„საგადასახადო კოდექსითა და საერთაშორისო ხელშეკრულებებით დღგ-ისაგან გათავისუფლებულ ცალკეულ საქონელზე სპეციალური საგადასახადო ანგარიშ-ფაქტურა-სერტიფიკატის შემოღების თაობაზე საქართველოს შემოსავლების მინისტრის 2002 წლის 10 მაისის №225 ბრძანებაში ცვლილებისა და დამატების შეტანის თაობაზე

საქართველოს ფინანსთა მინისტრის

ბრძანება №210

2002 წლის 4 ივლისი

ქ. თბილისი

„საგადასახადო კოდექსითა და საერთაშორისო ხელშეკრულებებით დღგ-ისაგან გათავისუფლებულ ცალკეულ საქონელზე სპეციალური საგადასახადო ანგარიშ-ფაქტურა-სერტიფიკატის შემოღების თაობაზე საქართველოს შემოსავლების მინისტრის 2002 წლის 10 მაისის №225 ბრძანებაში ცვლილებისა და დამატების შეტანის თაობაზე

I. ზოგადი ადმინისტრაციული კოდექსის 62-ე და 63-ე მუხლების საფუძველზე „საგადასახადო კოდექსითა და საერთაშორისო ხელშეკრულებებით დღგ-ისაგან გათავისუფლებულ ცალკეულ საქონელზე სპეციალური საგადასახადო ანგარიშ-ფაქტურა-სერტიფიკატის შემოღების თაობაზე” საქართველოს შემოსავლების მინისტრის 2002 წლის 10 მაისის №225 ბრძანების:

1. მე-3 პუნქტი ძალადაკარგულად იქნეს მიჩნეული.

2. დაემატოს 3¹ პუნქტი შემდეგი რედაქციით:

3¹„სდღგ-სერტიფიკატი სამოქმედოდ შემოღებულ იქნეს 2002 წლის 1 სექტემბრიდან განხორციელებულ მიწოდებებზე. იმავდროულად შეწყდეს ამ მიზნისათვის დღგ-ის ანგარიშ-ფაქტურების არსებული ფორმის გამოყენება, გარდა ნავთობის დისტილატების შემოღებული სდღგ-ებისა”.

II. ბრძანება ძალაში შევიდეს გამოქვეყნებისთანავე.

მირიან გოგიაშვილი