საჩხერის მუნიციპალიტეტის 2026 წლის ბიუჯეტის დამტკიცების შესახებ

ბიუჯეტის ბალანსი განისაზღვროს შემდეგი რედაქციით:

ათას ლარში

მუხლი 2. მუნიციპალიტეტის ბიუჯეტის შემოსულობები, გადასახდელები და ნაშთის ცვლილება

ბიუჯეტის შემოსულობები, გადასახდელები და ნაშთის ცვლილება განისაზღვროს შემდეგი რედაქციით:

ათას ლარში

მუხლი 3. მუნიციპალიტეტის ბიუჯეტის შემოსავლები

ბიუჯეტის შემოსავლები განისაზღვროს 31059,0  ათასი  ლარით:

ათას ლარში

მუხლი 4. მუნიციპალიტეტის ბიუჯეტის საგადასახადო შემოსავლები

ბიუჯეტის გადასახადები განისაზღვროს 27550,6 ათასი ლარით:

ათას ლარში

მუხლი 5. მუნიციპალიტეტის ბიუჯეტის გრანტები

ბიუჯეტის გრანტები განისაზღვროს 698,4 ათასი ლარით:

ათას ლარში

მუხლი 6. მუნიციპალიტეტის ბიუჯეტის სხვა შემოსავლები

ბიუჯეტის სხვა შემოსავლები განისაზღვროს 2810,0 ათასი ლარით:

ათას ლარში

მუხლი 7. მუნიციპალიტეტის ბიუჯეტის ხარჯები ეკონომიკური კლასიფიკაციით

ბიუჯეტის ხარჯები განისაზღვროს  25684,2 ათასი ლარით:

ათას ლარში

მუხლი 8. მუნიციპალიტეტის ბიუჯეტის არაფინანსური აქტივების ცვლილება

ბიუჯეტის არაფინანსური აქტივების ცვლილება განისაზღვოროს 5337,6 ათასი ლარით. მათ შორის: არაფინანსური აქტივების ზრდა - 5367,6 ათასი ლარით, ხოლო არაფინანსური აქტივების კლება - 30,0 ათასი ლარით:

ათას ლარში

ათას ლარში

მუხლი 9. მუნიციპალიტეტის ბიუჯეტის ხარჯებისა და არაფინანსური აქტივების ფუნქციონალური კლასიფიკაცია

განისაზღვროს ბიუჯეტის ხარჯებისა და არაფინანსური აქტივების ზრდა ფუნქციონალურ ჭრილში შემდეგი რეადაქციით:

ათას ლარში

მუხლი 10. მუნიციპალიტეტის ბიუჯეტის  საოპერაციო და მთლიანი სალდო

ბიუჯეტის მთლიანი სალდო განისაზღვროს 37,2 ათასი ლარით, ხოლო საოპერაციო სალდო 5374,8 ათასი ლარით:

ათას ლარში

მუხლი 11. მუნიციპალიტეტის ბიუჯეტის ფინანსური აქტივების ცვლილება

ბიუჯეტის ფინანსური აქტივების ცვლილება განისაზღვროს 0,0 ათასი ლარით:

ათას ლარში

მუხლი 12. მუნიციპალიტეტის ბიუჯეტის ვალდებულებების ცვლილება

მუნიციპალიტეტის ვალდებულებების მომსასხურება და დაფარვა.

მუნიციპალიტეტის ბიუჯეტის ვალდებულებების მომსახურება და დაფარვა განისაზღვროს 42,2 (პროცენტი 5,0 ათასი ლარი; ძირი 37,2 ათასი ლარი) ათასი ლარის ოდენობით. აღნიშნული წარმოადგენს მუნიციპალური განვითარების ფონდიდან მიღებულ "საქართველოს მყარი ნარჩენების მართვის პროექტის" ქონების გადაცემის ხელშეკრულების ფარგლებში მიღებული სასესხო ვალდებულებების (ძირი) ძირითადი თანხის დაფარვას.

2018 წლიდან 2025 წლის დღეის მდგომარეობით გადახდილია სასესხო ვალდებულებები (ძირი) 483444  ლარი.

2026 წლისათვის იგეგმება 37,2 ათასი ლარის ოდენობით ვალის (ძირი) შემცირება.

თავი II. საჩხერის მუნიციპალიტეტის ბიუჯეტის პრიორიტეტები, პროგრამები, ქვეპროგრამები

განისაზღვროს საჩხერის მუნიციპალიტეტის ბიუჯეტის ძირითადი პრიორიტეტები (პროგრამული კლასიფიკაციის პირველი დონე), მათ ფარგლებში განსახორციელებელი პროგრამები (მეორე დონე) და ქვეპროგრამები (მესამე და შემდგომი დონეები) შემდეგი რედაქციით:

1. ინფრასტრუქტურის მშენებლობა, რეაბილიტაცია და ექსპლოატაცია;
2. დასუფთავება და გარემოს დაცვა;
3. განათლება;
4. კულტურა, რელიგია,  ახალგაზრდული და სპორტული ღონისძიებები;
5. მოსახლეობის ჯანმრთელობის დაცვა და სოციალური უზრუნველყოფა;
6. მმართველობა და საერთო დანიშნულების ხარჯები.

მუნიციპალიტეტის ბიუჯეტის ძირითადი პრიორიტეტები, მათ ფარგლებში განსახორციელებელი პროგრამები და ქვეპროგრამები კავშირშია მდგრადი განვითარების მიზნებთან.

მუხლი 13. ინფრასტრუქტურის მშენებლობა, რეაბილიტაცია და ექსპლოატაცია

მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება და აღნიშნული მიმართულება საჩხერის მუნიციპალიტეტის ბიუჯეტის ერთ-ერთ მთავარ პრიორიტეტს წარმოადგენს.

ინფრასტრუქტურის მშენებლობა, რეაბილიტაცია და ექსპლოატაციის პრიორიტეტის დაფინანსება განისაზღვროს 7545,0 ათასი ლარი. ინფრასტრუქტურის განვითარების პრიორიტეტის ფარგლებში დაფინანსებული პროგრამების და ქვეპროგრამების მიზნები და მოსალოდნელი შედეგები განისაზღვროს შემდეგი რედაქციით:

ათას ლარში

1. პრიორიტეტი - ინფრასტრუქტურის  მშენებლობა,  რეაბილიტაცია  და  ექსპლოატაცია   (პროგრამული  კოდი  02 00)

მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალიტეტის ინფრასტრუქტურის შემდგომი გაუმჯობესება და აღნიშნული მიმართულება კვლავაც ბიუჯეტის ერთ-ერთ მთავარ პრიორიტეტს წარმოადგენს. პრიორიტეტის ფარგლებში გაგრძელდება მუნიციპალიტეტის  ინფრასტრუქტურის მშენებლობა და რეაბილიტაცია, რაც თავის თავში გულისხმობს  საგზაო ინფრასტრუქტურის, წყლის სისტემების, ქალაქის კეთილმოწყობის სამუშაოებს  და სხვა.

1.1  პროგრამა - საგზაო ინფრასტრუქტურის მშენებლობა,  რეაბილიტაცია და მოვლა-შენახვა  (პროგრამული კოდი 02 01)

პროგრამის ფარგლებში განხორციელდება საჩხერის მუნიციპალიტეტში არსებული რეაბილიტირებული ცენტრალური გზების მდგომარეობის შენარჩუნება, გზის საფარის თოვლისგან გაწმენდა საჭიროების შემთხვევაში, საყრდენი კედლების მოწყობა, დაგეგმილია  გზებზე ვიდეო სამეთვალყურეო კამერების მოვლა-პატრონობა, ქალაქ საჩხერეში ქუჩების რებილიტაცია,  მისასვლელი და საუბნო გზების კეთილმოწყობა.

პროგრამის მიზანი: მოწესრიგებული საგზაო ინფრასტრუქტურა და მოსახლეობის გადაადგილებისათვის უსაფრთხო გარემოს შექმნა. საბავშვო ეტლით მოსარგებლეებისათვის და შშმ პირებისათვის ადაპტირებული, ქალების, ბავშვების, ხანდაზმულთა კომფორტული, უსაფრთხო და შეუფერხებელი გადაადგილება, მგზავრობის დროის და სატრანსპორტო დანახარჯების დაზოგვა, ფეხით გადაადგილებისას მაღალი კომფორტის შექმნა და სხვა.

პროგრამა კავშირშია მდგრადი განვითარების შემდეგ მიზანათან: SDG 3, SDG 9, SDG 11.

1.1.1 ქვეპროგრამა - საყრდენი კედლის მოწყობა  (პროგრამული კოდი 02 01 01)

ქვეპროგრამა მიზნად ისახავს საფრთხის შემცველი ფერდობებისა და მიწის ჩამოშლის რისკის შემცველ ზონებში  საყრდენი კედლების მოწყობას ან რეაბილიტაციას აღნიშნული ღონისძიებები უზრუნველყოფს მოსახლეობის სიცოცხლის, ინფრასტრუქტურის დაცვას კლიმატური პირობებით გამოწვეული დაზიანებებისგან. ქვეპროგრამა ითვალისწინებს მუნიციპალიტეტის ტერიტორიაზე საავტომობილო გზების გასწვრივ საჭიროებიდან გამომდინარე  საყრდენი კედლებისა და გაბიონის მოწყობას. ძირითადათ საქმე გვაქვს, როგორც მეწყერული მოვლენების პრევენციათან, ასევე რომ არ მოხდეს მიწის ჩამოშლა სავალ ნაწილზე. აღნიშნული ღონიძიებების გატარება საჭიროა  მოსახლეობის უსაფრთხოების და მათი შეუფერხებელი გადაადგილების კუთხით. ქვეპროგრამის ფარგლებში იგეგმება შემდეგი სამუშაოები:

-სოფელ სარეკში საყრდენი რკ/ბეტონის კედლის მოწყობა; კორბოულის ადმინისტრაციულ ერთეულში საყრდენი კედლების მოწყობა; საირხის ადმინისტრაციულ ერთეულში საყრდენი კედლების მოწყობა; ჭალის ადმინისტრაციულ ერთეულში საყრდენი კედლების მოწყობა. ჩიხის ადმინისტრაციულ ერთეულში საყრდენი კედლების მოწყობა

ქვეპროგრამის მიზანი: მოწესრიგებული ინფრასტრუქტურა, საავტომობილო და ფეხითმოსიარულეთა შეუფერხებელი და უსაფრთხო გადაადგილება.

ქვეპროგრამა კავშირშია მდგრადი განვითარების შემდეგ მიზანთან: SDG 9, SDG 11.

1.1.2 ქვეპროგრამა - თოვლისაგან გზის გაწმენდის სამუშაოები (პროგრამული კოდი 02 01 02)

ქვეპროგრამა ითვალისწინებს  ცენტრალურ საავტომობილო  და საუბნო გზებზე  საჭიროებიდან გამომდინარე  თოვლის საფარისაგან გზების გაწმენდას მძიმე ტექნიკის საშუალებით, ასევე მოყინულ გზებზე მარილისა და ქვიშის ნაზავის მოყრას.  აღნიშნული ღონიძიებების გატარება საჭიროა ვინაიდან არ მოხდეს დასახლებული პუნქტის მოწყვეტა რაიონულ ცენტრს და ასევე ხელმისაწვდომი იყოს კონკრეტული დასახლებებისათვის სასწრაფო სამედიცინო თუ სხვა გადაუდებელი დახმარების მომსახურება,  აღნიშნული ემსახურება მოსახლეობის უსაფრთხო და  შეუფერხებელ გადაადგილებას

ქვეპროგრამის მიზანი: საავტომობილო ტრანსპორტისა და ფეხით მოსიარულეთა შეუფერხებელი და უსაფრთხო გადაადგილება.

ქვეპროგრამა კავშირშია მდგრადი განვითარების შემდეგ მიზანთან: SDG 3, SDG 9, SDG 11

1.1.3  ქვეპროგრამა - საგზაო ნიშნების დამონტაჟება და ქუჩების მონიშვნითი სამუშაოები (პროგრამული კოდი  02 01 05)

ქვეპროგრამის ფარგლებში განხორციელდება  გზებზე საგზაო ნიშნების განთავსება და ქუჩების მონიშვნითი სამუშაოები, რაც უზრუნველყოფს საგზაო მოძრაობის მოწესრიგებას და ფეხით მოსიარულეთა, მძღოლებისა და სხვა გზის მომხმარებლების კეთილდღეობას. ქვეპროგრამის ფარგლებში განხორციელდება:

-ვიდეოსათვალთვალო კამერების (სატრანსპორტო საშუალებების სახელმწიფო ნომრის ამომცნობი და ზოგადი ხედვის კამერების) მოვლა-პატრონობის მომსახურება.

ქვეპროგრამის მიზანი: როგორც ფეხით მოსიარულეთა ასევე ავტოტრანსპორტის გადაადგილების მოწესრიგება და უსაფრთხოების გაზრდა.

ქვეპროგრამა კავშირშია მდგრადი განვითარების შემდეგ მიზანთან: SDG 3, SDG 9, SDG 11.

1.1.4 ქვეპროგრამა - ქალაქ საჩხერეში ქუჩების რეაბილიტაცია (პროგრამული კოდი 02 01 06)

ქვეპროგრამა ითვალისწინებს  ქალაქ საჩხერეში ტროტუარების მოწყობას,  ბორდიულების აღდგენას, ქალაქ საჩხერის დარჩენილ ქუჩებსა და ჩიხებში  გზების რეაბილიტაციას. ქვეპროგრამის ფარგლებში განხორციელდება:

 ქ. საჩხერის ქუჩების რეაბილიტაცია, ასევე გათვალისწინებულია რგპფ-ს თანადაფინანსება გარდამავალი ღონისძიებებისათვის.

ქვეპროგრამის მიზანი: გამართული და მოწესრიგებული ქუჩები და ტროტუარები.

ქვეპროგრამა კავშირშია მდგრადი განვითარების შემდეგ მიზანთან: SDG 9, SDG 11.

1.1.5 ქვეპროგრამა - მისასვლელი და საუბნო გზების კეთილმოწყობა (პროგრამული კოდი 02 01 07)

ქვეპროგრამა ითვალისწნებს  მუნიციპალიტეტში  არსებული მისასვლელი და საუბნო გზების მოწესრიგებას, რეაბილიტაციასა და საჭიროების მიხედვით ახალი საფარის დაგებას. გზების კეთილმოწყობა მოიცავს როგორც მოსახლეობის საცხოვრებელ ზონებთან დამაკავშირებელი მონაკვეთების, ისე სასოფლო-სამეურნეო დანიშნულების ადგილისკენ მიმავალი გზების გაუმჯობესებას, რაც ხელს შეუწყობს მოსახლეობის მობილობას, უსაფრთხოებას და სოფლის განვითარების  ხელშეწყობას. ქვეპროგრამა ითვალისწინებს ქ. საჩხერის გარდა  12 ადმინისტრაციულ ერთეულში ადგილობრივი მნიშვნელობის გზებზე რკინა-ბეტონის საფარის მოწყობას, დაახლოებით 44500 კვ.მ. ასევე სანიაღვრე სისტემების მოწყობას და საუბნო გზების რეაბიტაციას (მოხრეშვა). იგეგმება საჩხერის მუნიციპალიტეტის ყველა სოფელში საუბნო გზებზე რკ-ბეტონის საფაროს მოწყობა,  ასევე საჭიროებისამებრ საუბნო გზების მოხრეშვა. ქვეპროგრამის ფარგლებში განხორციელდება:

-სარეკის ადმინისტრაციულ ერთელში გზებზე რკინა-ბეტონის გზის მოწყობა; ცხომარეთის ადმინისტრაციულ ერთეულში საუბნო გზებზე რკინა-ბეტონის გზის მოწყობა; ჩიხის ადმინისტრაციულ ერთეულში საუბნო გზებზე რკინა-ბეტონის საფარის მოწყობა; ჭალის ადმინისტრაციულ ერთეულში საუბნო გზებზე რკინა-ბეტონის საფარის მოწყობა; არგვეთის ადმინისტრაციულ ერთეულში შემავალ სოფლებში საუბნო გზებზე რკინა-ბეტონის გზის მოწყობა; გორისის ადმინისტრაციულ ერთეულში შიდა საუბნო გზებზე რკინა-ბეტონის საფარის მოწყობა; საირხის ადმინისტრაციულ ერთეულში საუბნო გზებზე რკინა-ბეტონის საფარის მოწყობა; ქორეთის ადმინისტრაციულ ერთეულში საუბნო გზებზე რკინა-ბეტონის გზის მოწყობა; ჯალაურთის ადმინისტრაციულ ერთეულში საუბნო გზებზე რკინა-ბეტონის გზის მოწყობა; კორბოულის  ადმინისტრაციულ ერთეულში საუბნო გზებზე რკინა-ბეტონის გზის მოწყობა; მერჯევის ადმინისტრაციულ ერთეულში  საუბნო გზებზე რკინა-ბეტონის გზის მოწყობა; ჭალოვანის ადმინისტრაციულ ერთეულში საუბნო გზებზე რკინა-ბეტონის გზის მოწყობა; ასევე გათვალისწინებულია რგპფ-ს თანადაფინანსება როგორც გარდამავალი, ასევე  2026 წლის ღონისძიებებისათვის.

ქვეპროგრამის მიზანი: პროექტების განხორციელების შედეგად შემცირდება გზის გაუმართაობის შედეგად გზაზე წარმოქმნილი მტვერი, გზის რეაბილიტაცია დადებითად იმოქმედებს სოფლებიდან ადგილობრივი მოსახლეობის მიგრაციის შემცირებაზე.

ქვეპროგრამა კავშირშია მდგრადი განვითარების შემდეგ მიზანთან: SDG 3, SDG 9, SDG 11

1.2 პროგრამა- წყლის სიტემების განვითარება (პროგრამული კოდი 0202)

პროგრამა ითვალისწინებს მუნიციპალიტეტის ტერიტორიაზე არსებული წყალმომარაგების ქსელის შპს ,,საჩხერის წყალკანალი“-ის (მათ შორის, წყლის სათავე ნაგებობების, წყლის მაგისტრალების და სხვა) განვითარების ხელშეწყობას.  წყლის სისტემების განვითარების პროგრამა შედგება ორი  ქვეპროგრამისაგან: 1) მუნიციპალიტეტის მოსახლეობის წყალმომარაგება, რეაბილიტაცია, მშენებლობა, 2) წყალარინების სისტემის, კოლექტორების და გამწმენდი ნაგებობების მშენებლობა.  საჭიროების შემთხვევაში ასევე ხორციელდება ახალი წყალმომარაგების ქსელის მოწყობის სამუშაოები. ქვეპროგრამა ფინანსდება როგორც ადგილობრივი  ბიუჯეტის სახრებით ასევე სახელმწიფო ბიუჯეტის ფონდებიდანაც. 

წყალმომარაგების სისტემის მოწყობისა და მოსახლეობისთვის სასმელი წყლის მიწოდების შედეგად გაუმჯობესდება საცხოვრებელი პირობები, რაც განსაკუთრებით მნიშვნელოვანია მუნიციპალიტეტში მცხოვრები ყველა კატეგორიისათვის.

პროგრამის მიზანი: წყლის სისტემების და სანიაღვრე არხების გამართული ფუნქციონირება, მოსახლეობის წყალმომარაგების მომსახურების გაუმჯობესება, წყლის მოხმარების დონის ამაღლება ოჯახებში. წყლის სისტემების გამართული მუშაობის უზრუნველყოფა. უწყვეტი და მოთხოვნის შესაბამისი წყალმომარაგების უზრუნველყოფა.

პროგრამა კავშირშია მდგრადი განვითარების შემდეგ მიზანათან: SDG 6, SDG 11.

1.2.1 ქვეპროგრამა - მუნიციპალიტეტის მოსახლეობის წყალმომარაგება, რეაბილიტაცია, მშენებლობა (პროგრამული კოდი 020201)

წყლის სისტემის განვითარების პროგრამა შინაარსის მიხედვით არის როგორც კაპიტალური/ინფრასტრუქტურული (წლის სისტემის რეაბილიატაცია, ახლის მოწყობა), ასევე მომსახურების (წლის სისტემის ექსპლოტაცია), რაც შეეხება მის ხანგრძლივობას იგი ინფრასტრუქტურულ ნაწილში წარმოადგენს მრავალწლიანს, ამ ეტაპზე ქვეპროგრამა გულისხმობს მუნიციპალიტეტის კონკრეტული დასახლებებისათვის წყალმომარაგებას. პროგრამით ხორციელდება შპს ,,საჩხერის წყალკანალის“ სუბსიდირება. შ.პ.ს ,,საჩხერის წყალკანალის“ მომხმარებლის არიალში ამ ეტაპზე შედის ქ. საჩხერე და მუნიციპალიტეტის 28 სოფელი: იცქისი, არგვეთი, სავანე, მერჯევი, ივანწმინდა, გორისა, გამოღმა  არგვეთი, უზუნთა, ბაჯითი, სარეკი, საირხე, ჭორვილა, სხვიტორი,  ჩიხა, ზედა და ქვედა ორღული, დუნთა, ჭალა, სპეთი, დარყა, ჯრია, პერევი, ცხამი, მახათაური, შალაური, მოძვი, ქორეთი, კალვათა, ქვემოხევი.

ქვეპროგრამის მიზანი: 24 საათნი წყალმომარაგება, სუფთა და ხარისხიანი წყლის უწყვეტი მიწოდება (არსებული ლაბორატორიის გადაიარაღება) წყლის დანაკარგების არსებულ ნიშნულზე შენარჩუნება.

არსებული ძირითადი საშუალებების ექსპლუატაციას ნორმების და მისთვის განსაზღვრული პირობების შენარჩუნებით და თავისდროული მიმდინარე შეკეთებით.

ქვეპროგრამა კავშირშია მდგრადი განვითარების შემდეგ მიზანათან: SDG 6.

1.3. პროგრამა -გარე განათება (პროგრამული კოდი  02  03 )

ღამის საათებში მოსახლეობის, განსაკუთრებით ქალების, ბავშვების, ხანდაზმულ და შშმ პირთა კონფორტული და უსაფრთხო გადაადგილებისათვის მნიშვნელოვანია გარე-განათების სისტემის მოწყობა და მისი გამართული ფუნქციონირება. პროგრამა ითვალისწინებს საჩხერის მუნიციპალიტეტის ტერირორიაზე გარეგანათების ორგანიზებას და სრულყოფილ ფუნქციონირებას, კერძოდ; ქალაქის ქუჩების, სკვერების, ბაღების (დასვენების პარკები), სატრანსპორტო და საფეხმავლო ხიდების განათების ქსელის მოვლასა და ექსპლოატაციას. ასევე მუნიციპალიტეტში შემავალი სოფლების ცენტრალური გზების გარეგანათების ქსელის მოვლა-ექსპლოატაცია.

პროგრამის მიზანი: ღამის პერიოდში განათებული საჩხერის მუნიციპალიტეტი.

პროგრამა კავშირშია მდგრადი განვითარების შემდეგ მიზანათან: SDG 11.

1.3.1 ქვეპროგრამა - გარე განათების ქსელის ექსპლოატაცია (პროგრამული კოდი  02 03 02)

ღამის საათებში მოსახლეობის, განსაკუთრებით ქალების, ბავშვების, ხანდაზმულ და შშმ პირთა კონფორტული და უსაფრთხო გადაადგილებისათვის მნიშვნელოვანია გარე-განათების სისტემის მოწყობა და მისი გამართული ფუნქციონირება, პროგრამა ითვალისწინებს საჩხერის მუნიციპალიტეტის ტერირორიაზე გარეგანათების ორგანიზებასა და სრულყოფილ ფუნქციონირებას კერძოდ; ქუჩების, სკვერების, ბაღების (დასვენების პარკები), სატრანსპორტო და საფეხმავლო ხიდების განათების ქსელის მოვლასა და ექსპლოატაციას. ასევე მუნიციპალიტეტის სოფლების: სხვიტორის, ჩიხის, ორღულის, პერევის, სავანის, არგვეთის, ჭორვილის, კალვათის, ივანწმინდის, საირხის, მერჯევის, იცქისის, სარეკის, ბაჯითის, გამოღმა არგვეთის, ქვემოხევის, ჭალის, კორბოულის  მიმართულებით ცენტრალური გზებისა და გომი-საჩხერე-ჭიათურის გზის საჩხერის მონაკვეთზე განლაგებული გარეგანათების ქსელის მოვლა-ექსპლოატაცია.

ქვეპროგრამის მიზანი: ღამის პერიოდში განათებული საჩხერის მუნიციპალიტეტი.

1.4 პროგრამა -მუნიციპალიტეტის კეთილმოწყობის ღონისძიებები  (პროგრამული კოდი  02  04) 

კეთილმოწყობის პროგრამაში  იგულისხმება მუნიციპალიტეტში არსებული საზოგადოებრივი სივრცეების მოწყობა რეაბილიტაცია, სასაფლაოების მოვლა-პატრონობა, ასევე კეთილმოწყობის ობიექტების (პარკები, სკვერები) მშენებლობა-რეაბილიტაცია.

პროგრამის მიზანი: მოწესრიგებული მუნიციპალიტეტის იერსახე, მიმზიდველი გარემოს შექმნა  მაცხოვრებლებისათვის  და სტუმრებისათვის.

პროგრამა კავშირშია მდგრადი განვითარების შემდეგ მიზანათან: SDG 11.

1.4.1 ქვეპროგრამა -სასაფლაოების მოვლა-პატრონობა (პროგრამული კოდი  02  04 01)  

ქვეპროგრამის ფარგლებში იგეგმება მუნიციპალიტეტის ტერიტორიაზე არსებული სასაფლაოების მოვლა პატრონობა შემოღობვის სამუშაოები. ქვეპროგრამის ფარგლებში განხორციელდება:

-ჩიხის ადმინისტრაციულ ერთეულში შემავალ სოფლებში  სასფლაოების შემოღობვის აღდგენა; არგვეთის ადმინისტრაციულ ერთეულში შემავალ სოფლებში  სასფლაოების შემოღობვის აღდგენა.

ქვეპროგრამის მიზანი: დაცული სასაფლაოები.

1.4.2 ქვეპროგრამა - სკვერების მოწყობა და მომსახურება (პროგრამული კოდი  02  04 02)

 ქვეპროგრამის ფარგლებში წლის დასაწყისში არ არის რაიმე სახის სამუშაოები დაგეგმილი 2027-2029 წლებში იგულისხმება სკვერების მოწყობის სამუშაოები მუნიციპალიტეტის მაშტაბით. ქვეპროგრამის ფარგლებში განხორციელდება:

-სოფელ ქორეთში სკვერის მოწყობა (ორწლიანი პროექტი).

ქვეპროგრამის მიზანი: კეთილმოწყობილი სკვერები, დასავენებელი პარკები.

1.4.3 ქვეპროგრამა -ქალაქის კეთილმოწყობა (პროგრამული კოდი  02  04 03)

ქვეპროგრამის ფარგლებში ხორციელდება, ქალაქის იერსახის მოწესრიგება, ქუჩების ფასადებისა და ღობეების კეთილმოწყობა ასევე ფანჩატურების მოწყობის სამუშაოები. ქვეპროგრამის ფარგლებში განხორციელდება:

-ქ. საჩხერეში სკვერებისა და ფანჩატურების მოწყობა; ასევე გათვალისწინებულია რგპფ-ს თანადაფინანსება გარდამავალი ღონისძიებისათვის.

ქვეპროგრამის მიზანი: დასასვენებელი და გასართობი სივრცის შექმნა ქალაქის ტერიტორიაზე, ტურზმის მომსახურების სფეროს ხელშეწყობა, მუნიციპალიტეტის იერსახის გაუმჯობესება.

1.5  პროგრამა -სოფლის მხარდაჭერის პროგრამის ფარგლებში განხორციელებული პროექტები (პროგრამული კოდი  02  07)

ქვეპროგრამა ითვალისწინებს ადმინისტრაციულ ერთეულებში ადმინისტრაციული შენობებისა  და სარიტუალო დარბაზების კეთილმოწყობას, ამბულატორიებისა და ბიბლიოთეკების სარემონტო სამუშაოებს. დასასვენებლი ფანჩატურების მოწყობას და სხვა ინფრასტრუქტურულ სამუშაოებს. პროგრამის ფარგლებში განხორციელდება:

-ჩიხის ადმ. ერთეულში დასასვენებელი სივრცეებისა და ფანჩატურების  მოწყობა; არგვეთის ადმ. ერთეულში ფანჩატურების  მოწყობა; არგვეთის ადმ. ერთეულში სარიტუალო დარბაზების კეთილმოწყობა; გორისის ადმ. ერთეულში დასასვენებელი სივრცეებისა და ფანჩატურების  მოწყობა; ქორეთის ადმ. ერთეულში დასასვენებელი სივრცის მოწყობა; კორბოულის ადმ. ერთეულში დასასვენებელი სივრცეებისა და ფანჩატურების  მოწყობა.

ქვეპროგრამის მიზანი: სოფლის კატეგორიის დასახლებების კავშირის გაძლიერება  ურბანულ დასახლებებთან და მათთვის საჭირო ხარისხიანი მომსახურეობის ადგილზე მიწოდება. სოფლის კატეგორიის დასახლებებში მაცხოვრებელი მოსახლეობის სოციალურ-ეკონომიური მდგომარეობის გაუმჯობესება.

პროგრამა კავშირშია მდგრადი განვითარების შემდეგ მიზანათან: SDG 11.

1.6 პროგრამა -საპროექტო-სახარჯთაღრიცხვო დოკუმენტაციის შეძენა (პროგრამული კოდი  02  08)

პროგრამა ითვალისწინებს სხვადასხვა ინფრასტრუქტურული სამუშაოების მოწყობის მიზნით საპროექტო სახარჯთაღრიცხვო დოკუმენტაციის შესყიდვას.

პროგრამის მიზანი: მუნიციპალიტეტის ინფრასტრუქტურის განახლება-განვითარების კუთხით ხარისხიანი საპროექტო-სახარჯთაღრიცხვო დოკუმენტაციის შეძენა.

1.7 პროგრამა -სამშენებლო სამუშაოების ტექნიკური ზედამხედველობა (პროგრამული კოდი  02  09)

ამ პროგრამით ხორციელდება ინფრასტრუქტურული ობიექტების სამშენებლო სამუშაოების დოკუმენტაციის ინსპექტირების ანგარიშის (ექსპერტიზა) (შემდგომში -ინსპექტირების ანგარიში) მომზადება და სამშენებლო სამუშაოებზე საზედამხედველო მომსახურების გაწევა.

პროგრამის მიზანი: ხარისხიანად შესრულებული ინფრასტრუქტურული სამუშაოები.

პროგრამა კავშირშია მდგრადი განვითარების შემდეგ მიზანათან: SDG 9.

მუხლი 14. დასუფთავება და გარემოს დაცვა

დასუფთავება და გარემოს დაცვის პრიორიტეტის დაფინანსებისათვის განისაზღვროს 2330,8 ათასი ლარი. დასუფთავება და გარემოს დაცვის პრიორიტეტის ფარგლებში დაფინანსებული პროგრამების მიზნები და მოსალოდნელი შედეგები განისაზღვროს შემდეგი რედაქციით:

ათას ლარში

2. პრიორიტეტი -დასუფთავება და გარემოს დაცვა (პროგრამული კოდი  0300)

პრიორიტეტის ფარგლებში ეკოლოგიური მდგომარეობის შენარჩუნება-გაუმჯობესების და ეპიდემიური დაავადებებისგან თავის დაცვის მიზნით, განხორციელდება მუნიციპალიტეტის ტერიტორიის დაგვა-დასუფთავება, საყოფაცხოვრებო ნარჩენების შეგროვება და ნაგავსაყრელ პოლიგონამდე ტრანსპორტირება, დამატებითი ურნების დადგმა, არსებული მწვანე საფარის მოვლა, ერთწლიანი და მრავალწლიანი ნარგავების დარგვა, სკვერებში ბალახის გათიბვა. მოვლა-პატრონობის გარეშე დარჩენილი  ცხოველების მოვლითი ღონისძიებები.

2.1 პროგრამა -დასუფთავება და ნარჩენების გატანა (პროგრამული კოდი  0301)

საჩხერის მუნიციპალიტეტში  პროგრამა დასუფთავება და ნარჩენების გატანა  ერთ-ერთი მნიშვნელოვანია.  ა(ა)იპ ,,ზურმუხტი"   ახორციელებს საჩხერის მუნიციპალიტეტის ქუჩებისა და სკვერების დასუფთავებას, ქალაქსა და მუნიციპალიტეტში შემავალი ადმინისტრაციული ერთეულებიდან საყოფაცხოვრებო ნარჩენების შეგროვება-გატანას, რომელსაც ყოველდღიურად ემსახურება 7 ერთეული ნაგავმზიდი სპევ/ავტომანქანა. სამუშაოები ხორციელდება მუნიციპალიტეტის შემდეგ სოფლებში: სარეკის, ბაჯითის, ქვემოხევის, მოხვის ცხომარეთის,უზუნთის, გაღმა მთის, ქორეთის, პასიეთის, სხვიტორის, კვერეთის, გორისის, გამოღმა არგვეთის, ივანწმინდის, მერჯევის, არგვეთის სავანის, იცქისის, მახათრაურის, შალაურის, ბახიოთის, იტავაზის, დურევის, ცხამის, ზედა და ქვედა ორღულის, ჩიხის, დუნთის, ჭორვილის, საირხის, კალვათის, მოძვის ჯალაურთის, ჭალის, პერევის, ღონის, სპეთის, ჭურნალის, იფხორის, კორბოულის, შომახეთის, ნიგვზარის, ხვანის, ჭალოვანის, ლიჩის, ღოდორის საუბნო გზების პირზე  დაგროვილი და ბუნკერში შეგროვილი საყოფაცხოვრებო ნარჩენის გატანა არანაკლებ კვირაში ორჯერ. ქ. საჩხერის სანაპიროს ქუჩაზე საქალაქო პარკი,  ცენტრალურ ქუჩებზე: , ივ. გომართლის ქუჩა-აგრალური ბაზრის მიმდებარე ტერიტორია, ცენტრალური საავადმყოფოს მიმდებარე ტერიტორია, მ.კოსტავას ქუჩა-რკინიგზის სადგურის მიმდებარე ტერიტორია, საავტომობილო და საცალფეხო ხიდების მიმდებარე ტერიტორია, თავისუფლების ქუჩიდან საყოფაცხოვრებო ნარჩენების გატანა ყოველდღიურად დღეში სამჯერ. გომი-საჩხერე-ჭიათურის გზის საჩხერეის მონაკვეთზე შეგროვილი და ნაგვის ბუნკერებში დაგროვილი ნაგვის გატანა კვირაში ორჯერ. სანიაღვრე არხებიდან ამოღებული ნარჩენების გატანა საჭიროებისამებრ. მუნიციპალიტეტის ტერიტორიიდან ყოველდღიურად ნაგავსაყრელზე გადის 450-500 მ/კუბი საყოფაცხოვრებო ნარჩენი. ნაგავშემკრებ ურნებს კვირაში ერთჯერ უტარდებათ სანიტარული დასუფთავება.

პროგრამის მიზანი: კარგად დასუფთავებული მუნიციპალიტეტის ტერიტორიები.

პროგრამა კავშირშია მდგრადი განვითარების შემდეგ მიზანათან: SDG 11.

2.2 პროგრამა -მწვანე ნარგავების მოვლა-პატრონობა, განვითარება (პროგრამული კოდი  0302)

საჩხერის მუნიციპალიტეტის ა(ა)იპ ,,ზურმუხტი"ს გამწვანების  ღონისძიების  განხორციელება  მნიშველოვან პროგრამას წარმოადგენს.  ხორციელდება სკვერების, გაზონების, ბაღების (დასვენების პარკების) მოვლა-პატრონობა, სატრანსპორტო მაგისტრალური გზის პირების მწვანე საფარის გაკრეჭვა-გადაბელვა, მწვანე ნარგავების განაშენიანება და მოვლა-პატრონობა, მუნიციპალიტეტის ტერიტორიაზე ხეების გადაბელვა, გამხმარ და ნახევრად გამხმარ ხეებზე ტარდება შესაბამისი ღონისძიებები, ინტენსიურად ტარდება მწვანე საფარისა და ნარგავების მორწვა (მწვანე საფარის შენარჩუნება)  საჭირო შხამ-ქიმიკატებით დამუშავება  აპარატით.  ხორციელდება: ქალაქის ქუჩების კეთილმოწყობის სამუშაოები, კერძოდ: სკვერებისა და ხიდების მოაჯირების შეღებვა, ქალაქის ტერიტორიაზე არსებული სასაფლაოების მოვლა-პატრონობა.  სისტემატიურად ხორციელდება სანიაღვრე არხების გაწმენდა.

პროგრამის მიზანი: გამწვანებული მუნიციპალიტეტი, მოსახლეობისთვის შექმნილი დასასვენებელი გარემო.

პროგრამა კავშირშია მდგრადი განვითარების შემდეგ მიზანათან: SDG 11.

2.3 პროგრამა -მოვლა-პატრონობის გარეშე დარჩენილი  ცხოველების მოვლითი ღონისძიებები (პროგრამული კოდი  0303)

პროგრამის ფარგლებში ხორციელდება მოვლა-პატრონობის გარეშე დარჩენილი  ცხოველების ძაღლების სტერილიზაცია-კასტრაცია, ვაქცინაცია და საჭიროების შემთხვევაში უსაფრთხო თავშესაფრით უზრუნველყოფა.

პროგრამის მიზანი: მოვლა-პატრონობის გარეშე დარჩენილი ცხოველებისგან მუნიციპალიტეტის მოსახლეობის დაცვა.

პროგრამა კავშირშია მდგრადი განვითარების შემდეგ მიზანათან: SDG 11

მუხლი 15. განათლება

განათლების პრიორიტეტის დაფინანსებისათვის განისაზღვროს 5481,1 ათასი ლარი. განათლების პიორიტეტის ფარგლებში დაფინანსებული პროგრამების და ქვეპროგრამების მიზნები და მოსალოდნელი შედეგები განისაზღვროს შემდეგი რედაქციით:

ათას ლარში

3.  პრიორიტეტი -განათლება (პროგრამული კოდი  0400)

მომავალი თაობების აღზრდის მიმართულებით დაწყებითი და ზოგადი განათლების გარდა, ასევე მნიშვნელოვანი როლი ენიჭება სკოლამდელ აღზრდას, რაც თვითმმართველი ერთეულის საკუთარ უფლებამოსილებას განეკუთვნება და შესაბამისად მუნიციპალიტეტის პრიორიტეტს წარმოადგენს, რომლის ფარგლებში განხორციელდება საბავშვო ბაღების გამართული ფუნქციონირება და სკოლამდელი აღზრდის დაწესებულებების რეაბილიტაცია მშენებლობა. სკოლამდელი განათლების გარდა პრიორიტეტის ფარგლებში ხდება მოსწავლე-ახალგაზრდობის სკოლისგარეშე განათლების დონის ამაღლების ხელშეწყობა.

3.1 პროგრამა -სკოლამდელი აღზრდის დაწესებულებების ფუნქციონირება (პროგრამული კოდი  0401)

 საჩხერის მუნიციპალიტეტში ფუნქციონირებს 23 საბავშო ბაღი, ბაღის 4 განყოფილება ქალაქის ტერიტორიაზეა, ხოლო 19 სოფლის ადმინისტრაციულ ერთეულებშია განლაგებული, დაწესებულებაში დასაქმებულია 354 თანამშრომელი, მათგან 301 ქალი და 49 მამაკაცი. მთლიანად რეგისტრირებულია 1044 აღსაზრდელი, რომელთაგან 504 არის გოგო, ხოლო 540 ბიჭი, რომელთა აღზრდას ემსახურება 66 აღმზრდელი ქალბატონი, მათგან 60 არის სერთიფიცირებული აღმზრდელ-პედაგოგი,  აღმზრდელებთან ერთად მსახურობენ 67 აღმზრდელის თანაშემწე ქალბატონი; 25 მუსიკის მასწავლებელი, ხოლო სტანდარტის შესაბამისი მენიუს კერძების მომზადებას უზრუნველყოფს ჰასპის (HASP) სერთიფიკატის მქონე 23 მზარეული და 16 მზარეულის თანაშემწე.

პროგრამის მიზანი: სკოლამდელი ასაკის  ბავშვების სკოლისთვის მზაობა, საბავშვო ბაღის აღსაზრდელების ბავშვებისთვის იმ უნარჩვევების მიცემა რომელიც განსაზღვრულია შესაბამისი სტანდარტებით. სკოლამდელი ასაკის ბავშვებისათვის ხარისხიანი საგანმანათლებლო და სააღმზრდელო სერვისების მიწოდება.

პროგრამა კავშირშია მდგრადი განვითარების შემდეგ მიზანათან: SDG 4.

3.2 პროგრამა -განათლების დაწესებულების ხელშეწყობა (პროგრამული კოდი  0403)

პროგრამის ფარგლებში ხორციელდება მოსწავლე-ახალგაზრდობის ინტერესების, უნარების და შემოქმედებითი შესაძლებლობების განვითარება არაფორმალური განათლების გზით. წრეებში ჩართული ბავშვები და მოზარდები ეუფლებიან როგორც პრაქტიკულ, ასევე თეორიულ ცოდნას და მონაწილეობენ შემოქმედებით აქტივობებსა და კონკურსებში. საჩხერის მოსწავლე ახალგაზრდობის სახლში გაერთიანებულია სხვადასხვა მიმართულებები: საგნობრივი, მხატვრულ-შემოქმედებითი, სპორტული, ესტეთიკური ციკლის წრეები, ქორეოგრაფიული სტუდიები, ფოლკლორული ანსამბლი "საწერეთლო", ბავშვთა საესტრადო წრეები, საბავშვო თეატრი "თე-არტი", თოჯინების თეატრი  "კოკროჭინა", ფოლკლორის  მუნიციპალური კლუბი "თავთუხები",  ბიოლოგიის მუნიციპალური კავშირი და ჭადრაკის მუნიციპალური კლუბი, ასევე ფუნქციონირებს საბალეტო სტუდია. საგნობრივ წრეებში, კლუბებსა და სტუდიებში გაერთიანებულია დაახლოებით 670-მდე მოსწავლე. აქედან გოგონების რაოდენობა შეადგენს 390, ხოლო ბიჭების რაოდენობა 280.

ქვეპროგრამის მიზანი:  მოსახლეობაში ტრადიციული კულტურის პოპულარიზაცია . ბავშვთა და მოზარდთა შემოქმედებითი უნარების განვითარება. თეატრალური სფეროსადმი ახალგაზრდა თაობის დაინტერესების ზრდა, სპორტში მოსწავლეთა ჩართულობა. მოზარდებში სოციალური უნარების განვითარება და თვითგამოხატვის შესაძლებლობის მიცემა.

პროგრამა კავშირშია მდგრადი განვითარების შემდეგ მიზანათან: SDG 4.

3.3 პროგრამა - სკოლამდელი აღზრდის დაწესებულებების მშენებლობა რეაბილიტაცია (პროგრამული კოდი 04 04)

მუნიციპალიტეტის მაშტაბით არსებულ სკოლამდელი აღზრდის დაწესებულებებში საჭიროების მიხედვით იგეგმება საბავშვო ბაღებში და მათ ტერიტორიაზე სარეაბილიტაციო და კეთილმოწყობითი სამუშაოები.

პროგრამის მიზანი: მოწესრიგებული ინფრასტრუქტურა. კომფორტული და უსაფრთხო გარემო.

პროგრამა კავშირშია მდგრადი განვითარების შემდეგ მიზანათან: SDG 4.

მუხლი 16. კულტურა, რელიგია, ახალგაზრდული და სპორტული ღონისძიებები

კულტურა, რელიგია, ახალგაზრდული და სპორტული ღონისძიებების პრიორიტეტის დაფინანსება განისაზღვროს 5378,1 ათასი ლარი. კულტურა, რელიგია, ახალგაზრდული და სპორტული ღონისძიებების  პრიორიტეტის ფარგლებში დაფინანსებული პროგრამების, ქვეპროგრამების მიზნები და მოსალოდნელი შედეგები განისაზღვროს შემდეგი რდაქციით:

ათას ლარში

4. პრიორიტეტი -კულტურა, რელიგია ახალგაზრდული და სპორტული ღონისძიებები (პროგრამული კოდი  0500) 

მუნიციპალიტეტი საკუთარი უფლებამოსილების ფარგლებში აგრძელებს კულტურული, ახალგაზრდული, სპორტული ღონისძიებების ხელშეწყობას. პრიორიტეტი გულისხმობს კულტურულ-საგანმანათლებლო, სასპორტო სფეროს პოპულარიზაცია-განვითარებას. კულტურის სფეროში წარმატებული შემოქმედებითი ჯგუფების და ახალგაზრდების ხელშეწყობას, კულტურული მემკვიდრეობის დაცვასა და შენარჩუნებას. კულტურულ, სახელოვნებო და საგანმანათლებლო დაწესებულებებში მომავალი თაობის შემეცნებით- საგანმანათლებლო დონის ამაღლებას, კულტურული  ცხოვრების მუნიციპალიტეტის კულტურული ტრადიციების შენარჩუნებას და პოპულარიზაციას, სპორტის განვითარების ხელშეწყობას და პოპულარიზაციას, სპორტული ღონისძიებების დაფინანსებას და მათ მრავალფეროვნებას. ტურიზმის განვითარებას ადგილობრივ და საერთაშორისო  დონეზე.

4.1 პროგრამა -სპორტის განვითარების ხელშეწყობა (პროგრამული კოდი  0501)

სპორტსმენებისათვის ხელშეწყობისა და შესაბამისი პირობების შექმნის მიზნით განხორციელდება სპორტის სხვადასხვა სახეობების ხელშეწყობა, მატერიალურ-ტექნიკური ბაზის განვითარება, სპორტული ინვენტარის შეძენა და თანამედროვე სტანდარტებთან მიახლოება, პერსპექტიული სპორტსმენების მომზადების წლიური საწვრთნელი პროცესის ორგანიზება და ნაკრები გუნდებისათვის მომზადება, სხვადასხვა შეჯიბრებებისა და სახელობითი ტურნირების ჩატარება. ასევე, წარმატებული  სპორტსმენების წახალისება.

პროგრამის მიზანი: ხელი შეუწყოს მოზარდებში ჯანსაღი ცხოვრების წესის დამკვიდრებას, მეტი მოზარდის ჩართვას, განსაკუთრებული ყურადღება დაეთმოს მეტი გოგონას ჩართვას სპორტის სხვადასხვა სახეობებში. ახალგაზრდა თაობებში ცხოვრების ჯანსაღი წესის დამკვიდრება და ხელშეწყობა.

პროგრამა კავშირშია მდგრადი განვითარების შემდეგ მიზანათან: SDG 3, SDG 11

4.1.1 ქვეპროგრამა -სპორტული ღონისძიებების დაფინანსება (პროგრამული კოდი  050101)

ფიზიკური აქტივობა ადამიანის სრულფასოვანი ცხოვრების აუცილებელი წინაპირობაა. იგი მნიშვნელოვან გავლენას ახდენს როგორც ფიზიკურ, ისე გონებრივ განვითარებაზე, აძლიერებს იმუნურ სისტემას, აუმჯობესებს ემოციურ მდგომარეობას და უწყობს ხელს ტვინის აქტივობის სტიმულირებას. სპორტს აქვს მრავალმხრივი მნიშვნელობა – იგი აყალიბებს ძლიერ, მოტივირებულ და პასუხისმგებლიან პიროვნებას. ამავდროულად, წარმოადგენს ეფექტურ საშუალებას ისეთი გამოწვევების პრევენციისთვის, როგორიცაა ჭარბი წონა, მავნე ჩვევები და არაჯანსაღი ქცევები. მუნიციპალიტეტისთვის პრიორიტეტულია ახალგაზრდებში ფიზიკური აქტივობის წახალისება, ჯანსაღი ცხოვრების წესის დამკვიდრება და სპორტის როგორც მასობრივი, ისე მაღალი მიღწევების მიმართულებით განვითარება.

პროგრამის მიზანი:  ხალგაზრდების სპორტულ ცხოვრებაში აქტიურად ჩართვა – სისტემური და ინოვაციური მიდგომებით სპორტის სხვადასხვა სახეობის პოპულარიზაცია;

ჯანსაღი ცხოვრების წესის პოპულარიზაცია – ცნობიერების ამაღლება ფიზიკური აქტივობის სარგებელზე;

წარსულში წარმატებული და საყვარელი სპორტსმენების სახელის უკვდავსაყოფად – მემორიალური დაფების გახსნა და მათ სახელზე სპორტული ღონისძიებების ორგანიზება;

მოსახლეობის, განსაკუთრებით კი ახალგაზრდების სპორტული გააქტიურება – როგორც ინდივიდუალურ, ისე გუნდურ სახეობებში;ვეტერანი სპორტსმენების მოტივაცია და წახალისება – მათი ჩართვა საზოგადოებრივ აქტივობებში, ახალგაზრდებთან გამოცდილების გაზიარების ფორმატით;

ჩემპიონებისა და პრიზიორების დაფასება – მათი წარმატების აღნიშვნა და მხარდაჭერა.

პროგრამის განხორციელება ეყრდნობა გენდერული თანასწორობის პრინციპებს და გათვალისწინებულია შშმ და სსმ პირების ჩართულობა – უზრუნველყოფილი იქნება მათთვის ადაპტირებული, თანაბარი და ხელმისაწვდომი გარემო.

4.1.2 ქვეპროგრამა -სპორტული დაწესებულებების ხელშეწყობა (პროგრამული კოდი 050102)

ქვეპროგრამით ხორციელდება მუნიციპალიტეტში სპორტის განვითარება. წარმატებული და ნიჭიერი სპორტსმენების წახალისება და ხელშეწყობა. ქვეპროგრამის ფარგლებში გათვალისწინებულია როგორც ბიჭების, ასევე გოგონების ჩართულობა სპორტის სხვადასხვა სახეობაში.

ქვეპროგრამის მიზანი: მუნიციპალიტეტში სპორტის განვითარება; სპორტისა და ჯანსაღი ცხოვრების წესის პოპულარიზაცია; ახალგაზრდობის სულიერი და ფიზიკური ჰარმონიული განვითარება; სპორტული ტრადიციების დაცვა-გაღრმავება, სპორტის ხელმისაწვდომობის უზრუნველყოფა.

4.1.2.1 ღონისძიება -საჩხერის სპორტული სკოლა (პროგრამული კოდი  05010201)

სასპორტო სკოლის ქვეპროგრამა მიზნად ისახავს: ახალგაზრდებში ჯანსაღი ცხოვრების წესის პოპულარიზაციას, სპორტული უნარების განვითარებისა და პროფესიული სპორტისათვის სათანადო ბაზის შექმნას. ქვეპროგრამა გულისხმობს ასაკობრივ ჯგუფებზე მორგებულ მრავალფეროვან აქტივობებს, სპორტული წრეების შექმნას, ინსფრასტუქტურის გაუმჯობესებას და სპეციალისტების ჩართულობას. ქვეპროგრამა ითვალისწინებს როგორც მასობრივ სპორტში ჩართვას, ისე ნიჭიერი ბავშვებისა და მოზარდების გამოვლენასა და მათი სპორტული კარიერის ხელშეწყობას.   საჩხერის სასპორტო სკოლა აერთიანებს 13 სპორტულ სახეობას, ესენია: ფეხბურთი, კალათბურთი, ფრენბურთი, ძიუდო, სამბო, ქართული ჭიდაობა, ბერძნულ-რომაული ჭიდაობა, თავისუფალი ჭიდაობა, კარატე, ტაეკვონდო, ჭადრაკი, რაგბი, კრივი. სულ სასპორტო სკოლაში სპორტის სახეობებს ეუფლება ყველა სახეობაში 800 მოზარდი, აქედან 148 გოგონა, რომელთაც საწვრთნელი ვარჯიშები უტარდებათ ყოველ დღე. სკოლის სპორტსმენები მონაწილეობას ღებულობენ რეგულარულად საქართველოს ჩემპიონატებზე და საერთაშორისო ტურნირებზე, სადაც არაერთი საპრიზო ადგილები აქვთ დაკავებული. აგრეთვე სპორტსმენები რეგულარულად გადიან საწვრთნელ შეკრებებს. სასპორტო სკოლა ფუნქციონირებს მთელი წლის განმავლობაში შეუფერხებლად, ყველა მსურველი დაკმაყოფილებულია სკოლის მომსახურებით, საჩხერის მუნიციპალიტეტში მცხოვრები მოზარდებისათვის ყველა სპორტული წრით სარგებლობა უფასოა. საპრიზო ადგილებზე გასული სპორტსმენები ჯილდოვდებიან სპორტული პრიზებით.

ქვეპროგრამის მიზანი: ახალგაზრდებში ჯანსაღი ცხოვრების წესის დამკვიდრება და ფიზიკური აქტივობის წახალისება;  სპორტული განათლების სისტემური განვითარების უზრუნველყოფა სასკოლო და სკოლის გარეთ არსებული სპორტული სტრუქტურების მეშვეობით; ნიჭიერი სპორტსმენების აღმოჩენა და მხარდაჭერა, სასპორტო სკოლების ინფრასტრუქტურის გაუმჯობესება და მათი ხელმისაწვდომობის ზრდა;  მოზარდებში დისციპლინის, გუნდური მუშაობის და გამარჯვებისაკენ სწრაფვის მოტივაციის გაძლიერება; სპორტის სხვადასხვა სახეობაში სასწავლო-საწვრთნელი პროცესის გაუმჯობესება, საერთაშორისო სტანდარტების გათვალისწინებით.

4.1.2.2 ღონისძიება - -საჩხერის საცურაო აუზი (პროგრამული კოდი  05010202)

პროგრამა ითვალისწინებს ცურვის სწავლებას ბავშვებისა და მოზარდებისათვის უსაფრთხო და თანამედროვე სტანდარტების შესაბამისად. სწავლება განხორციელდება კვალიფიციური მწვრთნელების მიერ სპეციალური ეტაპობრივი მეთოდით, რომელიც მოიცავს როგორც ცურვის ტექნიკის ათვისებას, ისე ჯანმრთელობის გაკაჟებას. წყალში უსაფრთხო ქცევის განვითარებას..

ქვეპროგრამის მიზანი: ზრდასრული თაობის ჯანმრთელობისა და ფიზიკური მომზადების გაუმჯობესება, სპორტული აქტივობის ხელშეწყობა და ცურვის სწავლებისთვის თანაბარი შესაძლებლობის უზრუნველყოფა.

4.1.2.3 ღონისძიება  -საჩხერის ძალოსნობის დარბაზი (პროგრამული კოდი  05010203) 

საჩხერის ძალოსნობის დარბაზი მიზნად ისახავს ძლოსნობის სპორტის პოპულარიზაციას, ახალგაზრდებისათვის ჯანსაღი ცხოვრების წესის ხელშეწყობას და პროფესიული მომზადებისათვის შესაბამისი ინფრასტრუქტურის უზრუნველყოფას.  საჩხერის ძალოსნობის დარბაზი სპეციალიზებულია სპორტის სახეობა ძალოსნობის მიმართულებით, რომელიც აერთიანებს 5 ასაკობრივ ჯგუფს. მოსწავლეთა რაოდენობა შეადგენს 135 მოზარდს, აქედან 6 გოგონაა. დარბაზის აღსაზრდელები რეგულარულად მონაწილეობენ ჩემპიონატებში და ტურნირებში, როგორც რეგიონალური, ასევე საერთაშორისო მაშტაბით. გვყავს საქართველოს ჩემპიონატზე 43 მედალოსანი ბიჭი,  ევროპის ჩემპიონატზე 6 მედალოსანი , ოლიმპიადაზე 3 ოქროს მედალოსანი და სამ გზის ოლიმპიური ჩემპიონი,  სხვადასხვა რეგიონალურ ტურნირებში გამარჯვებული 66 მედალოსანი, რომლებიც დაჯილდოვებულნი არიან მედლებით, თასებით, დიპლომებით და სხვადასხვა სპორტული პრიზებით (სუვენირებით).

ქვეპროგრამის მიზანი: ძალოსნობის განვითარების ხელშეწყობა, ძალოსნობაში რაც შეიძლება მეტი მოზარდის, მათ შორის გოგონების ჩაბმა,   მათში ჯანსაღი ცხოვრების წესის დამკვიდრება, მომსახურების ახალი ფორმების დანერგვა და მისი ხელმისაწვდომობის მიღწევა ქალაქისა და სოფლების მოსახლეობისათვის. 

საქართველოს ასაკობრივი ნაკრებისათვის პერსპექტიული სპორტსმენების აღზრდა, ახალგაზრდების წახალისების ახალი მეთოდების დანერგვა და სპორტსმენთა სტიმულირების განვითარება.

4.1.2.4 ღონისძიება  -ბავშვთა ფეხბურთის განვითარება (პროგრამული კოდი  05010204)

ა(ა)იპ "საფეხბურთო კლუბ საჩხერის ჩიხურა-"ს სკოლაში ირიცხება 350 მოზარდი  6-წლიდან 17 წლის ჩათვლით. ეს ასაკები მოიცავს 6 საშეჯიბრო  და 8 არასაშეჯიბრო ჯგუფებს. სკოლაში არის 9 ლიცენზირებული მწვრთნელი 2 -UEFA PRO, 3- UEFA A. 3-UEFA B, 1  UEFA C. ქვეპროგრამით ხორციელდება ახალგაზრდა პერსპექტიული ფეხბურთელების აღმოჩენა და მათი შემდგომი განვითარება, საქართველოს ასაკობრივ საფეხბურთო ჩემპიონატებში საჩხერელი ფეხბურთელების მონაწილეობა, ფეხბურთით დაინტერესებული მოზარდების საწვრთნელ პროცესში შესაბამისი ლიცენზიის მქონე მწვრთნელების მონაწილეობა და პროფესიონალ ფეხბურთელად ჩამოყალიბება. კლუბის თითოეული გუნდი მიზნად ისახავს ჩემპიონობას ან საპრიზო ადგილების (I-II-III) მოსაპოვებას.

ღონისძიების მიზანი: ბავშვებში ცხოვრების ჯანსაღი  წესის პოპულარიზაცია, ფეხბურთისადმი ინტერესის გაღვივება, ბავშვთა ფიზიკური, სპორტული და სოციალური უნარების განვითარება ფეხბურთის მეშვეობით.

4.1.3 ქვეპროგრამა -სპორტული ობიექტების მშენებლობა რებილიტაცია (პროგრამული კოდი  050103)

ქვეპროგრამის ფარგლებში განხორციელდება მუნიციპალიტეტის ტერიტორიაზე არსებული სპორტული მოედნების რეაბილიტაცია, მათ შორის: ქ. საჩხერეში სპორტული ინფრასტრუქტურის, ტრენაჟორების რეაბილიტაცია - მოწყობა; საჩხერის მუნიციპალიტეტის ტერიტორიაზე სპორტული ინფრასტრუქტურის მოწყობა-რეაბილიტაცია; სოფელ მერჯევში, კაპანაძეების უბანში მინი სპორტული მოედნის მოწყობა (ორწლიანი); სოფელ ჭალის ცენტრში მინი სპორტული მოედანი (ორწლიანი).

ქვეპროგრამის მიზანი: მოწესრიგებული სპორტული ინფრასტრუქტურა

4.2 პროგრამა -კულტურის განვითარების ხელშეწყობა (პროგრამული კოდი  0502)

მუნიციპალიტეტის კულტურული ტრადიციების დაცვის მიზნით პროგრამის ფარგლებში გაგრძელდება კულტურული დაწესებულებების ფინანსური მხარდაჭერა, ასევე განხორციელდება და მოეწყობა სხვადასხვა  კულტურული ღონისძიებები, მათ შორის: სადღესასწაულო დღეებში სხვადასხვა გასართობი და სანახაობრივი ღონისძიებები.

პროგრამის მიზანი: ქართული   კულტურის  პოპულარიზაცია,  ბიბლიოთეკების,  მუზეუმების  და თეატრისადმი მოსახლეობის დაინტერესებისა და ჩართულობის გაზრდა, შემოქმედებითი ნიჭით დაჯილდოებული ახალგაზრდების ხელშეწყობა, კულტურის დაწესებულებების გამართულად ფუნქციონირება.

4.2.1 ქვეპროგრამა -კულტურული ღონისძიებების დაფინანსება (პროგრამული კოდი  050201)

პროგრამის ფარგლებში წლის განმავლობაში განხორციელდება სხვადასხვა სახის კულტურულ-საგანმანათლებლო აქტივობები, მათ შორის: თეატრალური და მუსიკალური წარმოდგენები,ფესტივალები და კონკურსები,გამოფენები და მუსიკალური საღამოები,ცნობილ პირებთან შეხვედრები და სპეციალური ღონისძიებები.                                

პროგრამის მიზანი: მუნიციპალიტეტის მოსახლეობის ფართო ჩართულობა კულტურულ ცხოვრებაში ხელოვნების სხვადასხვა დარგის პოპულარიზაცია, ქართული კულტურული იდენტობის დაცვა და ეროვნული ტრადიციების პოპულარიზაცია (პოეზია, მწერლობა, ფოლკლორი, მუსიკა, თეატრი, მართლმადიდებლური ქრისტიანობა), თაობათა შორის კავშირის განმტკიცება,ცნობილ ადამიანთა დამსახურების პატივისცემა,თავისუფალი დროის გონივრული გამოყენება გართობისა და დასვენების მიზნით,მუნიციპალიტეტის პრესტიჟისა და ღირსების ამაღლება, კულტურული მრავალფეროვნების წახალისება,ქვეყნისთვის მნიშვნელოვანი და ღირსშესანიშნავი თარიღების აღნიშვნა,

4.2.2 ქვეპროგრამა -კულტურის ობიექტების მშენებლობა, რეაბილიტაცია (პროგრამული კოდი  050202)

ქვეპროგრამის ფარგლებში ხორციელდება მუნიციპალიტეტის ტერიტორიაზე არსებული სპორტული მოედნების რეაბილიტაცია, მათ შორის გამოსაყოფია, ქ. საჩხერეში სპორტის სასახლის მშენებლობა, ასევე სავარჯიშო ტრენაჟორების მოწყობა და სხვადსხვა სპორტული ობიექტის რეკოსტრუქცია

ქვეპროგრამის მიზანი: ჯანსაღი ცხოვრების დამკვიდრება.

4.2.3 ქვეპროგრამა -კულტურული დაწესებულებების ხელშეწყობა (პროგრამული კოდი  050203)

პროგრამის ფარგლებში გათვალისწინებულია მუნიციპალიტეტის მიერ ა(ა)იპ-ის ფორმით დაფუძნებული სახელოვნებო სკოლების, ბიბლიოთეკების, კულტურის სახლების და მუზეუმების, კულტურულ-საგანმანათლებლო დაწესებულების დაფინანსება. შრომის ანაზღაურებასთან ერთად პროგრამა ითვალისწინებს სხვა მიმდინარე ხარჯების დაფინანსებასაც.

ქვეპროგრამის მიზანი: კულტურის სფეროში მომუშავე ა(ა)იპების ხელშეწყობა.

4.2.3.1 ღონისძიება -ბიბლიოთეკების ხელშეწყობა (პროგრამული კოდი  05020301)

ბიბლიოთეკის მნიშვნელოვანი და სოციალური  ფუნქციაა სრულად და ეფექტურად გამოიყენოს თავისი ფონდები და სხვა საბიბლიოთეკო რესურსები მომხმარებელთა მოთხოვნების დასაკმაყოფილებლად. ამ მიზნით  ბიბლიოთეკაში შეიქმნა და შენარჩუნდა თანმიმდევრული და დალაგებული კოლექცია მომხმარებელთათვის ცოდნის ხელმისაწვდომობის მიზნით. ქვეპროგრამა ითვალისწინებს პოლიტიკურ, რელიგიურ, ასაკობრივ და ეროვნულ ნეიტრალიტეტს, ინფორმაციის ხელმისაწვდომობას, ოპერატიულობას და შეუზღუდაობას. ბიბლიოთეკაში შექმნილია ინოვაციური გარემო მომხმარებელთა მოთხოვნილებების დაკმაყოფილებისათვის ელექტრონულ ტექნოლოგიებზე დაყრდნობით. გათვალისწინებულია ბიბლიოთეკართა კვალიფიკაციის ამაღლება მკითხველთათვის კვალიფიციურ მრჩევლებლად  ჩამოყალიბების მიზნით.  აქტიურად ტარდება მასობრივი ღონისძიებები მიმდინარე აქტუალურ საკითხებზე. სისტემატიურად ეწყობა ახალგამოცემული ლიტერატურის ინფორმირება და პრეზენტაცია მომხმარებელთათვის. აუცილებელია სამთავრობო და სამოქალაქო საზოგადოების ხელშეწყობა მასობრივი ბიბლიოთეკების ქსელის გაფართოებაზე. ადგილობრივი ისტორიისა და კულტურის განვითარების  ხელშეწყობით ხდება  მომხმარებელთა  ეროვნული თვითმყოფადობის გაძლიერება. ბიბლიოთეკის ბაზაზე არსებობს ადგილობრივი გაზეთი ,,მოდინახე'', რომელიც თვეში ერთხელ გამოდის. სწორედ ამ მიზნების განხორციელებას ემსახურება რაიონში არსებული 1 მთავარი, 1 საბავშვო და 15 სასოფლო ბიბლიოთეკა-განყოფილება 145490 ერთეული  წიგნადი ფონდითა და  ციფრული ტექნოლოგიებით.

ღონისძიების მიზანი: ბიბლიოთეკა გახდეს ერთ-ერთი ინიციატორი, მამოძრავებელი ძალა და სანდო პარტნიორი სხვადასხავა პროგრამებისა და მიზნების განხორციელებისათვის.

4.2.3.2 ღონისძიება -საჩხერის კულტურის ცენტრი (პროგრამული კოდი  05020302)

საჩხერის კულტურის ცენტრი მიზნად ისახავს კულტურის ცენტრის  შესაძლებლობების გაძლიერებას, რათა ახალგაზრდებს, ბავშვებსა და მოზარდებს მიეცეთ შესაძლებლობა ჩაერთონ სხვადასხვა შემოქმედებით აქტივობაში- ვოკალში, ქორეოგრაფიაში თეატრალურ ხელოვნებაში და სხვა. ქვეპროგრამა უზრუნველყოფს ახალი წრეების გახსნას და შემოქმედებითი ღონისძიებებისა და კონცერტების ორგანიზებას. კულტურის ცენტრში  გაერთიანებულია სხვადასხვა მიმართულებები: ქორეოგრაფიული, ფოლკლორული, სამეჯლისო სპორტული ცეკვების სტუდიები და ანსამბლები, სალოტბარო სკოლა,  სახალხო თეატრი, თოჯინების თეატრი, ბავშვთა ვოკალურ ინსტრუმენტული ბენდი მ.ხატელიშვილის სახელობის სამუსიკო სტუდია, სადაც შეისწავლება ფორტეპიანო, ვიოლინო, გიტარა, სოლო სიმღერები და ვაჟთა ანსამბლი განთიადი. სტუდიებში და ანსამბლებში გაერთიანებულია 310 -მდე ბავშვი, მათ შორის 180 გოგონაა, ხოლო 120 ვაჟი. აქვეა თვითშემოქმედებითი ნიმუშების მოძიება და პოპულარიზაცია, ხალხური პოეზია, ხალხური სიმღერა და ხალხური ნიმუშების ჩართვა ფოლკლორულ ფესტივალებსა და სახალხო ზეიმებში, რაც მნიშვნელოვანია შემოქმედებითი ნიმუშების შენარჩუნებისა და ოჯახური ტრადიციების გაგრძელების თვალსაზრისით.

ღონისძიების მიზანი:  ეროვნული კულტურული ღირებულებების შენარჩუნება და პოპულარიზაცია: მომავალ თაობებში ეროვნული კულტურისა და ხელოვნებისადმი ინტერესის გაღვივება, კულტურულ პროცესებში ადგილობრივი საზოგადოების აქტურად ჩართვა და მისთვის ხარისხიანი პროდუქციის მიწოდება, ცენტრის მიერ შექმნილი კულტურული ღირებულებების გატანა რესპუბლიკურ და საერთაშორისო ასპარზზე. სახელმწიფოებრივად მოაზროვნე მომავალი თაობის მაღალ სულიერ და ზნეობრივ პრინციპებზე აღზრდის ხელშეწყობა..

4.2.3.3 ღონისძიება -სარეკის კულტურულ– საგანმანათლებლო ცენტრი (პროგრამული კოდი  05020303)

ქვეპროგრამა ითვალისწინებს  სარეკის თემის მოსახლეობის განსაკუთრებით მოსწავლე-ახალგაზრდობის  კულტურულ  და საგანმანათლებლო საქმიანობაში ხელშეწყობას და აქტიურ მონაწილეობას ფესტივალებსა და კონკურსებშში. კულტურის ცენტრში იგეგმება სხვადასხვა წრეების დამატება, დაინტერესება სხვადასხვა კულტურულ და საგანმანათლებლო  ღონისძიებებში, რაც გამოიწვევს  მოსწავლე-ახალგაზრდობის დაინტერესებას და გაზრდის მოსწავლეთა რაოდენობას. სარეკის  კულტურის სახლში გაერთიანებულია სხვადასხვა წრეები და სტუდიები: ქორეოგრაფიული სტუდია, მუსიკალური სტუდია, მხატვრული წრე. წრეებში მოსწავლეთა რაოდენობა შეადგენს 17-ს. მათ შორის: 12 გოგო  5  ბიჭი.  სარეკის კულტურის სახლი აქტიურად თანამშრომლობს სარეკის საჯარო სკოლასთან და სასოფლო ბიბლიოთეკასთან, ეწყობა ერთობლივი ღონისძიებები.

ღონისძიების მიზანი: შემოქმედებითი ჯგუფის ხელშეწყობა.

4.2.3.4 ღონისძიება -მხარეთმცოდნეობის მუზეუმი (პროგრამული კოდი  05020304)

ქვეპროგრამის ფარგლებში ხორციელდება  მხარეთმცოდნეობის მუზეუმის განვითარების ხელშეწყობა,  მისი მატერიალური ბაზის გაუმჯობესება, საგამოფენო აქტივობების გაფართოება, ყურადრება გამახვილებულია კულტურული მემკვიდრეობის დაცვაზე, ეთნოგრაფიისა და ტრადიციების წარმოჩენაზე ასევე ხორციელდება  მემორიალური და სასკოლო მუზეუმების მეურვეობა კულტურული მემკვიდრეობის დაცვისათვის. ახალი ტურისტული ობიექტების კვლევა და პოპულარიზაცია- სასაუბრო მასალების მომზადება. მუზეუმის კოლექციებით გამდიდრებისა და დაცვის ღონისძიებები, პასპორტებით და სხვა ნაბეჭდი მასალებით უზრუნველყოფა. სამეცნიერო კვლევითი და საგამოფებო საქმანობის მართვა.

ღონისძიების მიზანი: მხარეთმცოდნეობის მუზეუმის მატერიალურ-ტექნიკური ბაზის გაძლიერება. ადგილობრივი კულტურისა და ისტორიის პოპულარიზაცია.

4.2.3.5 ღონისძიება -აკაკი წერეთლის სახელმწიფო მუზეუმი (პროგრამული კოდი  05020305)

აკაკი წერეთლის სახლ-მუზეუმი წარმოადგენს მნიშვნელოვალი კულტურული მემკვიდრეობის ობიექტს სამინისტროს  მხარდაჭერითა  და  საჩხერის  მუნიციპალიტეტის საკრებულოსა და  მერიის დახმარებით   მნიშვნელოვანი  ღონისძიებები  განხორციელდა  მუზეუმის  მატერიალურ - ტექნიკური  ბაზის  განმტკიცებისათვის.  ტურისტებისა და  მნახველთა სათანადო დონეზე მომსახურებისათვის.  2026  წლის განმავლობაში  კიდევ  მეტი  ყურადღება  დაეთმობა  დამთვალიერებელთა  და ტურისტთა  ნაკადის სათანადო დონეზე მომსახურებას,  დედისეული  ბაღის  კარმიდამოს  შემოღობვას  და  კეთილმოწყობას, მუზეუმი გეგმავს როსტომისეულ სასახლეში სველი წერტილის, სახაბაზოსა და სხვა დამხმარე შენობების აღდგენას პირვანდელი ისტორიული სახით.   მნახველები  დეტალურად  გაეცნობიან  როსტომისეულ  სასახლეს,  საგამოფენო  დარბაზსა  და  სავანის  ძიძისეულ  კარმიდამოს,  იქ  არსებული  აკაკის  დროინდელი  ავეჯისა  და  საოჯახო  ნივთების  გამოფენას. მუზეუმი აწყობს მოძრავ გამოფენას ჭიათურის მხარეთმცოდნეობის მუზეუმში ,,აკაკი და ჭიათურა" და შეხვედრას შშმ პირებთან.   კიდევ  უფრო  მრავალრიცხოვანი  იქნება  აკაკის  მედლისა  და  პრემია  ,,სხვიტორი" -ს  მოპოვებისათვის  წარმოდგენილი  ავტორები. 

ღონისძიების მიზანი. აკაკი წერეთლის მემკვიდრეობის დაცვა და პოპულარიზაცია, საგანმანათლებლო და ტურისტული ინტერესის გაზრდა რეგიონში, კულტურული ცნობიერების ამაღლება.

4.2.3.6 ღონისძიება -აკადემიკოს კონსტანტინე და მხატვარ სოსო წერეთლების სახელობის მუზეუმი (პროგრამული კოდი  05020306)

ქვეპროგრამა მიზნად ისახავს მხატვარ სოსო წერეთლისა და აკადემიკოს კონსტანტინე წერეთლის შემოქმედების გამოფენის კვლევის და პოპულარიზაციის უზრუნველყოფას. მუზეუმის ბაზაზე იქმნება სივრცე კულტურულ-საგანმანათლებლო აქტივობებისათვის ახალგაზრდებისა და ხელოვნებით დაინტერესებული პირებისათვის. 

ღონიძიების მიზანი: მხატვარ სოსო წერეთლისა და აკადემიკოს კონსტანტინე წერეთლის შემოქმედების შენარჩუნება პოპულარიზაცია და მუზეუმის მეშვეობით ფართო საზოგადოებისათვის ხელმისაწვდომობის უზრუნველყოფა.

4.2.3.7  ღონისძიება -სამუსიკო სკოლა (პროგრამული კოდი  05020307)

სამუსიკო სკოლა მიზნად ისახავს  საჩხერის მუნიციპალიტეტში სამუსიკო განათლების ხელშეწყობას, ბავშვებსა და ახალგაზრდებში მუსიკალური ნიჭის აღმოჩენას და განვითარებას. სკოლის ფარგლებში ფუნქციონირებს სხვადასხვა მუსიკალური კლასები.  ქვეპროგრამა მოიცავს როგორც სასწავლო პროცესისი გამართულად წარმართვას, ისე კონცერტების, ფესტივალებისა და კონკურსების ორგანიზებასა და მონაწილეობის ხელშეწყობას. სამუსიკო სკოლაში მუსიკალურ განათლებას ღებულობს 326 მოსწავლე ( ვაჟი 84 გოგონა 242) მათ შორის: საფორტეპიანო განყოფილებაზე 213 მოსწავლე, სავიოლინო განყოფილებაზე 2 მოსწავლე, ხალხურ საკრავებზე 45 მოსწავლე, საესტრადო განყოფილებაზე 37 მოსწავლე, ფოლკლორულ ანსამბლში 25 მოსწავლე, კვარტეტი ,,ჯრუჭი" 4 წევრი.

ღონისძიების მიზნი: კლასიკური და ხალხური მუსიკის პოპულარიზაცია, მოზარდი თაობის ინტელექტუალურ მსმენელად ჩამოყალიბება, მოსწავლეთა საშემსრულებლო ხელოვნების დახვეწა, განსაკუთრებული მუსიკალური ნიჭით დაჯილდოებული მოსწავლეების გამოვლენა, სიმღერის ფოლკლორის და სხვადასხვა ინსტრუმენტების შესწავლა.

4.2.3.8 ღონისძიება -სამხატვრო სკოლა (პროგრამული კოდი  05020308)

ქვეპროგრამის ფარგლებში ხორციელდება კულტურისა და ხელოვნების ხელშეწყობა ახალგაზრდებში, შემოქმედებითი პროექტების განხორციელება, რაც ხელს უწყობს მოსწავლეთა ხელოვნური უნარების და მათი პროფესიული მიმართულების განსაზღვრას. სამხატვრო სკოლაში, მოსწავლეთა რაოდენობა შეადგენს 142 ბავშვს (110 გოგონა და 32 ბიჭი.) სკოლის დაფინანსება ხორციელდება ქვეპროგრამის შესაბამისად, რომელიც ითვალისწინებს სასწავლო პროგრამის განხორციელებას, მხატვრისთვის საჭირო ჩვევების გამომუშავებას, დამოუკიდებლად აზროვნებას, კომპოზიციების შედგენას, პერსონალური და კოლექტიური გამოფენების მოწყობას.

ღონისძიების მიზანი: ექვსწლიანი სასწავლო პროცესის ვადაში შეუქმნას მოსწავლეებს შესაბამისი პირობები ინდივიდუალური შემოქმედების განვითარებისთვის, იზრუნოს მათი ესთეტიკური გემოვნების ჩამოყალიბებაზე და აზიაროს ისინი დაწყებით სამხატვრო საფუძვლებს, სხვადასხვა მასალების გამოყენებით (ზეთი, გუაში, აკრილი, ტუში, ფანქარი), პლენერების მოწყობით, გემოვნებიანი ნახატების შექმნა, აზიაროს კომპოზიციის საფუძვლებს. მოსწავლეებს შეაძლებინოს დიდი მხატვრების ნამუშევრებში კონცეპტუალური აზრის წაკითხვა და გამოყენებული ტექნიკისა და მასალის შესახებ ინფორმაციის მიღება, მსოფლიოს და ქართული სამხატვრო ხელოვნების ისტორიის შესწავლა, სხვადასხვა მიმდინარეობების (იმპრესიონიზმი, კუბიზმი, რეალიზმი, სურეალიზმი და ა.შ.) სტილის აღქმა, სხვადასხვა სამხატვრო დარგის(ფერწერა, დაზგური გრაფიკა, სამოდელო დიზაინი, არქიტექტურა) საფუძვლების შესწავლა

4.2.3.9 ღონისძიება -არგვეთის კულტურის სახლი (პროგრამული კოდი  05020309)

არგვეთის კულტურის სახლი წარმოადგენს საზოგადოებრივი თავშეყრის სივრცეს, სადაც ტარდება კულტურული, საგანმანათლებლო და შემოქმედებითი  ღონისძიებები. ქვეპროგრამა ითვალისწინებს  სხვადასხვა შემოქმედებითი წრეების ფუნქციონირებას მათ შორის:   ქართულ ხალხურ  საკრავთა  ანსამბლი  "ციცინათელა", ქართულ  საკრავების  შემსწავლელი  წრე,  საესტრადო  სიმღერების  შემსწავლელი წრე, ქართულ- ხალხურ ისტრუმენტალზე  დაკვრის  შემსწავლელი  წრე,  გიტარის შემსწავლელი წრე, მხატრული  კითხვის წრე,  წრებში  მოსწავლეთა  რაოდენობა  შეადგენს  სულ  95  მათ  შორის ქალი  60  კაცი  35 .               

ღონისძიების  მიზანი:  შემოქმედებითი  პროცესებისა  და ფოლკლოლური  ჯგუფების ხელშეწყობა; მივიწყებული ქართული  ხალხური  სიმღერების  აღდგენა  და შენარჩუნება,  ლიტერატურული წარმოდგენების  გამართვა,  ახალგაზრდებში  ეროვნული  ფასეულობების კულტურული  მემკიდრეობისადმი   ინტერესის  გაღვივება

4.3 პროგრამა -ტურიზმისა და ახალგაზრდულ ღონისძიებათა პროგრამა (პროგრამული კოდი  0503)

ახალგაზრდების მხარდაჭერა და განვითარების ხელშეწყობა — ცხოვრების ჯანსაღი წესის პოპულარიზაცია, არაფორმალური საგანმანათლებლო სერვისების ხელმისაწვდომობის გაზრდა, ახალგაზრდების ნიჭისა და უნარების გამოვლენა და მათი ჩართულობა მასობრივ და თემატურ ღონისძიებებში.  საგანმანათლებლო და კულტურული აქტივობები — ახალგაზრდული ფესტივალების, ლაშქრობების, შემეცნებითი და გასართობი ღონისძიებების ორგანიზება, რომლებიც ხელს შეუწყობს ახალგაზრდების თვითრეალიზაციასა და საერთო უნარების განვითარებას. ტურიზმის მხარდაჭერა და განვითარება — ადგილობრივი ტურისტული რესურსების პოპულარიზაცია, ტურისტულად საინტერესო ობიექტების მარკირება, სტანდარტების შესაბამისი აბრების დამზადება, საინფორმაციო მასალების მომზადება, ადგილობრივი მეწარმეების ხელშეწყობა და ღვინის ტურიზმის განვითარება. თანასწორობა და ინკლუზიურობა — პროგრამის ყველა აქტივობა განხორციელდება გენდერული თანასწორობის პრინციპით და ადაპტირებული იქნება შეზღუდული შესაძლებლობებისა და სპეციალური საჭიროებების მქონე ახალგაზრდებისთვის.

პროგრამის მიზანი: ახალგაზრდებისთვის ხარისხიანი არაფორმალური განათლების ხელმისაწვდომობის უზრუნველყოფა და მათი ჩართულობის ზრდა სოციალურ და კულტურულ ცხოვრებაში;

ადგილობრივი ტურისტული პოტენციალის გამოყენებით ტურიზმის განვითარება როგორც ადგილობრივ, ასევე საერთაშორისო დონეზე;

ახალგაზრდული ბანაკების, კონკურსებისა და ფესტივალების მოწყობა, რომლებიც ხელს შეუწყობს ახალგაზრდების მოტივაციას, მათ უნარებისა და შესაძლებლობების წარმოჩენას;

ინოვაციური იდეების მქონე საინიციატივო ჯგუფების მხარდაჭერა და მათი პროექტების რეალიზებაში დახმარება.

პროგრამა კავშირშია მდგრადი განვითარების შემდეგ მიზანათან: SDG 11.

4.4 პროგრამა -რელიგიის ხელშეწყობა (პროგრამული კოდი  0504)

პროგრამა ითვალისწინებს ტრადიციული რელიგიური ინსტიტუტების მხარდაჭერას, მათ შორის კულტურულ-სულიერ ღონისძიებებში მონაწილეობას, მრევლის საჭიროებების გათვალისწინებას და ახალგაზრდებში სულიერი ღირებულებების დამკვიდრებას. პროგრამა ემსახურება ეროვნულ თვითმყოფადობაზე, ზნეობასა და სოლიდარობაზე დაფუძნებული საზოგადოების ჩამოყალიბებას, ქრისტიანულ-კულტურული მემკვიდრეობის გაცნობიერებასა და შესწავლას (ქართული საეკლესიო საგალობლები, მედავითნეობა). ქრისტიანული და ტრადიციული ფასეულობების განმტკიცებას.

პროგრამის მიზანი:  საეკლესიო მსახურების ხელშეწყობა,  ეპარქიის სახელით საეკლესიო ღონისძიებების ჩატარება.

მუხლი 17. მოსახლეობის ჯანმრთელობის დაცვა და სოციალური უზრუნველყოფა

მოსახლეობის ჯანმრთელობის დაცვა და სოციალური უზრუნველყოფის პრიორიტეტის დაფინანსება განისაზღვროს 2547,5 ათასი ლარი. მოსახლეობის ჯანმრთელობის დაცვა და სოციალური უზრუნველყოფის პიორიტეტის ფარგლებში დაფინანსებული პროგრამების და ქვეპროგრამების მიზნები და მოსალოდნელი შედეგები განისაზღვროს შემდეგი რდაქციით:

ათას ლარში

5. პრიორიტეტი -მოსახლეობის ჯანმრთელობის დაცვა და სოციალური უზრუნველყოფა (პროგრამული კოდი  0600)

მოსახლეობის ჯანმრთელობის დაცვის ხელშეწყობა და მოსახლეობის სოციალური დაცვა მუნიციპალიტეტის ერთ-ერთ მთავარ პრიორიტეტს წარმოადგენს. არსებული რესურსების ფარგლებში გაგრძელდება სოციალურად დაუცველი მოსახლეობის სხვადასხვა დახმარებებით და შეღავათებით უზრუნველყოფა. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს მოსახლეობის დაცვას სხვადასხვა გადამდები და ინფექციური დაავადებებისაგან.

5.1 პროგრამა -ჯანდაცვის პროგრამები (პროგრამული კოდი  0601)

ეპიდზედამხედველობის სახელმწიფო პროგრამა: იმუნიზაცია, გადამდებ და არაგადამდებ დაავადებათა მართვა, პარაზიტოლოგიური დაავადებები, ანტირაბიული - ცოფის საწინააღმდეგო ღონისძიებები. C ჰეპატიტის ელიმინაციის პროგრამა,  პროგრამა ითვალისწინებს  მუნიციპალიტეტის ტერიტორიაზე მცხოვრები მოსახლეობის ჯანმრთელობის დაცვისათვის ღონისძიებების გატარებას, დელეგირებული  საზოგადოებრივი ჯანდაცვის  სახელმწიფო პროგრამების შესრულებას. საზოგადოებრივი ჯანდაცვის ინტეგრირებული პროგრამა ითვალისწინებს გადამდებ დაავადებათა გავრცელების პრევენციას, (ესენია: ,,C” ჰეპატიტი, შიდსი, ტუბერკულოზი,) აღნიშნული პროგრამა მრავალწლიანია,  გამოკვლევები და მკურნალობა  უფასოა ყველა მოქალაქისათვის. 2026 წლის წინასწარი პროგნოზით  ინტეგრირებული კვლევა ჩაუტარდება  მოსახლეობის 95 %- ს. ყველა ვირუს დადასტურებულ პირის  ბიოლოგიური მასალა (პლაზმა)   გაიგზავნება  კონფირმაციული (დამატებით) კვლევისათვის  ლუგარის ლაბორატორიაში.  ვირუსით დაინფიცირებულ პირს უსასყიდლოდ  ჩაუტარდება შესაბამისი მკურნალობა.  ჯანდაცვის პროგრამებში  მუშაობა  სისტემატიურად  აისახება ლოჯისტიკის ელ. მოდულში.   სკოლამდელ და სასკოლო დაწესებულებებში დიდი ყურადღება დაეთმობა სანიტარულ - ჰიგიენური წესების დაცვას.( ხელსაბანები, გამდინარე ცივი და თბილი წყალი,).

პროგრამის მიზანი: აცრებით მოცული იყოს 0-14 წლის ბავშვთა აბსულუტური უმრავლესობა 98%; ბავშვთა ორგანიზებულ დაწესებულებებში( სკოლები, ბაღები) ჰიგიენის ნორმების დაცვა, წყალმომარაგებით და  კანალიზაციით უზრუნველყოფა- ბავშვთა ორგანიზებულ დაწესებულებებში (სკოლები, ბაღები) ჰიგიენის ნორმების დაცვა, წყალმომარაგებით და  კანალიზაციით უზრუნველყოფა-; ანტირაბიული ვაქცინისა და იმუნოგლობულინის შეუფერხებელი მიწოდება ამცრელ დაწესებულებაზე. შეტყობინების მიღებიდან მყისიერი რეაგირება, უკუკავშირი ვეტ სამსახურთან.(ცხოველებზე ვეტ .კონტროლი); რაიონის მოსახლეობის 95% გამოკვლეული იყოს C ჰეპატიტის და შიდსის  ვირუსზე;   საგანმანათლებო შინაარსის შეხვედრები მოსახლეობასთან,   საინფორმაციო ბუკლეტების დარიგება. სეზონური გრიპის საწინააღმდეგო ვაქცინის შემოტანა და  მოსახლეობის ვაქცინაციის ჩატარება გარკვეულ ასაკობრივ ჯგუფებში. ( შშმ პირთა და ხანდაზმულთა სპეციალიზებულ დაწესებულებაში მათი ვაქცინაციის ჩატარება ადგილზე).

პროგრამა კავშირშია მდგრადი განვითარების შემდეგ მიზანათან: SDG 3.

5.2 პროგრამა -სოციალური პროგრამები (პროგრამული კოდი  0602)

პროგრამა ითვალისწინებს მუნიციპალიტეტის ტერიტორიაზე მცხოვრები მოსახლეობის გარკვეული შეღავათებისა და სოციალური დახმარებებით  უზრუნველყოფას. ხანდაზმულთა, მიუსაფართა და სოციალურად დაუცველთა კვებით უზრუნველყოფას, დემოგრაფიული მდგომარეობის გაუმჯობესების მიზნით მრავალშვილიანი ოჯახების დახმარებას, ავადმყოფთა დახმარებას, სხვადასხვა ორგანიზების და ღონისძიებების სუბსიდირებას და სხვა სოციალურ ღონისძიებებს. სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული სარიტუალო ხარჯების ანაზღაურებას, ბავშვთა მხარდაჭერის პროგრამას.

პროგრამის მიზანი:  მუნიციპალიტეტის მოსახლეობის სოციალური მდგომარეობის გაუმჯობესება.

პროგრამა კავშირშია მდგრადი განვითარების შემდეგ მიზანათან: SDG 1, SDG 2, SDG 3.

5.2.1 ქვეპროგრამა -ავადმყოფთა სოციალური დაცვა (პროგრამული კოდი  060201)

ავადმყოფთა სოციალური დაცვის მუხლიდან   გათვალისწინებულია დახმარება საჩხერის მუნიციპალიტეტის  ტერიტორიაზე რეგიტრირებულ მოქალაქეებზე, რომლებიც საჭიროებენ დახმარებას,  კერძოდ: ა) მოქალაქეს, რომელსაც ესაჭიროებათ გეგმიური  და გადაუდებელი სტაციონარულ-ქირურგიული ოპერაცია და სხვა სამედიცინო მომსახურება, მიეცემათ 2000(ორი ათასი) ლარამდე ერთჯერადად,  ხოლო მოქალაქეს, რომელიც რეგისტრირებულია სოციალურად დაუცველთა ერთიან ბაზაში (100001 ნაკლები ქულის მქონე პირი), ასევე შეზღუდული შესაძლებლობის სტატუსის და ვეტერანის სტატუსის მქონე მოქალაქეებს მიეცემათ დახმარება ერთჯერადად, არაუმეტეს 3000 (სამი ათასი) ლარამდე თანხის ოდენობით.  დებულების ამ პუნქტით ვერ ისარგებლებს საჩხერის მუნიციპალიტეტის ტერიტორიაზე რეგისტრირებული მოქალაქე, რომლის წლიური შემოსავალიც აღემატება 40000 (ორმოცი ათასი) ლარს, ასევე მოქალაქე, რომელიც აპირებს სამედიცინო მომსახურება მიიღოს ან უკვე მიიღო იმ დაწესებულებაში, რომელიც გასულია საყოველთაო ჯანდაცვის სახელმწიფო პროგრამიდან.  ბ) მოქალაქეები, რომლებსაც ესაჭიროებათ სხვადასხვა  სახის კვლევა დაფინანსდებიან 1000 (ათასი) ლარამდე, ხოლო  მოქალაქეს, რომელიც რეგისტრირებულია სოციალურად დაუცველთა ერთიან ბაზაში (100001 ნაკლები ქულის მქონე პირი), ასევე შეზღუდული შესაძლებლობის სტატუსის და ვეტერანის სტატუსის მქონე მოქალაქეებს მიეცემათ დახმარება ერთჯერადად, არაუმეტეს 1500 (ათას ხუთასი) ლარამდე თანხის ოდენობით. გ) მოქალაქე, რომლის ჩატარებული ან ჩასატარებელი სამედიცინო მომსახურების ღირებულებიდან დარჩენილია 300 (სამასი) ლარზე ნაკლები თანხა (გარდა მოწყვლადი კატეგორიისა, კერძოდ, სოციალურად დაუცველი (150 000 ქულის ჩათვლით), მრავალშვილიანი ოჯახი, შშმ სტატუსის მქონე პირი, ვეტერანი, მარჩენალდაკარგული, მარტოხელა მშობლის სტატუსის მქონე პირის შვილი, დევნილი) მუნიციპალური სოციალური პროგრამით ვერ ისარგებლებს. დ) მოქალაქეები, რომლებიც თირკმლის უკმარისობის გამო, გადიან დიალიზით მკურნალობის კურსს სხვადასხვა ქალაქში მიეცემათ დახმარება ყოველთვიურად 100 (ასი) ლარის ოდენობით, ხოლო მაღალმთიან დასახლებაში მუდმივად მცხოვრები პირის სტატუსის მქონე მოქალაქეს 150 (ას ორმოცდაათი) ლარის ოდენობით;

ქვეპროგრამის მიზანი: მოსახლეობის სამედიცინო სერვისებზე ხელმისაწვდომობის გაზრდა და პროგრამით მოსარგებლეთა ჯანმრთელობის მდგომარეობის გაუმჯობესების ხელშეწყობა

5.2.2 ქვეპროგრამა -შეზღუდული შესაძლებლობების მქონე პირთა სოციალური დაცვის უზრუნველყოფა (პროგრამული კოდი  060202)

ქვეპროგრამა ითვალისწინებს მუნიციპალიტეტში მცხოვრები შეზღუდული შესაძლებლობის მქონე პირთა სოციალურ დახმარებას.

ქვეპროგრამის მიზანი:  შეზღუდული შესაძლებლობის მქონე მოქალაქეების ფინანსური დახმარება.

5.2.2.1 ღონისძიება -შეზღუდული შესაძლებლობების მქონე პირთა სოციალური დაცვა (პროგრამული კოდი  06020201)

1. საჩხერის მუნიციპალიტეტის ტერიტორიაზე რეგისტრირებულ შეზღუდული შესაძლებლობის სტატუსის მქონე, 0-18 წალამდე არასრულწლოვან მოქალაქეებს წელიწადში ერთჯერადად მიეცემათ 200 (ორასი) ლარი.

2. საჩხერის მუნიციპალიტეტის ტერიტორიაზე რეგისტრირებულ შეზღუდული შესაძლებლობის მქონე პირს, რომელსაც ესაჭიროება ინდივიდუალური დამხმარე საშუალება და რომელიც არ ფინანსდება ან ნაწილობრივ ფინანსდება სახელმწიფო პროგრამის ფარგლებში, მიეცემა დახმარება ერთჯერადად, არაუმეტეს 500 (ხუთასი) ლარამდე ოდენობით.       

3. საჩხერის მუნიციპალიტეტის ტერიტორიაზე რეგისტრირებულ შეზღუდული შესაძლებლობის მქონე  /ეტლით მოსარგებლე, საწოლს მიჯაჭვული/ პირს ჰიგიენური საშუალებებით უზრუნველყოფისთვის მიეცემა დახმარება  წელიწადში ერთჯერადად, არაუმეტეს 500 (ხუთასი) ლარის ოდენობით.

ღონისძიების მიზანი: შეზღუდული შესაძლებლობის მქონე ბავშვთა (0-18 წალამდე არასრულწლოვანთა) ფინანსური დახმარება. შეზღუდული შესაძლებლობის მქონე პირთა მაქსიმალური ინტეგრაცია საზოგადოებაში, წვდომა საზოგადოებრივ სერვისებზე ჰიგიენური საშუალებებით უზრუნველყოფა და მათთვის ადაპტირებული გარემოს ხელმისაწვდომობა.

5.2.2.2 ღონისძიება -საქართველოს ყრუთა კავშირის საჩხერის ფილიალის ხარჯების სუბსიდირება (პროგრამული კოდი  06020202)

საქართველოს ყრუთა კავშირის  საჩხერის ფილიალი ახორციელებს 6-18 წლამდე ბავშვებზე ზრუნვას, აღნიშნულ ფილიალში ამჟამად ირიცხება 15 ბენეფიციარი მათ შორის  12 ბიჭი და 3 გოგო. დღის ცენტრის მიზანია: შშმ პირთა სოციალური ინკლუზიის და ცხოვრების ხარისხის გაზრდის ხელშეწყობა, 6-14 წლამდე ინკლუზიური განათლების ხელშეწყობა.14-18 წლამდე წინარე პროფესიული  მომზადება (მაგალითად სამზარეულოს აქტივობა, ბისერებით მუშაობა, ჩანთების კერვა, სანთლების დამზადება, კინეტიკურ ქვიშაზე მუშაობა და სხვა. ) პროგრამა   ემსახურება და დღის ცენტრის მიზანია 6 დან18 წლამდე ასაკის ბენეფიციართა ფიზიკური, შემეცნებითი და ფსიქოლოგიური სერვისების მიწოდება, რაც უზრუნველყოფს მათ ინტელექტუალურ და შემოქმედებით განვითარებას და სოციალურ ინკლუზიას. დღის ცენტრში ფუნქციონირებს მობილური ჯგუფი, რომელიც დაკომპლექტებულია მულტიდისციპლინალური ჯგუფით: სპეც პედაგოგები, ძიძა, ფსიქოლოგი, ექთანი,  სახელოვნებო მიმართულების სპეციალისტი და თერაპევტი. რომლებიც მუშაობენ შშმ ბენეფიციარებთან. სპეც პედაგოგი და ფსიქოლოგი-ცეკვის თერაპევტი, მუშაობს როგორც ბავშვებთან ასევე მათ მშობლებთან იმ ინდივიდუალური გეგმის მიხედვით რომელიც შედგენილი გვაქვს მშობლების ჩართულობით. სწავლის პროცრსი მიმდინარეობს როგორც თეორიული ცოდნის ათვისების, ასევე შესაბამისი პრაქტიკული სავარჯიშოების განხორციელებით, ბენეფიციარების შესაბამისი უნარების შესაბამისად. დღის ცენტრში განხორციელებულია ინდივიდუალური და გუნდური მუშაობა თითოეულ ბენეფიციართან. ბენეფიციარების ტრიგერების შეფასება ქცევის მართვის პროგრამის დაგეგმვა განხორციელება. ბენეფიციართა ფსიქოლოგიური შეფასება სენსორული და ფუნქციური უნარების განვითარება.

ღონისძიების მიზანი:  სამიზნე ჯგუფის ოჯახების მხარდაჭერა, ყოველდღიური მომსახურება ცენტრის ტრანსპორტით, ორჯერადი კვებით, მათშორის სადილი სამ კომპონენტიანი.

5.2.2.3 ღონისძიება -პერსონალური ასაისტენტის მომსახურებით უზრუნველყოფა (პროგრამული კოდი  06020203)

პერსონალური ასისტენტის მომსახურების პროგრამა ითვალისწინებს შეზღუდული შესაძლებლობის მქონე  პირთა დამოუკიდებელი ცხოვრების უზრუნველსაყოფად, იმ პირთა გადამზადებას, რომლებიც გაივლიან რეგულარული და სპეციალიზირებული ასისტირების ტრენინგს/ჯანდაცვის სამინისტროსთან შეთანხმებული პერსონალური ასისტენტის მოსამზადებელი/ სატრენინგო 82 საათიანი თეორიული და პრაქტიკული კურსით).

ღონისძიების მიზანი:  შეზღუდული შესაძლებლობის მქონე პირთა მაქსიმალური ინტეგრაცია საზოგადოებაში, წვდომა საზოგადოებრივ სერვისებზე და მათთვის ადაპტირებული გარემოს ხელმისაწვდომობა. ამასთანავე შშმ პირებისათვის დამოუკიდებელი ცხოვრების ხარისხის გაუმჯობესება.

5.2.3 ქვეპროგრამა -ომისა და შრომის ვეტერანებზე და მათ ოჯახებზე ფულადი ფორმით გასაცემი დახმარებები (პროგრამული კოდი  060203)

საჩხერის მუნიციპალიტეტის ტერიტორიაზე რეგისტრირებულ ომის მონაწილე  ვეტერანს, რომელიც ასევე არის შეზღუდული შესაძლებლობის სტატუსის მქონე მიეცემა დახმარება ერთჯერადად 200 (ორასი) ლარის ოდენობით.   

ქვეპროგრამის მიზანი:  ომის მონაწილე ვეტერანთა, ასევე შეზღუდული შესაძლებლობის სტატუსის მქონე ვეტერანების მხარდაჭერა.

5.2.4 ქვეპროგრამა -ოჯახებისა და ბავშვების სოციალური დაცვა (პროგრამული კოდი  060204)

1.საჩხერის მუნიციპალიტეტის ტერიტორიაზე რეგისტრირებულ მოქალაქეს, რომელსაც შეეძინება მეოთხე ან/და მეხუთე შვილი (0-18 წლის ჩათვლით) მიეცემა დახმარება ერთჯერადად 300 (სამასი) ლარის ოდენობით, ხოლო მეექვსე და მეტი შვილის შეძენის შემთხვევაში (0-18 წლის ჩათვლით), 1000 (ათასი) ლარის ოდენობით. 2.  საჩხერის მუნიციპალიტეტის ტერიტორიაზე  რეგისტრირებულ ხანდაზმულს (100 წელი და ზევით) მიეცემა დახმარება  ერთჯერადად  1000 (ათასი)  ლარის ოდენობით. 3. აკრედიტირებულ უმაღლეს სასწავლებელში სწავლის საფასურის თანადაფინანსება ხდება 700 (შვიდასი) ლარამდე ოდენობით და ერთჯერადად გაეწევათ დახმარება: დედით ან მამით ობოლ, მარტოხელა მშობლის სტატუსის მქონე, მრავალშვილიან ოჯახში მცხოვრებ (4 და მეტი შვილი, 20 წლის ჩათვლით), სოციალურად დაუცველ ოჯახში მცხოვრებ (რომელთაც აქვთ მინიჭებული 100 000 ჩათვლით სარეიტინგო ქულა), საქართველოს ოკუპირებული ტერიტორიიდან იძულებით გადაადგილებული მშობლის და  შეზღუდული შესაძლებლობის სტატუსის მქონე მშობლის სტუდენტებს, ხოლო  შეზღუდული შესაძლებლობის სტატუსის მქონე სტუდენტი დაფინანსდება 1000 (ათასი) ლარამდე ოდენობით. 4.. საჩხერის მუნიციპალიტეტის ტერიტორიაზე რეგისტრირებულ და მუდმივად მცხოვრებ ოჯახებს, რომლებიც ცხოვრობენ სიცოცხლისათვის საფრთხის შემცველ მძიმე საცხოვრებელ პირობებში, იმყოფებიან სოციალურად დაუცველთა ერთიან ბაზაში (100001 ნაკლები ქულის მქონე ოჯახი), არ აქვთ ალტერნატიული საცხოვრებელი ფართი და საკუთარი სახსრებით ეწევიან საცხოვრებელი სახლის აღდგენა-გამაგრებით სამუშაოებს, საცხოვრებელი პირობების გაუმჯობესების მიზნით მიეცემათ დახმარება ერთჯერადად არაუმეტეს 5000 (ხუთი ათასი) ლარამდე ოდენობით. 5. საჩხერის მუნიციპალიტეტის ტერიტორიაზე რეგისტრირებულ მოქალაქეს განსაკუთრებულ  შემთხევაში,  მიეცემა დახმარება ერთჯერადად, არაუმეტეს  5000 (ხუთი ათასი)  ლარამდე ოდენობით. 6. ჩერნობილის ატომური ელექტროსადგურის საერთაშორისო დღესთან დაკავშირებით, ჩერნობილის ატომური ელექტროსადგურის ავარიის მონაწილეზე, რომელიც რეგისტრირებულია საჩხერის სოციალური მომსახურების სააგენტოში გაიცემა დახმარება ერთჯერადად 200 (ორასი) ლარის ოდენობით.

ქვეპროგრამის მიზანი: მრავალშვილიან, ასწლოვან, სოციალურად დაუცველ ოჯახთა დახმარება, ასევე სტუდენტთა თანადაფინანსება, ჩერნობილელთა დახმარება.

5.2.5 ქვეპროგრამა -მარჩენალდაკარგულ პირთა სოციალური დაცვა (პროგრამული კოდი  060205)

საჩხერის მუნიციპალიტეტის ტერიტორიაზე რეგისტრირებულ დედით ან მამით ობოლ არასრულწლოვან მოქალაქეს მიეცემა დახმარება ერთჯერადად თითოეულ ბავშვზე 200 (ორასი) ლარის ოდენობით. 2. საჩხერის მუნიციპალიტეტის ტერიტორიაზე რეგისტრირებულ მარტოხელა მშობლის სტატუსის მქონე მოქალაქეს მიეცემა დახმარება ერთჯერადად 200 (ორასი) ლარის ოდენობით. 

ქვეპროგრამის მიზანი:  მარჩენალგარდაცვლილი ოჯახების და მარტოხელა მშობლების ფინანსური დახმარება.

5.2.6 ქვეპროგრამა -  უფასო სასადილოს დაფინანსება (პროგრამული კოდი  060206)

საჩხერის მუნიციპალიტტეის ტერიტორიაზე რეგისტრირებულ სოციალურად შეჭირვებულ მოქალაქეს „უფასო  სადილით“ უზრუნველყოფის მიზნით გაეწევა დახმარება და დღეში ერთჯერადად მიეცემათ უფასო სადილი (მენიუს  შესაბამისად), საჭიროების შემთხვევაში ბინაზე მიტანით.

ქვეპროგრამის მიზანი: სოციალურად შეჭირვებული ბენეფიციარების  ,,უფასო სადილით“ მომსახურება.

5.2.7 ქვეპროგრამა -  სარიტუალო ხარჯები (პროგრამული კოდი  060207)

1. მუნიციპალიტეტის ბიუჯეტიდან ანაზღაურდება შემდეგი სახის სარიტუალო მომსახურება 500  ლარის ოდენობით:  ა) საქართველოს ტერიტორიული მთლიანობისათვის მებრძოლ ვეტერანთა სარიტუალო  მომსახურება;     

ბ) სხვა ქვეყნის ტერიტორიაზე მებრძოლ ვეტერანთა სარიტუალო მომსახურება;

გ) მეორე მსოფლიო ომის მონაწილე ვეტერანთა სარიტუალო მომსახურება.

2. მუნიციპალიტეტის ბიუჯეტიდან ანაზღაურდება მოვლა-პატრონობის გარეშე დარჩენილი მიცვალებულთა სარიტუალო მომსახურება 500 (ხუთასი) ლარის ოდენობით.

ქვეპროგრამის მიზანი:   პროგრამით მოსარგებლე ოჯახების  მხარდაჭერა.   

5.2.8 ქვეპროგრამა -  საჩხერე-პერევის და პერევი-საჩხერის საავტობუსო რეისების სუბსიდირება (პროგრამული კოდი  060208)

საჩხერის მუნიციპალიტეტის საზღვრისპირა სოფლების მოსახლეობის საჩხერე-პერევი, პერევი-საჩერის მიმართულებით ხორციელდება სოფლების პერევის და ქარძმანის მცხოვრები მოქალაქეებისათვის უფასო ტრანსპორტით  მომსახურება. პერევის მიმართულებით ემსახურება 2 მძღოლი მიკრო ავტობუსთ კვირაში 4 მარშუტი. სოფელ ქარძმანის მიმართულებით ემსახურება 1 მძღოლი მიკრო ავტობუსით კვირაში 3 მარშუტი.

ქვეპროგრამის მიზანი:  საზღვრისპირა სოფლების მოსახლეობის  უფასო ტრანსპორტით  მომსახურება.

5.2.9 ქვეპროგრამა -სტიქიური უბედურების შედეგად დაზარალებული მოსახლეობის დახმარება (პროგრამული კოდი  060209)

საჩხერის  მუნიციპალიტეტის  ტერიტორიაზე  რეგისტრირებულ მოქალაქეს, რომელსაც  სტიქიური  უბედურების/ხანძრის შედეგად  დაეწვა  საცხოვრებელი  სახლი, მიეცემა დახმარება  10000  (ათი ათასი)  ლარამდე თანხის ოდენობით.

ქვეპროგრამის მიზანი:  ხანძრის შედეგად დაზარალებული მოქალაქეების მაქსიმალური მხარდაჭერა.

5.2.10 ქვეპროგრამა -საცხოვრებლით უზრუნველყოფა (პროგრამული კოდი  060210)

1. საჩხერის მუნიციპალიტეტის ტერიტორიაზე რეგისტრირებულ მოქალაქეს, რომელსაც არ აქვს თავშესაფარი, საცხოვრებლით უზრუნველყოფის მიზნით, ბინის დაქირავებისათვის მიეცემა დახმარება  250 ლარამდე  ოდენობით.

2. სტიქიური მოვლენების შედეგად დაზარალებულ და გადაადგილებას დაქვემდებარებულ, საჩხერის მუნიციპალიტეტის ტერიტორიაზე რეგისტრირებულ ოჯახებს (ეკომიგრანტებს) ბინის დაქირავებისათვის მიეცემათ დახმარება ყოველთვიურად 600 ლარამდე თანხის ოდენობით (თანხის ოდენობა განისაზღვრება სამუშაო ჯგუფის მიერ ოჯახში ფაქტობრივად მცხოვრებ წევრთა რაოდენობის მიხედვით). ბინის დაქირავება მოქალაქემ უნდა უზრუნველყოს მუნიციპალიტეტის იმ ადმინისტრაციულ ერთეულში, სადაც თვითონ არის რეგისტრირებული, გარდა ისეთი გამონაკლისისა, როდესაც კონკრეტულ ადმინისტრა-ციულ ერთეულში ფიზიკურად არ მოიძებნება გასაქირავებელი ფართი. ეკომიგრანტ ოჯახებზე, მუნიციპალიტეტის მიერ ბინის დაქირავებისათვის დახმარების მიცემა განხორციელდება, დევნილთა, ეკომიგრანტთა და საარსებო წყაროებით უზრუნველყოფის სააგენტოს მიერ  დადებითი გადაწყვეტილების მიღებიდან 6 თვის განმავლობაში.

ქვეპროგრამის მიზანი:  თავშესაფრის არმქონე ოჯახების და ეკომიგრანტთა დახმარება-ბინით უზრუნველყოფა.

5.2.11 ქვეპროგრამა  -ბავშვთა მხარდაჭერის პროგრამა (პროგრამული კოდი  060211)

საჩხერის მუნიციპალიტეტის ტერიტორიაზე რეგისტრირებულ და მუდმივად მცხოვრებ ბავშვიან ოჯახს, რომელიც ცხოვრობს სოციალური საფრთხის წინაშე და ესაჭიროება დაცვა, მხარდაჭერა და გაძლიერება, ბავშვისა და ოჯახის სოციალური მუშაკის შეფასების დოკუმენტის ინტერდისციპლინარული განხილვის საფუძველზე შედგენილი სამოქმედო გეგმის შესაბამისად განსაზღვრულ ოჯახს, მიეცემა დახმარება ერთჯერადად   არაუმეტეს 3000 (სამიათასი) ლარამდე  ოდენობით.

ქვეპროგრამის მიზანი: სოციალურად დაუცველ ოჯახთა, (სარეიტინგო ქულა 120000-ის ჩათვლით) მარჩენალდაკარგულთა /მშობლის /მშობლების /მეურვის /მარტოხელა მშობლის/მარჩენალგარდაცვლილთა/,  ავადმყოფთა, მძიმე სოციალურ და ეკონომიკურ პირობებში მცხოვრებთა, შეზღუდული შესაძლებლობის სტატუსის მქონე ბავშვთა (0-18 წლის ჩათვლით), მრავალშვილიანთა (0-18 წლის ჩათვლით) და ძალადობის მსხვერპლთა  გაძლიერების მიზნით დახმარება.

5.3 პროგრამა -ინტეგრირებული დღის ცენტრი (პროგრამული კოდი  0604)

საქართველოს წითელი ჯვრის საზოგადოება და მისი  ფილიალი საჩხერეში თავისი პრიორიტეტებიდან და განსაზღვრული მანდატიდან გამომდინარე ცდილობს წვლილი შეიტანოს მოსახლეობის სოციალური მდგომარეობის გაუმჯობესებაში ადგილობრივ ხელისუფლებასთან  მჭიდრო თანამშრომლობით, რისთვისაც ის თავის რესურსსა და გამოცდილებას იყენებს მოსახლეობის  კეთილდღეობისა და ღირსეული გარემოს შექმნისათვის.

საქართველოს წითელი ჯვრის საზოგადოების საჩხერის ფილიალი მრავალი წელია აქტიურად ახორციელებს მოწყვლადი ჯგუფების სოციალურ მხარდაჭერასა და კატასტროფების რისკის შემცირების შესაძლებლობების გაზრდაზე  ორიენტირებულ  საქმიანობებს. იგი ასევე მუშაობს ახალგაზრდების გაძლიერების და მოხალისეთა ინიციციატივების განვითარების მიმართულებით, კვალიფიციურ მოხალისეთა  ქსელის საშუალებით  აწვდის  სხვადასხვა სახის სერვისებს დაუცველ ჯგუფებს და აქტიურად და მჭიდროდ თანამშრომლობს ადგილობრივ ხელისუფლებასთან.  თვალსაჩინო და ხელშესახებია სარგებელი როგორც მიზნობრივი ჯგუფებისათვის, ასევე მთლიანად თემის წევრებისათვის. სასწავლო ტრენინგ მოდულებისა და კვალიფიციური ტრენერების არსებობა საქართველოს წითელი ჯვრის საზოგადოებას საერთაშორისო პარტნიორებთან ერთად საშუალებას აძლევს განახორციელოს როგორც თემის წევრების სწავლება, ასევე მოახდინოს სათანადო რეაგირება საჭიროებებზე და გამოწვევებზე დაყრდნობით. 

პროექტი საშუალებას მისცემს თემს შეისწავლოს და პრაქტიკაში გამოიყენოს  ის  ცოდნა და გამოცდილება, რომელსაც წითელი ჯვრის საზოგადოება გადასცემს თემის წევრებს  თავის პარტნიორებთან ერთად.   თემის წევრებს  მიღებული ცოდნა და გამომუშავებული უნარ-ჩვევები საშუალებას მისცემს უსაფრთხო და სტაბილური თემების ჩამოყალიბებაში, რომელსაც შესწევს უნარი ადგილობრივ ხელისუფლებასთან და საჩხერის წითელი ჯვრის გუნდთან კოორდინირებაში მოახდინონ  კატასტროფების მიმართ მოწყვლადობის რისკის შემცირება და გაუმკლავდნენ ადგილზე წარმოქმნილ სხვადასხვა ტიპის გამოწვევებს, მათ შორის ჯანდაცვაზე და სოციალურ კეთილდღეობაზე ხელმისაწვდომობის გაზრდით.  შეთავაზებული პროექტის განხორციელებით, საქართველოს წითელი ჯვრის საზოგადოებას და საჩხერის ფილიალს შეუძლია მნიშვნელოვანი როლი შეასრულოს კატასტროფებისადმი მოწყვლადი ჯგუფების, ახალგაზრდების, ხანდაზმულების და მთლიანად თემის  ჯანმრთელობისა და ცხოვრების პირობების გაუმჯობესებასა და შენარჩუნებაში, მათ გაძლიერებასა და მათივე  პრობლემების  ადვოკატირებაში. მობილიზებული პარტნიორები, თემის წევრები და სერვისების მიწოდებასა და განხორციელებაში გაწრთვნილი მოხალისეები კი არის შეთავაზებული პროექტის წარმატებით შესრულების გარანტი.

პროგრამის მიზანი:  უსაფრთხო თემების ჩამოყალიბების/განვითარების ხელშეწყობა კატასტროფებისთვის მზადებით, ჯანდაცვაზე ხელმისაწვდომობის გაზრდითა და სოციალური მხარდაჭერით.   ჩამოყალიბებულია კარგად ფუნციონირებადი ინტერგრირებულ საქმიანობათა ცენტრი,რომელიც ემსახურება საზოგადოებაში ხანდაზმულთა ინტეგრაციასა და სოციალური იზოლაციის რღვევას  და ფუნქციონირებს პერსონალის, მოხალისეებისა და ბენეფიციარების თანამონაწილეობით. ახორციელებენ საკუთარი შესაძლებლობების რეალიზებას  და უნარ-ჩვევების განვითარებას; მათ ასევე რეგულარულად მიეწოდებათ ინფორმაცია თავიანთ უფლებებსა და შეღავათებზე.

ჩამოყალიბებულია საქმიანობათა ჯგუფები, რომელთა მართვა ხორციელდება  ჯგუფის ლიდერების მიერ. ტარდება რეგულარული ტრენინგები და წამახალისებელი ღონისძიებები  მოხალისეთათვის. შერჩეული,  გადამზადებული და აღჭურვილია მოხალისეთა  მობილური ჯგუფი კატასტროფებზე სწრაფი და ეფექტური რეაგირებისათვის.

კვალიფიციური  მოხალისეები ახორციელებენ  რეგულარულ ვიზიტებს ბინაზე უმწეო ხანდაზმულთათვის უსაფთხო გარემოსა და ცხოვრების ხარისხის შენარჩუნების მიზნით.

მუხლი 18. მმართველობა და საერთო დანიშნულების ხარჯი

პრიორიტეტი მოიცავს ისეთ ღონისძიებებს, რომლებიც ადმინისტრაციული ხასიათისაა და ხელს უწყობს სისტემის გამართულ ფუნქციონირებას, როგორიცაა მუნიციპალიტეტის მერიის სტრუქტურული ერთეულების, მუნიციპალიტეტის საკრებულოს აპარატის შენახვის ხარჯები, მათ შორის: შრომის ანაზღაურება, საქონელი და მომსახურება და სხვა. ასევე, მოიცავს ბიუჯეტის სარეზერვო ფონდს, წინა წლებში წარმოქმნილი ვალდებულებების დაფარვა და სასამართლო გადაწყვეტილებების აღსრულების ფინანსური უზრუნველყოფა, მუნიციპალიტეტის ვალდებულებების მომსახურება და დაფარვა. ქვეპროგრამის ფარგლებში დაგეგმილია მუნიციპალური განვითარების ფონდიდან მიღებული სესხის პროცენტისა და ძირი თანხების დაფარვა, კერძოდ "საქართველოს მყარი ნარჩენების მართვის პროექტის" ქონების გადაცემის ხელშეკრულების ფარგლებში გადასახდელი ძირი და  დარიცხული  საპროცენტო თანხის გადახდა საქართველოს ეროვნული ბანკის მიერ დადგენილი რეფინანსირების განაკვეთის ცვლილების შესაბამისად.

მმართველობა და საერთო დანიშნულების ხარჯის პრიორიტეტის დაფინანსებისათვის განისაზღვროს 7806.5 ათასი ლარი. მმართველობა და საერთო დანიშნულების ხარჯის  პრიორიტეტის ფარგლებში დაფინანსებული პროგრამების და ქვეპროგრამების მიზნები და მოსალოდნელი შედეგები განისაზღვროს შემდეგი რდაქციით:

ათას ლარში

6. მმართველობა და საერთო დანიშნულების ხარჯი (პროგრამული კოდი  0100)

პრიორიტეტის ფარგლებში განხორციელდება საკანონმდებლო და აღმასრულებელი ხელისუფლების საქმიანობის უზრუნველყოფის დაფინანსება. ამავე პრიორიტეტიდან ფინანსდება საერთო დანიშნულების ხარჯები, როგორიცაა სარეზრვო ფონდი; წინა წლებში წარმოქმნილი ვალდებულებების დაფარვა და სასამართლოს გადაწყვეტილებების აღსრულების ფინანსური უზრუნველყოფა; მუნიციპალიტეტის ვალდებულბებების (სესხები) მომსახურება და დაფარვა; ქალთა და ბავშვთა საკითხებზე მომუშავე მუნიციპალური საბჭო.

პრიორიტეტი კავშირშია მდგრადი განვითარების შემდეგ მიზანათან: SDG 5, SDG 16.

მუხლი 19. პრიორიტეტების /პროგრამების/ ქვეპროგრამების მიღწეული შედეგის შეფასების ინდიკატორები

ბიუჯეტით განსაზღვრული პრიორიტეტებით/პროგრამებით/ქვეპროგრამებით/ღონისძიებებით მიღწეული შედეგის შეფასების ინდიკატორები ინფორმაციული სახით წარმოდგენილია ბიუჯეტზე თანდართულ ბიუჯეტის პროგრამულ დანართში.

თავი III. საჩხერის მუნიციპალიტეტის ბიუჯეტის ასიგნებები

მუხლი 20. მუნიციპალიტეტის ბიუჯეტის ასიგნებები

ბიუჯეტის ასიგნებები განისაზღვროს შემდეგი რედაქციით:

ათას ლარში