,,მარტვილის მუნიციპალიტეტის 2025 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ მარტვილის მუნიციპალიტეტის საკრებულოს 2024 წლის 20 დეკემბრის №8 დადგენილებაში ცვლილების შეტანის თაობაზე

„1. მოსახლეობის სამედიცინო დახმარება გაეწევა მარტვილის მუნიციპალიტეტში რეგისტრირებულ  მოქალაქეებს წელიწადში არაუმეტეს 2-ჯერ, გარდა ონკოლოგიური პაციენტებისა. დახმარებაში იგულისხმება   დაუფინანსებელი ნაწილის (პაციენტის მიერ გადასახდელი თანხის)  თანადაფინანსება; (არ ფინანსდება  სამედიცინო ჩვენებისა და ექიმის დანიშნულების გარეშე მკურნალობა, თვითმკურნალობა, საზღვარგარეთ გაწეული სამედიცინო მომსახურების ხარჯები, სანატორიულ-კურორტული მკურნალობა, ესთეთიკური ქირურგია, კოსმეტიკური მიზნით ჩატარებული მკურნალობა, უშვილობის მკურნალობა (მათ შორის, ხელოვნური განაყოფიერება)).“;

,,დ) ონკოლოგიური პაციენტების მედიკამენტებითა და სამედიცინო დანიშნულების დამხმარე საშუალებებით დაფინანსება 50%-ით წელიწადში 2-ჯერ,  არაუმეტეს 2 000 ლარისა.“;

,,გ) მარტვილის მუნიციპალიტეტში რეგისტრირებული იშვიათი დაავადების ,,ცისტური ფიბროზის“ (მუკოვისციდოზი) მქონე მოქალაქის დაფინანსება 3600 ლარის ოდენობით (900 ლარი კვარტალურად).

   გ.ა) დაფინანსების მისაღებად მოქალაქემ უნდა წარმოადგინოს:

გ.ა.ა) განცხადება;

გ.ა.ბ) პირადობის მოწმობის ასლი;

გ.ა.გ) ცნობა ჯანმრთელობის მდგომარეობის შესახებ (ფორმა №100);

გ.ა.დ) ადმინისტრაციულ ერთეულში მერის წარმომადგენლის მოხსენებითი ბარათი;

გ.ა.ე) საბანკო ანგარიში;

გ.ა.ვ) ანაზღაურება განხორციელდება უნაღდო ანგარიშსწორების ფორმით ბენეფიციარის საბანკო ანგარიშზე თანხის ჩარიცხვით.“.