დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „საქართველოს ეროვნული ბანკის მონეტარული ოპერაციების დებულების დამტკიცების თაობაზე“ საქართველოს ეროვნული ბანკის პრეზიდენტის 2010 წლის 16 დეკემბრის N160/01 ბრძანებაში ცვლილების შეტანის შესახებ | |
|---|---|
| დოკუმენტის ნომერი | 58/04 |
| დოკუმენტის მიმღები | საქართველოს ეროვნული ბანკის პრეზიდენტი |
| მიღების თარიღი | 26/03/2020 |
| დოკუმენტის ტიპი | საქართველოს ეროვნული ბანკის პრეზიდენტის ბრძანება |
| გამოქვეყნების წყარო, თარიღი | ვებგვერდი, 26/03/2020 |
| ძალაში შესვლის თარიღი | 26/03/2020 |
| სარეგისტრაციო კოდი | 220010040.18.011.016446 |
|
„საქართველოს ეროვნული ბანკის მონეტარული ოპერაციების დებულების დამტკიცების თაობაზე“ საქართველოს ეროვნული ბანკის პრეზიდენტის 2010 წლის 16 დეკემბრის №160/01 ბრძანებაში ცვლილების შეტანის შესახებ
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის და „საქართველოს ეროვნული ბანკის შესახებ“ საქართველოს ორგანული კანონის მე-15 მუხლის პირველი პუნქტის „ზ“ ქვეპუნქტისა და 67-ე მუხლის მე-4 და მე-5 პუნქტების შესაბამისად, ეროვნული ბანკის ფულად-საკრედიტო პოლიტიკის ხელშეწყობის მიზნით, ვბრძანებ:
|
| მუხლი 1 |
„საქართველოს ეროვნული ბანკის მონეტარული ოპერაციების დებულების დამტკიცების თაობაზე“ საქართველოს ეროვნული ბანკის პრეზიდენტის 2010 წლის 16 დეკემბრის N160/01 ბრძანებით (სსმ, №165, 17/12/2010) დამტკიცებულ დებულებაში შეტანილ იქნეს ცვლილება და დებულების 141 მუხლის შემდეგ დაემატოს შემდეგი შინაარსის 142 მუხლი:
„მუხლი 142. სავალუტო ოპერაციები ბლუმბერგის სისტემის BMatch პლატფორმის მეშვეობით 1. ეროვნული ბანკი იღებს გადაწყვეტილებას ბლუმბერგის სისტემის BMatch პლატფორმის მეშვეობით უცხოური ვალუტის ყიდვის და/ან გაყიდვის თაობაზე, თავის მიერ დადგენილი პირობების შესაბამისად. 2. ბლუმბერგის სისტემის BMatch პლატფორმაზე ეროვნულმა ბანკმა განაცხადი შეიძლება დადოს უკვე არსებული განაცხადის დასაკმაყოფლებლად (შესაბამისი კურსით ან მოცულობით) და/ან ეროვნული ბანკის მიერ განსაზღვრული კურსით და მოცულობით. 3. ბლუმბერგის სისტემის BMatch პლატფორმის მეშვეობით ეროვნული ბანკის მიერ დაკმაყოფილებული განაცხადების ანგარიშსწორება განხორციელდება ამავე დებულების მე-14 მუხლის მე-5 და მე-8-მე-13 პუნქტების შესაბამისად.“. |
| მუხლი 2 |
ამ ბრძანების დაუყოვნებელი ამოქმედება განპირობებულია საქართველოს ეროვნული ბანკის ფულად-საკრედიტო პოლიტიკის შეუფერხებლად და დროულად განხორციელების აუცილებლობით.
|
| მუხლი 3 |
ეს ბრძანება ამოქმედდეს 2020 წლის 26 მარტიდან.
|
|
დოკუმენტის კომენტარები