„ქალაქ თბილისის მუნიციპალიტეტის იურიდიული საქალაქო სამსახურის დებულების დამტკიცების შესახებ“ ქალაქ თბილისის მუნიციპალიტეტის საკრებულოს 2018 წლის 16 იანვრის №10-6 დადგენილებაში ცვლილების შეტანის თაობაზე

ა) მე-2 მუხლის:

ა. ა) პირველი პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) თბილისის მერიის, თვითნებურად დაკავებულ მიწაზე საკუთრების უფლების აღიარების კომისიისა და თბილისის მთავრობის დავალებით, თბილისის რაიონის გამგეობების წარმომადგენლობა სასამართლოში;“;

ა. ბ) მე-2 პუნქტის „დ“ ქვეპუნქტი ჩამოყალიბდეს შემდეგი რედაქციით:

„დ) თბილისის მერიის, თვითნებურად დაკავებულ მიწაზე საკუთრების უფლების აღიარების კომისიისა (კომპეტენციის ფარგლებში) და თბილისის მთავრობის დავალებით, თბილისის რაიონის გამგეობების  წარმომადგენლობა სასამართლოში;“;

ბ) მე-5 მუხლის მე-3 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) სამსახურის უფროსის მიერ გაცემული მინდობილობის საფუძველზე თბილისის მერიისა და თვითნებურად დაკავებულ მიწაზე საკუთრების უფლების აღიარების კომისიის,  აგრეთვე, თბილისის მთავრობის დავალების შემთხვევაში, თბილისის რაიონის გამგეობების წარმომადგენლობა სასამართლოში;“.