ზუგდიდის მუნიციპალიტეტის ბიუჯეტით განსაზღვრული ზუგდიდის მუნიციპალიტეტის ტერიტორიაზე რეგისტრირებულ (ადგილობრივი და დევნილი) პირთა სოციალური პროგრამების განხორციელების წესის დამტკიცების თაობაზე ზუგდიდის მუნიციპალიტეტის საკრებულოს 2024 წლის 18 იანვრის №11 დადგენილებაში ცვლილების შეტანის შესახებ

ა) მე-2 მუხლი ჩამოყალიბდეს შემდეგი რედაქციით:

„მუხლი 2. არაფულადი სოციალური დახმარების სახეები

მუნიციპალიტეტის ბიუჯეტში   გათვალისწინებულია   შემდეგი    სახის   არაფულადი სოციალური  დახმარებები:

ა) სოციალურად დაუცველი მოსახლეობის კვებით უზრუნველყოფა;

ბ) მარტოხელა და მარტო მცხოვრებ ხანდაზმულთა შინმოვლის სერვისი;

გ) სადღესასწაულო დღეების დახმარების პროგრამა;

დ) გენდერული თანასწორობის საკითხების ორგანიზება და ქალთა ოთახის ფუნქციონირების ხელშეწყობა;

ე) უსახლკარო და მძიმე საცხოვრებელი პირობების მქონე პირთა საცხოვრებელი ფართით უზრუნველყოფა;

ვ) განსაკუთრებულად შეჭირვებული სოციალურად დაუცველი ოჯახების (სარეიტინგო ქულა 65 001-მდე) გაზიფიკაცია;

ზ) სოციალურად დაუცველის სტატუსის მოხსნის შემთხვევაში, შუამდგომლობის გაწევა სოციალური მომსახურების სააგენტოსთან;

თ) პირველი ხარისხის  სამერქნე  ხე-ტყის  მოჭრის   ნებართვის   მისაღებად   შუამდგომლობის გაწევა აბაშის, ზუგდიდის, მარტვილის, მესტიის, სენაკის, ჩხოროწყუს, ხობის მუნიციპალიტეტებსა და თვითმმართველ ქალაქ ფოთში სახელმწიფო რწმუნებულის ადმინისტრაციასთან;

ი) თავისუფალი გადაადგილების სოციალური სერვისი-საჭიროების მქონე პირთა ინდივიდუალური მობილობა;

კ)   შეზღუდული შესაძლებლობის მქონე პირთა პერსონალური ასისტენტის ქვეპროგრამა, შშმ პირთა დამოუკიდებელი ცხოვრებისა და საზოგადოებაში ინტეგრირებისათვის.“

ბ)  მე-5 მუხლის მესამე პუნქტი ჩამოყალიბდეს შემდეგი რედაქციით:

„3. მიმდინარე წელს ტყუპის შეძენისას ერთჯერადი დახმარების თანხა განისაზღვრა 1000 (ერთი ათასი) ლარის ოდენობით.

დახმარების მისაღებად მშობელმა მერიაში უნდა წარმოადგინოს:

ა) განცხადება;

ბ) მშობლის (დედის ან მამის) პირადობის მოწმობის ასლი;

გ) ბავშვების დაბადების მოწმობის ასლები;

დ) არასრულწლოვანების პირადობის მოწმობის ასლები ან რეგისტრაციის ბარათები;

ე) განმცხადებლის საბანკო ანგარიშის ნომერი.“

გ) მე-9 მუხლი ჩამოყალიბდეს შემდეგი რედაქციით:

„მუხლი 9. სადღესასწაულო დღეების დახმარების პროგრამა (პროგრამის კოდი: 06 02 07)

შობა-ახალი წლისა და აღდგომის ბრწყინვალე დღესასწაულთან დაკავშირებით, მოწყვლადი ჯგუფებისთვის: მზრუნველობამოკლებულთა სასადილოს ბენეფიციარები, მრავალშვილიანი ოჯახები, მარტოხელა მშობლები, დედ-მამით ობოლი ბავშვები, სოციალურ საცხოვრისში ჩასახლებული და უფასო სასადილოს ბენეფიციარები, უკიდურესად შეჭირვებული ოჯახებისთვის პროდუქტების სასაჩუქრე პაკეტების გადაცემა; შშმ პირთა უფლებების  დაცვის  დღისა (14 ივნისი) და სხვა აღსანიშნავი ღონისძიების ფინანსური მხარდაჭერა.“