„რისკზე დაფუძნებული რეგულარული სადაზღვევო შენატანის გამოთვლის მეთოდოლოგიის დამტკიცების თაობაზე“ სსიპ – დეპოზიტების დაზღვევის სააგენტოს უფროსის 2020 წლის 31 დეკემბრის №13/ნ ბრძანებაში ცვლილების შეტანის შესახებ

„რისკზე დაფუძნებული რეგულარული სადაზღვევო შენატანის გამოთვლის მეთოდოლოგიის დამტკიცების თაობაზე“ სსიპ – დეპოზიტების დაზღვევის სააგენტოს უფროსის 2020 წლის 31 დეკემბრის №13/ნ ბრძანებით (www.matsne.gov.ge, 31/12/2020; ს/კ: 220090000.66.078.016013) დამტკიცებულ ინსტრუქციაში შეტანილ იქნეს შემდეგი ცვლილება:

1. მე-3 მუხლი ჩამოყალიბდეს შემდეგი რედაქციით:

„მუხლი 3. აგრეგირებული რისკის წონა

კომერციული ბანკის აგრეგირებულ რისკის წონასთან მიმართებით სსიპ – დეპოზიტების დაზღვევის სააგენტო ხელმძღვანელობს „სარეზოლუციო ფონდის შექმნის, ადმინისტრირებისა და ინვესტირების, სარეზოლუციო ფონდში წინასწარი შენატანის დაკისრების კრიტერიუმებისა და წინასწარი შენატანის განხორციელების წესის დამტკიცების თაობაზე“ საქართველოს ეროვნული ბანკის პრეზიდენტის 2024 წლის 2 სექტემბრის №228/04 ბრძანებით დადგენილი წესით თითოეული კომერციული ბანკისთვის გამოთვლილი აგრეგირებული რისკის წონით. ამავე ბრძანების შესაბამისად გამოითვლება აგრეგირებული რისკის წონა მიკრობანკისთვისაც.“.

2. მე-4 მუხლის მე-4 პუნქტი ჩამოყალიბდეს შემდეგი რედაქციით:

„4. რისკზე დაფუძნებული რეგულარული სადაზღვევო შენატანის ინდივიდუალური ოდენობა თითოეული კომერციული ბანკისთვის და მიკრობანკისთვის გამოითვლება ამ მეთოდოლოგიის დანართის შესაბამისად.

3. ამოღებულ იქნეს „დანართი №1“.

4. „დანართი №2“ ჩამოყალიბდეს შემდეგნაირად: „დანართი“.

ეს ბრძანება ამოქმედდეს გამოქვეყნებისთანავე.