„საქართველოს შინაგან საქმეთა სამინისტროს ადმინისტრაციის (დეპარტამენტი) დებულების დამტკიცების შესახებ“ საქართველოს შინაგან საქმეთა მინისტრის 2017 წლის 15 დეკემბრის №589 ბრძანებაში ცვლილების შეტანის თაობაზე

1. მე-5 მუხლს დაემატოს შემდეგი შინაარსის „ი“ ქვეპუნქტი:

„ი) სატელეფონო ნომრით – 1504, ასევე, ონლაინკომუნიკაციის საშუალებებით სამინისტროს სისტემის კომპეტენციას მიკუთვნებულ საკითხებზე საინფორმაციო მომსახურების გაწევა.“.

2. მე-6 მუხლის „ვ“ ქვეპუნქტის შემდეგ დაემატოს შემდეგი შინაარსის „ვ¹“ ქვეპუნქტი:

„ვ¹) სატელეფონო და ონლაინკომუნიკაციის საშუალებებით ახორციელებს სამინისტროს სისტემის უფლებამოსილებებთან და კომპეტენციას მიკუთვნებულ სხვა საკითხებთან დაკავშირებით საინფორმაციო მომსახურებას;“.

3. მე-7 მუხლს დაემატოს შემდეგი შინაარსის „ზ“ ქვეპუნქტი:

„ზ) მოქალაქეთა საინფორმაციო სამსახური.“.

4. 12¹ მუხლის შემდეგ დაემატოს შემდეგი შინაარსის 12² მუხლი:

„მუხლი 12²

1. მოქალაქეთა საინფორმაციო სამსახური:

ა) ახორციელებს სამინისტროს სისტემის კომპეტენციას მიკუთვნებულ საკითხებთან დაკავშირებით  სატელეფონო ნომრის – 1504, ასევე, ონლაინკომუნიკაციის საშუალებებით კვალიფიციური, მარტივად გასაგებ საინფორმაციო მომსახურებას, სატელეფონო მომსახურების დადგენილი სტანდარტის შესაბამისად;

ბ) ახორციელებს სამინისტროს სისტემის საქმიანობასთან დაკავშირებით სატელეფონო და ონლაინკომუნიკაციის საშუალებებით შემოსული საკითხების, აგრეთვე, შესრულებული სამუშაოს სტატისტიკური მონაცემების ანალიზს და სამინისტროს სისტემის შესაბამისი დანაყოფებისთვის მიწოდებას. დამუშავებული მონაცემების საფუძველზე უზრუნველყოფს სამინისტროს ხელმძღვანელობისთვის შესაბამისი წინადადებების წარდგენას;

გ) ასრულებს საქართველოს კანონმდებლობით გათვალისწინებულ სხვა უფლებამოსილებებს, ასევე, ადმინისტრაციის უფროსის ან/და უფროსის მოადგილის სხვა დავალებებს.

2. სატელეფონო, ასევე, ონლაინკომუნიკაციის საშუალებებით მომსახურების მიღება შესაძლებელია სამუშაო დღეების განმავლობაში – 09:00 საათიდან – 18:00 საათამდე, შაბათს – 09:00 საათიდან  – 14:00 საათამდე.“.