„ვანის მუნიციპალიტეტის საკრებულოს რეგლამენტის დამტკიცების შესახებ“ ვანის მუნიციპალიტეტის საკრებულოს 2018 წლის 10 იანვრის N48 დადგენილებაში ცვლილებების შეტანის შესახებ

1. დანართის მე -3 მუხლის მე -3 პუნქტის „ე “ ქვეპუნქტი ჩამოყალიბდეს შემდეგი რედაქციით :

„ე ) საკრებულოს წევრის უფლებამოსილების ვადამდე შეწყვეტის შესახებ გადაწყვეტილების მიღება ;“.

 2. დანართის მე -3 მუხლის მე -3 პუნქტის „ვ “ ქვეპუნქტი ჩამოყალიბდეს შემდეგი რედაქციით :

„ვ ) საკრებულოს სამუშაო გეგმის და საკრებულოს სხდომის დღის წესრიგის პროექტების დამტკიცება , მათში ცვლილებების შეტანა ;“.

 3. დანართის მე -12 მუხლის მე -2 პუნქტი ჩამოყალიბდეს შემდეგი რედაქციით :

„2. საკრებულოს წევრის უფლებამოსილება იწყება მისი უფლებამოსილების საქართველოს ორგანული კანონის „საქართველოს საარჩევნო კოდექსი “ შესაბამისად დაწყებისთანავე და მთავრდება ამ უფლებამოსილების ვადის გასვლისთანავე ან ვადამდე შეწყვეტისთანავე .“.

4. დანართის მე -13 მუხლის სათაური შეიცვალოს და ჩამოყალიბდეს შემდეგი რედაქციით :

„მუხლი 13. საკრებულოს წევრის თანამდებობრივი შეუთავსებლობა ; უფლებამოსილების ვადამდე შეწყვეტა და შეჩერება “.

 5. დანართის მე -13 მუხლის 1-ლი პუნქტი ჩამოყალიბდეს შემდეგი რედაქციით :

„1. საკრებულოს წევრს უფლება არ აქვს :

ა ) იყოს სხვა წარმომადგენლობითი ორგანოს წევრი ;

ბ ) ეკავოს „კორუფციის წინააღმდეგ ბრძოლის შესახებ “ საქართველოს კანონით განსაზღვრული თანამდებობის პირის თანამდებობა , გარდა ვანის მუნიციპალიტეტის საკრებულოს თანამდებობის პირის თანამდებობისა ;

გ ) ეკავოს თანამდებობა , რომელზეც პირს ირჩევს ან პირის დანიშვნაზე თანხმობას იძლევა საქართველოს პარლამენტი ;

დ ) ეკავოს თანამდებობა , რომელზეც პირს ნიშნავს საქართველოს პრეზიდენტი ან საქართველოს პრემიერ -მინისტრი ;

ე ) ეკავოს თანამდებობა , რომელზეც პირს ირჩევენ , ნიშნავენ ან ამტკიცებენ აფხაზეთისა და აჭარის ავტონომიური რესპუბლიკების უმაღლესი წარმომადგენლობითი ორგანოები ;

ვ ) იმუშაოს სასამართლო ხელისუფლებისა და პროკურატურის ორგანოებში , სახელმწიფო აუდიტის სამსახურში , საქართველოს შინაგან საქმეთა და თავდაცვის სამინისტროების და საქართველოს სახელმწიფო უსაფრთხოების სამსახურის სისტემაში ;

ზ ) იყოს საქართველოს საარჩევნო ადმინისტრაციის მოხელე ;

თ ) იმუშაოს იმ ადმინისტრაციულ ორგანოში , რომელიც საქართველოს კანონმდებლობის შესაბამისად სახელმწიფო ზედამხედველობას უწევს ვანის მუნიციპალიტეტის ორგანოებს ;

ი ) იმუშაოს მუნიციპალიტეტის საკრებულოს აპარატსა და მერიაში ;

კ ) მონაწილეობა მიიღოს მუნიციპალიტეტის საწარმოს (საწარმოების ) მართვაში (იყოს დირექტორი , დირექტორის მოადგილე , სამეთვალყურეო ან დირექტორთა საბჭოს წევრი და სხვა ), აგრეთვე იყოს ვანის მუნიციპალიტეტის ბიუჯეტით დაფინანსებული დაწესებულების დირექტორი ან დირექტორის მოადგილე ;

ლ ) იმუშაოს სხვა ქვეყნის საჯარო სამსახურში .“.

6. დანართის მე -13 მუხლის მე -2 და მე -3 პუნქტები ამოღებულ იქნეს .

 7. დანართის მე -13 მუხლს დაემატოს შემდეგი შინაარსის 4¹ პუნქტი :

„4¹. საკრებულოს თანამდებობის პირს უფლებამოსილება ვადამდე შეუწყდება აგრეთვე „კორუფციის წინააღმდეგ ბრძოლის შესახებ “ საქართველოს კანონით განსაზღვრული თანამდებობის პირისთვის შეუთავსებელი თანამდებობის დაკავების ან შეუთავსებელი საქმიანობის განხორციელების შემთხვევაში . საკრებულოს თანამდებობის პირს უფლებამოსილება ვადამდე უწყდება შესაბამისი ფაქტის დადგომის მომდევნო დღიდან .“.

 8. დანართის მე -13 მუხლის მე -5 პუნქტი ჩამოყალიბდეს შემდეგი რედაქციით :

„5. ამ მუხლის მე -4 პუნქტის „ე “ და „ვ “ ქვეპუნქტებით განსაზღვრულ შემთხვევებში საკრებულო საკრებულოს წევრის უფლებამოსილების ვადამდე შეწყვეტის შესახებ გადაწყვეტილებას იღებს საკრებულოს იურიდიულ , სამანდატო , საპროცედურო საკითხთა და ეთიკის კომისიის დასკვნის საფუძველზე .“.

 9. დანართის მე -13 მუხლის მე -6 პუნქტი ჩამოყალიბდეს შემდეგი რედაქციით :

„6. საკრებულოს წევრის უფლებამოსილების ვადამდე შეწყვეტის შესახებ ინფორმაციას , გარდა ამ მუხლის მე -4 პუნქტის „ე “ და „ვ “ ქვეპუნქტებით განსაზღვრული შემთხვევებისა , საკრებულო იღებს ცნობის სახით და აფორმებს საკრებულოს სხდომის საოქმო ჩანაწერით .“

 10. დანართის მე -13 მუხლის მე -7 პუნქტი ჩამოყალიბდეს შემდეგი რედაქციით :

„7. თუ საკრებულოს წევრი /თანამდებობის პირი ზედეზედ 6 თვის განმავლობაში არ მონაწილეობს საკრებულოს მუშაობაში ან არღვევს საქართველოს ორგანული კანონის „ადგილობრივი თვითმმართველობის კოდექსი “ და „კორუფციის წინააღმდეგ ბრძოლის შესახებ “ საქართველოს კანონით განსაზღვრულ თანამდებობრივი შეუთავსებლობის მოთხოვნებს , საკრებულოს იურიდიულ , სამანდატო , საპროცედურო საკითხთა და ეთიკის კომისია საკრებულოს რეგლამენტით გათვალისწინებული წესით არკვევს გაცდენის მიზეზს ან ამოწმებს /გამოითხოვს ინფორმაციას თანამდებობრივი შეუთავსებლობის ფაქტის დასადგენად . თუ დადასტურდა , რომ გაცდენის მიზეზი არასაპატიოა ან საკრებულოს წევრი /თანამდებობის პირი არღვევს თანამდებობრივი შეუთავსებლობის მოთხოვნებს , საკრებულოს იურიდიულ , სამანდატო , საპროცედურო საკითხთა და ეთიკის კომისია ამზადებს დასკვნას და წარუდგენს საკრებულოს უახლოეს სხდომას , რომელიც იღებს გადაწყვეტილებას საკრებულოს წევრისთვის /თანამდებობის პირისთვის უფლებამოსილების ვადამდე შეწყვეტის შესახებ .“.

 11. დანართის მე -13 მუხლის მე -9 პუნქტი ჩამოყალიბდეს შემდეგი რედაქციით :

„9. საკრებულოს წევრის /თანამდებობის პირის უფლებამოსილების ვადამდე შეწყვეტის შესახებ საკრებულოს გადაწყვეტილება შეიძლება გასაჩივრდეს სასამართლოში .“.

 12. დანართის მე -18 მუხლის მე -4 პუნქტი ჩამოყალიბდეს შემდეგი რედაქციით :

„4. საკრებულოს თანამდებობის პირის თანამდებობრივი შეუთავსებლობის საკითხები წესრიგდება „კორუფციის წინააღმდეგ ბრძოლის შესახებ “ საქართველოს კანონის შესაბამისად .“.

 13. დანართის მე -20 მუხლის მე -2 პუნქტის „ვ “ ქვეპუნქტი ჩამოყალიბდეს შემდეგი რედაქციით :

„ვ ) უზრუნველყოფს საკრებულოს ბიუროს მიერ შემუშავებული საკრებულოს სხდომის დღის წესრიგის პროექტის მუნიციპალიტეტის საკრებულოსთვის სხდომაზე დასამტკიცებლად წარდგენას , ადგენს განსახილველ საკითხზე გამოსვლის მსურველთა სიას , ამ რეგლამენტის მე -60 მუხლით დადგენილი წესით განსაზღვრავს გამომსვლელთა რიგითობას და აძლევს მათ სიტყვას ;“.

 14. დანართის მე -20 მუხლის მე -5 პუნქტი ჩამოყალიბდეს შემდეგი რედაქციით :

„5. საკრებულოს თავმჯდომარეს უფლებამოსილება ვადამდე უწყდება ამ რეგლამენტის 102-ე მუხლით დადგენილი წესით გადარჩევის , თანამდებობიდან გადადგომის , მისი , როგორც საკრებულოს წევრის უფლებამოსილების ვადამდე შეწყვეტის , აგრეთვე „კორუფციის წინააღმდეგ ბრძოლის შესახებ “ საქართველოს კანონით განსაზღვრული თანამდებობის პირისთვის შეუთავსებელი თანამდებობის დაკავების ან შეუთავსებელი საქმიანობის განხორციელების შემთხვევაში .“.

 15. დანართის 21-ე მუხლის მე -6 პუნქტი ჩამოყალიბდეს შემდეგი რედაქციით :

„6. საკრებულოს თავმჯდომარის მოადგილეებს უფლებამოსილება ვადამდე უწყდებათ ამ რეგლამენტის 104-ე მუხლით დადგენილი წესით გადარჩევის , თანამდებობიდან გადადგომის , მისი , როგორც საკრებულოს წევრის უფლებამოსილების ვადამდე შეწყვეტის , აგრეთვე „კორუფციის წინააღმდეგ ბრძოლის შესახებ “ საქართველოს კანონით განსაზღვრული თანამდებობის პირისთვის შეუთავსებელი თანამდებობის დაკავების ან შეუთავსებელი საქმიანობის განხორციელების შემთხვევაში .“.

 16. დანართის 22-ე მუხლის მე -2 პუნქტის „ა “ ქვეპუნქტი ჩამოყალიბდეს შემდეგი რედაქციით :

„ა ) შეიმუშავებს და საკრებულოს დასამტკიცებლად წარუდგენს საკრებულოს სხდომის დღის წესრიგის პროექტსა და საკრებულოს სამუშაო გეგმის პროექტს ;“.

 17. დანართის 22-ე მუხლის მე -2 პუნქტის „დ ¹“ ქვეპუნქტი ჩამოყალიბდეს შემდეგი რედაქციით :

„დ ¹) უზრუნველყოფს საკრებულოს კომისიებისა და დროებითი სამუშაო ჯგუფების დასკვნებისა და წინადადებების საფუძველზე ადმინისტრაციულ -სამართლებრივი აქტების პროექტებისა და ამ რეგლამენტით გათვალისწინებული სხვა საკითხების საკრებულოს სხდომის დღის წესრიგის პროექტში დაუყონებლივ შეტანას ;“.

 18. დანართის 29-ე მუხლის მე -6 პუნქტი ჩამოყალიბდეს შემდეგი რედაქციით :

„6. კომისიის თავმჯდომარეს უფლებამოსილება ვადამდე უწყდება ამ რეგლამენტის 106-ე მუხლით დადგენილი წესით გადარჩევის , თანამდებობიდან გადადგომის , მისი , როგორც საკრებულოს წევრის უფლებამოსილების ვადამდე შეწყვეტის , აგრეთვე „კორუფციის წინააღმდეგ ბრძოლის შესახებ “ საქართველოს კანონით განსაზღვრული თანამდებობის პირისთვის შეუთავსებელი თანამდებობის დაკავების ან შეუთავსებელი საქმიანობის განხორციელების შემთხვევაში .“.

19. დანართის 97-ე მუხლი ჩამოყალიბდეს შემდეგი რედაქციით :

„ მუხლი 97. საკრებულოს წევრის უფლებამოსილების ვადამდე შეწყვეტის შესახებ საკითხის განხილვა

1. საკრებულოს წევრის უფლებამოსილების ვადამდე შეწყვეტის შესახებ საკითხი გადაეცემა საკრებულოს იურიდიულ , სამანადატო , საპროცედურო საკითხთა და ეთიკის კომისიას .

2. საკრებულოს იურიდიულ , სამანადატო , საპროცედურო საკითხთა და ეთიკის კომისია ვალდებულია , საკრებულოს ბიუროს უახლოეს სხდომაზე წარუდგინოს კომისიის დასკვნა დაყენებული საკითხის გადაწყვეტის შესახებ .

3. საკრებულოს წევრის უფლებამოსილების ვადამდე შეწყვეტის შესახებ ინფორმაციას , გარდა ამ რეგლამენტის მე -13 მუხლის მე -5 პუნქტის „ე “ და „ვ “ ქვეპუნქტებით განსაზღვრული შემთხვევებისა , საკრებულო იღებს ცნობის სახით კენჭისყრის გარეშე .

4. ამ რეგლამენტის მე -13 მუხლის მე -5 პუნქტის „ე “ და „ვ “ ქვეპუნქტებით განსაზღვრულ შემთხვევებში საკრებულოს წევრის უფლებამოსილების ვადამდე შეწყვეტის შესახებ გადაწყვეტილებას საკრებულოს იღებს საკრებულოს იურიდიულ , სამანდატო , საპროცედურო საკითხთა და ეთიკის კომისიის დასკვნის საფუძველზე ღია კენჭისყრით , საკრებულოს წევრთა სიითი შემადგენლობის ნახევარზე მეტით .

5. საკრებულოს წევრის უფლებამოსილების ვადამდე შეწყვეტის შესახებ საკრებულოს გადაწყვეტილება შეიძლება გასაჩივრდეს სასამართლოში .“.

 20. დანართის 146¹ მუხლის მე -3 პუნქტი ჩამოყალიბდეს შემდეგი რედაქციით :

„3. საბჭო შედგება 15 წევრისაგან . მათ შორისაა : საბჭოს თავმჯდომარე , საბჭოს თავმჯდომარის მოადგილე და საბჭოს მდივანი .“

 21. დანართის 146¹ მუხლის მე -6 პუნქტი ჩამოყალიბდეს შემდეგი რედაქციით :

„6. საბჭოს შემადგენლობას ბრძანებით ამტკიცებს ვანის მუნიციპალიტეტის საკრებულოს თავმჯდომარე .“.