველობა; საქმისწარმოების, საჩივარ-განცხადებების განხილვის და მოქალაქეთა მიღების ორგანიზაცია; თათბირების საოქმო გაფორმება და მის შესრულებაზე ზედამხედველობა; მოსამსახურეთა შვებულების გრაფიკის მომზადება საბაჟო დეპარტამენტში წარდგენის მიზნით.“.

მუხლი 2. ეს ბრძანება ამოქმედდეს გამოქვეყნებისთანავე.

მ. გოგიაშვილი