„შიდა სახმელეთო წყლების სატრანსპორტო საშუალებების სახელმწიფო რეგისტრაციის წესის დამტკიცების შესახებ“ საქართველოს ეკონომიკისა და მდგრადი განვითარების სამინისტროს საჯარო სამართლის იურიდიული პირის საზღვაო ტრანსპორტის სააგენტოს დირექტორის 2024 წლის 27 დეკემბრის №67 ბრძანებაში ცვლილების შეტანის თაობაზე

ა) წესის მე-3 მუხლის მე-3 პუნქტი ჩამოყალიბდეს ახალი თანდართული რედაქციით:

,,3. სატრანსპორტო საშუალების რეგისტრაცია მუდმივია. სარეგისტრაციო მოწმობა გაიცემა 1 წლის ვადით და განახლდება ყოველწლიურად.“

ბ) წესის მე-3 მუხლს დაემატოს შემდეგი შინაარსის მე-10 პუნქტი:

,,10. სატრანსპორტო საშუალების სარეგისტრაციო მოწმობის განახლების მიზნით, სააგენტოს წარედგინება:

ა) უფლებამოსილი პირის მიერ წარდგენილი განაცხადი;

ბ) სატრანსპორტო საშუალების პერიოდული ინსპექტირების ანგარიში;

გ) საფასურის გადახდის დამადასტურებელი დოკუმენტი.“

გ) წესის მე-10 მუხლის პირველ პუნქტს დაემატოს შემდეგი რედაქციის ,,ბ^1“ პუნქტი:

„ბ¹) სატრანსპორტო საშუალების სარეგისტრაციო მოწმობის მოქმედების ვადის გასვლის შემთხვევაში;“.