სსიპ – საქართველოს სახელმწიფო უსაფრთხოების სამსახურის სასწავლო ცენტრის სსიპ − სახელმწიფო უსაფრთხოების აკადემიად გარდაქმნის შესახებ

2. უსაფრთხოების აკადემია განისაზღვროს სასწავლო ცენტრის უფლებამონაცვლედ. 

3. საქართველოს სახელმწიფო უსაფრთხოების სამსახურმა განახორციელოს უსაფრთხოების აკადემიის სახელმწიფო კონტროლი.

4. საქართველოს სახელმწიფო უსაფრთხოების სამსახურმა, უსაფრთხოების აკადემიის წარდგინებით, „უმაღლესი განათლების შესახებ“ საქართველოს კანონით დადგენილი წესით, საქართველოს განათლების, მეცნიერებისა და ახალგაზრდობის სამინისტროს დასკვნის გათვალისწინებით, უზრუნველყოს უსაფრთხოების აკადემიის წესდების დამტკიცება.

5. უსაფრთხოების აკადემიის ხელმძღვანელს, „უმაღლესი განათლების შესახებ“ საქართველოს კანონისა და უსაფრთხოების აკადემიის წესდების  შესაბამისად, თანამდებობაზე ნიშნავს და თანამდებობიდან ათავისუფლებს საქართველოს სახელმწიფო უსაფრთხოების სამსახურის უფროსი.

6. უსაფრთხოების აკადემიას ენიჭება უფლებამოსილება, სახელმწიფო უსაფრთხოების უმაღლესი საგანმანათლებლო დაწესებულების სტატუსის მოპოვების მიზნით, მიმართოს საჯარო სამართლის იურიდიულ პირს − განათლების ხარისხის განვითარების ეროვნულ ცენტრს.

7. სასწავლო ცენტრის საბალანსო მონაცემების მიხედვით, არსებული აქტივები, მათ შორის, სასწავლო ცენტრის ბალანსზე რიცხული ქონება, მიმდინარე ვალდებულებები და სამსახურებრივი დოკუმენტაცია გადაეცემა უსაფრთხოების აკადემიას, აგრეთვე სსიპ – საქართველოს სახელმწიფო უსაფრთხოების სამსახურის სასწავლო ცენტრისთვის 2026 წლის სახელმწიფო ბიუჯეტით გათვალისწინებული ასიგნებებიდან მოხდება უსაფრთხოების აკადემიის დაფინანსება.

8. სასწავლო ცენტრის უსაფრთხოების აკადემიად გარდაქმნასთან დაკავშირებული სხვა ღონისძიებები განხორციელდეს გონივრულ ვადებში.

9.  „ნორმატიული აქტების შესახებ“ საქართველოს ორგანული კანონის   25-ე მუხლის შესაბამისად, ძალადაკარგულად გამოცხადდეს „სსიპ – საქართველოს სახელმწიფო უსაფრთხოების სამსახურის სასწავლო ცენტრის დაფუძნების შესახებ“ საქართველოს მთავრობის 2020 წლის 22 ოქტომბრის №644 დადგენილება.