„საჯარო ფასიან ქაღალდებზე საკუთრების უფლების სააღრიცხვო თარიღის დადგენის, ჩანაწერით ფლობის, აქციათა მესაკუთრეობიდან გამომდინარე, უფლება-მოვალეობათა განსაზღვრის და საჯარო ფასიან ქაღალდებზე საკუთრების უფლების წარმოშობის, შეცვლის და შეწყვეტის პროცედურების წესის“ დამტკიცების თაობაზე“ საქართველოს ეროვნული ბანკის პრეზიდენტის 2010 წლის 22 თებერვლის №20/01 ბრძანებაში ცვლილების შეტანის შესახებ

ა) პირველი პუნქტი ჩამოყალიბდეს შემდეგი რედაქციით:

„1. თუ სატენდერო შემთავაზებელს ანგარიშვალდებული საწარმოს რომელიმე კლასის საჯარო ფასიანი ქაღალდების შესყიდვა სურს იმ რაოდენობით, რომლის შედეგადაც მის საკუთრებაში აღმოჩნდება ამ კლასის ფასიანი ქაღალდების 10%-ზე მეტი, მან სატენდერო შეთავაზების განცხადების ეროვნულ ბანკში წარდგენამდე, ეროვნულ ბანკს წერილობით უნდა შეატყობინოს ამგვარი სატენდერო შეთავაზების სურვილის შესახებ და შეტყობინებას თან უნდა დაურთოს შეთავაზების განცხადების პროექტი. განცხადება შემთავაზებელმა უნდა გამოაქვეყნოს ასევე ამ მუხლის მე-5 პუნქტით გათვალისწინებული წესით.“;

ბ)  მე-5 პუნქტი ჩამოყალიბდეს შემდეგი რედაქციით:

„5. სატენდერო შეთავაზების განცხადება უნდა გამოქვეყნდეს სსიპ – საქართველოს საკანონმდებლო მაცნეს ან სხვა ისეთი საშუალების გამოყენებით, რომელიც უზრუნველყოფს ფასიანი ქაღალდების რეგისტრირებული მფლობელებისთვის ინფორმაციის ხელმისაწვდომობას, ასევე, ემიტენტის ვებგვერდის (ასეთის არსებობის შემთხვევაში) მეშვეობით, ხოლო საფონდო ბირჟაზე დაშვებული ფასიანი ქაღალდების შემთხვევაში – დამატებით, ასევე, საფონდო ბირჟის ვებგვერდის მეშვეობით.“.