„საქართველოს შინაგან საქმეთა მინისტრის 2002 წლის 18 იანვრის №10 ბრძანებით „საქართველოს შინაგან საქმეთა სამინისტროს გენერალური ინსპექციის დებულების დამტკცების შესახებ” დამტკიცებული „საქართველოს შინაგან საქმეთა სამინისტროს გენერალური ინსპექციის დებულებაში” დამატებების შეტანის თაობაზე

სახელმწიფო სარეგისტრაციო კოდი 010.240.030.11.118.006.477

საქართველოს შინაგან საქმეთა

მინისტრის ბრძანება №203

2004 წლის 29 აპრილი

 ქ. თბილისი

„საქართველოს შინაგან საქმეთა მინისტრის 2002 წლის 18 იანვრის  №10 ბრძანებით „საქართველოს შინაგან საქმეთა სამინისტროს გენერალური ინსპექციის დებულების დამტკიცების შესახებ“ დამტკიცებულ „საქართველოს შინაგან საქმეთა სამინისტროს გენერალური ინსპექციის დებულებაში“ დამატებების შეტანის თაობაზე

„ნორმატიული აქტების შესახებ” საქართველოს კანონის 36-ე მუხლისა და საქართველოს პრეზიდენტის 1997 წლის 17 ნოემბრის №672 ბრძანებულების „საქართველოს შინაგან საქმეთა სამინისტროს დებულების შესახებ” შესაბამისად და მისი შესრულების მიზნით, ვბრძანებ:

1. საქართველოს შინაგან საქმეთა მინისტრის 2002 წლის 18 იანვრის №10 ბრძანებით „საქართველოს შინაგან საქმეთა სამინისტროს გენერალური ინსპექციის დებულების დამტკიცების შესახებ” დამტკიცებულ „საქართველოს შინაგან საქმეთა სამინისტროს გენერალური ინსპექციის დებულებაში (სსმ III, №7, 21.01.2002 წ., მუხ. 52, გვ. 12) შეტანილ იქნეს შემდეგი დამატებები:

ა) დებულების მე-9 მუხლს დაემატოს შემდეგი რედაქციის ე) ქვეპუნქტი:

„ე) „ცხელ ხაზზე” შემოსულ ინფორმაციებზე რეაგირების განყოფილება;” და მუხლი ჩამოყალიბდეს შემდეგი რედაქციით:

     „მუხლი 9. გენერალური ინსპექციის სტრუქტურა

გენერალური ინსპექცია შედგება შემდეგი სტრუქტურული დანაყოფებისაგან:

ა) ოპერატიული რეაგირების სამმართველო;

ა.ა.) შინაგან საქმეთა სამინისტროს სისტემაში ნარკომანიის წინააღმედეგ ბრძოლის განყოფილება;

ბ) ადამიანის უფლებათა დაცვის სამსახური;

გ) ანალიზის, შიდა აუდიტის და რეგიონალური კონტროლის სამსახური;

დ) აჭარისა და აფხაზეთის ავტონომიური რესპუბლიკების შს სამინისტროების გენერალური ინსპექცია;

ე) „ცხელ ხაზზე” შემოსულ ინფორმაციებზე რეაგირების განყოფილება.”

ბ) დებულების მე-10 მუხლს დაემატოს შემდეგი რედაქციის 2¹  პუნქტი:

„2¹ .“ ცხელ ხაზზე” შემოსულ ინფორმაციებზე რეაგირების განყოფილება:

ა) უზრუნველყოფს „ცხელი ხაზის” სადღეღამისო მუშაობას, შემოსული ინფორმაციების რეგისტრაციას, ქვემდებარეობით განსაზღვრას და სამსახურებრივი შემოწმების ჩატარებას.”

2. ბრძანება ძალაში შევიდეს გამოქვეყნებისთანავე.

3. ბრძანება დაიგზავნოს კუთვნილებისამებრ.

გ. ბარამიძე