დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „საქართველოს ფინანსთა სამინისტროს საგამოძიებო სამსახურის თანამდებობებისათვის სპეციალური საკვალიფიკაციო მოთხოვნების დამტკიცების შესახებ“ საქართველოს ფინანსთა მინისტრის 2010 წლის 21 აპრილის №324 ბრძანებაში ცვლილების შეტანის თაობაზე | |
|---|---|
| დოკუმენტის ნომერი | 111 |
| დოკუმენტის მიმღები | საქართველოს ფინანსთა მინისტრი |
| მიღების თარიღი | 05/05/2025 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 05/05/2025 |
| სარეგისტრაციო კოდი | 010320040.22.033.017921 |
|
„საქართველოს ფინანსთა სამინისტროს საგამოძიებო სამსახურის თანამდებობებისათვის სპეციალური საკვალიფიკაციო მოთხოვნების დამტკიცების შესახებ“ საქართველოს ფინანსთა მინისტრის 2010 წლის 21 აპრილის №324 ბრძანებაში ცვლილების შეტანის თაობაზე
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ:
|
| მუხლი 1 |
„საქართველოს ფინანსთა სამინისტროს საგამოძიებო სამსახურის თანამდებობებისათვის სპეციალური საკვალიფიკაციო მოთხოვნების დამტკიცების შესახებ“ საქართველოს ფინანსთა მინისტრის 2010 წლის 21 აპრილის №324 ბრძანებაში (სსმ III, 23.04.2010 წ., №46, მუხლი 688) შეტანილ იქნეს ცვლილება და ამ ბრძანებით დამტკიცებული „საქართველოს ფინანსთა სამინისტროს საგამოძიებო სამსახურის თანამდებობებისათვის სპეციალური საკვალიფიკაციო მოთხოვნების“ პირველი მუხლი ჩამოყალიბდეს შემდეგი რედაქციით:
„ მუხლი 1. სამსახურის ხელმძღვანელობა 1. სამსახურის უფროსის მოადგილე: ა) უმაღლესი განათლება; ბ) საჯარო სამსახურში, საგამოძიებო (მათ შორის, პროკურატურის) ან ოპერატიულ დანაყოფებში, საბაჟო ან საგადასახადო ორგანოებში, ადვოკატად ან მოსამართლედ მუშაობის არანაკლებ 5 წლის გამოცდილება ან სპეციალობით ხელმძღვანელ თანამდებობაზე მუშაობის 3 წლის გამოცდილება; გ) უცხო ენის ცოდნა; დ) საოფისე კომპიუტერული პროგრამების ცოდნა. 2. მრჩეველი: ა) უმაღლესი განათლება; ბ) საჯარო სამსახურში, საგამოძიებო (მათ შორის, პროკურატურის) ან ოპერატიულ დანაყოფებში, საბაჟო ან საგადასახადო ორგანოებში, ადვოკატად ან მოსამართლედ მუშაობის არანაკლებ 4 წლის გამოცდილება ან სპეციალობით ხელმძღვანელ თანამდებობაზე მუშაობის 2 წლის გამოცდილება; გ) უცხო ენის ცოდნა; დ) საოფისე კომპიუტერული პროგრამების ცოდნა.“. |
| მუხლი 2 |
ეს ბრძანება ამოქმედდეს გამოქვეყნებისთანავე და მისი მოქმედება გავრცელდეს 2025 წლის 1 მაისიდან წარმოშობილ სამართლებრივ ურთიერთობებზე.
|
|
დოკუმენტის კომენტარები