,,საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების წესის შესახებ“ 2018 წლის 5 აპრილის №01-82 ბრძანებაში ცვლილების შეტანის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

,,საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების წესის შესახებ“ 2018 წლის 5 აპრილის №01-82 ბრძანებაში ცვლილების შეტანის შესახებ
დოკუმენტის ნომერი	01-770
დოკუმენტის მიმღები	საქართველოს საგარეო საქმეთა მინისტრი
მიღების თარიღი	17/09/2025
დოკუმენტის ტიპი	საქართველოს მინისტრის ბრძანება
გამოქვეყნების წყარო, თარიღი	ვებგვერდი, 23/09/2025
ძალაში შესვლის თარიღი	01/10/2025
სარეგისტრაციო კოდი	480040000.22.030.016384

PDF გადმოწერა

„საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების წესის შესახებ“ 2018 წლის 5 აპრილის №01-82 ბრძანებაში ცვლილების შეტანის შესახებ

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის საფუძველზე, ვბრძანებ:

1. „საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების წესის შესახებ“ საქართველოს საგარეო საქმეთა მინისტრის 2018 წლის 5 აპრილის №01-82 ბრძანებაში (ვებგვერდი, 10/04/2018; სარეგისტრაციო კოდი: 480040000.22.030.016176) შეტანილ იქნეს შემდეგი ცვლილება:

ა) ბრძანების მე-3 პუნქტი ჩამოყალიბდეს შემდეგი რედაქციით:

,,3. საანგარიშგებო პერიოდში №5 და №6 დანართებით გათვალისწინებულ ქვეყნებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების გაანგარიშებისათვის საბაზისო თანხა განისაზღვროს შესაბამისად 3100 ევროსა და 3495 აშშ დოლარის ოდენობით.“;

ბ) ბრძანების პირველი პუნქტის „გ“ ქვეპუნქტით დამტკიცებული დანართი №3 ჩამოყალიბდეს თანდართული სახით.

2. ბრძანება ამოქმედდეს 2025 წლის 1 ოქტომბრიდან.

საქართველოს საგარეო საქმეთა მინისტრი მაკა ბოჭორიშვილი

საქართველოს საგარეო საქმეთა სამინისტროს იმ მოსამსახურეთა თანამდებობრივი მაჩვენებლები, რომლებსაც გრძელვადიანი სამსახურებრივი მივლინება უნაზღაურდებათ როტაციის წესით სამუშაო მივლინების ხარჯების ანაზღაურების წესის შესაბამისად

№	თანამდებობის დასახელება	მაჩვენებელი პროცენტებში
1	2	3
1	მინისტრის პირველი მოადგილე და მოადგილე; სამინისტროს დირექტორატის დირექტორი, დეპარტამენტის უფროსი; მინისტრის კაბინეტის უფროსი, საგანგებო დავალებათა ელჩი	100
2	დირექტორატის დირექტორის მოადგილე, დეპარტამენტის უფროსის მოადგილე	75
3	სამმართველოს უფროსი	70
4	მრჩეველი	65
5	პირველი მდივანი	60
6	მეორე მდივანი	55
7	მესამე მდივანი, ატაშე, რეფერენტი, უსაფრთხოების ოფიცერი	50
8	მძღოლი	40