„საქართველოს იუსტიციის სამინისტროს სამედიცინო დეპარტამენტის დებულების დამტკიცების შესახებ“ საქართველოს იუსტიციის მინისტრის 2001 წლის 2 მარტის №85 ბრძანებით (სსმ, III, №21, მუხლი 187, 2001 წ.) დამტკიცებულ დებულებაში ცვლილებებისა და დამატებების შეტანის თაობაზე

საქართველოს იუსტიციის მინისტრი

ბრძანება №430

2004 წლის 19 აპრილი

ქ. თბილისი

„საქართველოს იუსტიციის სამინისტროს სამედიცინო დეპარტამენტის დებულების დამტკიცების შესახებ“ საქართველოს იუსტიციის მინისტრის 2001 წლის 2 მარტის №85 ბრძანებით (სსმ, III, №21, მუხლი 187, 2001 წ.) დამტკიცებულ დებულებაში ცვლილებებისა და დამატებების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლისა და შრომის, ჯანმრთელობისა და სოციალური დაცვის მინისტრის ბრძანებით დამტკიცებული „საექიმო საქმიანობის ნუსხის“ მოთხოვნათა შესაბამისად,  ვბრძანებ:

 I. „საქართველოს იუსტიციის სამინისტროს სამედიცინო დეპარტამენტის დებულების“ მე-3 მუხლის „ვ“, „ზ“ ქვეპუნქტებითა და წითელი ჯვრის საერთაშორისო ორგანიზაციას, იუსტიციის სამინისტროს და შრომის, ჯანმრთელობისა და სოციალური დაცვის სამინისტროებს შორის ხელმოწერილ ხელშეკრულებაში არსებულ მოთხოვნათა უზრუნველყოფის მიზნით, იუსტიციის სამინისტროს სამედიცინო დეპარტამენტის შემადგენლობაში შეიქმნას „ტუბერკულოზის კონტროლის ჯგუფი“.

 II. „ტუბერკულოზის კონტროლის ჯგუფის“ საშტატო განაწესი განისაზღვროს შემდეგი შემადგენლობით:

1. ჯგუფის უფროსი ‒ იუსტიციის მაიორი;

2. ჯგუფის წევრი ‒ იუსტიციის კაპიტანი;

3. ჯგუფის წევრი ‒ იუსტიციის კაპიტანი;

4. ჯგუფის წევრი ‒ მოსამსახურე;

III. „საქართველოს იუსტიციის სამინისტროს სამედიცინო დეპარტამენტის დებულების დამტკიცების შესახებ“ საქართველოს იუსტიციის მინისტრის 2001 წლის 2 მარტის N85 ბრძანებით დამტკიცებული დებულების მე-7 მუხლში სიტყვები „ექიმ-ექსპერტთა ჯგუფი“ შეიცვალოს სიტყვებით „ექიმ-სპეციალისტთა ჯგუფი“ და მუხლს „გ“ ქვეპუნქტად დაემატოს „ტუბერკულოზის კონტროლის ჯგუფი“.

აღნიშნული მუხლი ჩამოყალიბდეს ახალი რედაქციით:

7. დეპარტამენტის შემადგენლობაშია:

ა) სასჯელაღსრულების დაწესებულებების სამედიცინო სამსახურები;

ბ) ექიმ-სპეციალისტთა ჯგუფი;

გ) ტუბერკულოზის კონტროლის ჯგუფი;

IV. ეს ბრძანება ძალაშია გამოქვეყნებისთანავე.

მინისტრი                                  გ. პაპუაშვილი