,,სპეციალური საგამოძიებო სამსახურის დებულების დამტკიცების შესახებ“ სპეციალური საგამოძიებო სამსახურის უფროსის 2022 წლის 7 ივნისის №9 ბრძანებაში ცვლილების შეტანის შესახებ

1. მე-9 მუხლის პირველ პუნქტს დაემატოს შემდეგი შინაარსის „ბ¹“ ქვეპუნქტი:

„ბ ¹) ადამიანის უფლებათა და ძირითად თავისუფლებათა დაცვის კონვენციის დარღვევის საქმეთა გამოძიების სამმართველო;“.

2. მე-9 მუხლის მე-3 პუნქტი ჩამოყალიბდეს შემდეგი რედაქციით:

„3. სპეციალურ საქმეთა გამოძიების დეპარტამენტის აღმოსავლეთ საქართველოს I, აღმოსავლეთ საქართველოს II და ადამიანის უფლებათა და ძირითად თავისუფლებათა დაცვის კონვენციის დარღვევის საქმეთა გამოძიების  სამმართველოების ამოცანაა „სპეციალური საგამოძიებო სამსახურის შესახებ“ საქართველოს კანონის მე-19 მუხლით განსაზღვრულ დანაშაულთა გამოძიება, გარდა ამავე მუხლის „დ“ ქვეპუნქტით გათვალისწინებული იმ დანაშაულებისა, რომელთა გამოძიებაც მიეკუთვნება პირადი ცხოვრების ხელყოფის საქმეთა დეპარტამენტის კომპეტენციას.“.

3. მე-9 მუხლის მე-6 პუნქტი ჩამოყალიბდეს შემდეგი რედაქციით:

„6. სპეციალურ საქმეთა გამოძიების დეპარტამენტში შემავალი აღმოსავლეთ საქართველოს  I სამმართველოს, აღმოსავლეთ საქართველოს II სამმართველოს, ადამიანის უფლებათა და ძირითად თავისუფლებათა დაცვის კონვენციის დარღვევის საქმეთა გამოძიების სამმართველოს, კახეთის სამმართველოს, დასავლეთ საქართველოს სამმართველოს, სამეგრელო-ზემო სვანეთის სამმართველოს, აჭარის  ავტონომიური რესპუბლიკის სამმართველოსა და ქვემო ქართლის სამმართველოს სამოქმედო ტერიტორია განისაზღვრება სპეციალური საგამოძიებო სამსახურის უფროსის ინდივიდუალური სამართლებრივი აქტით.“.