საგარეჯოს მუნიციპალიტეტის მოსახლეობის სოციალური დახმარების 2026 წლის პროგრამის დამტკიცების შესახებ

საგარეჯოს მუნიციპალიტეტის მოსახლეობის სოციალური დახმარების პროგრამა.

მუხლი 2. პროგრამის განხორციელების ვადა

პროგრამის განხორციელების ვადა განისაზღვრება 2026 წლის 1 იანვრიდან 2026 წლის 31 დეკემბრის ჩათვლით.

მუხლი 3. პროგრამის ბიუჯეტი

პროგრამის ბიუჯეტი შეადგენს 3 505 800 ლარს.

მუხლი 4. პროგრამის დაფინანსების წყარო

პროგრამის დაფინანსება ხორციელდება საგარეჯოს მუნიციპალიტეტის ადგილობრივი ბიუჯეტიდან.

მუხლი 5. სოციალური დახმარების სამიზნე ჯგუფები და დახმარების გაცემის წესი

1. პირველი და მეორე ახალდაბადებული ბავშვიანი, სოციალურად დაუცველი ოჯახების დახმარების პროგრამა (კოდი 06 02 01 01)

დახმარება გაიცემა პირველ და მეორე ახალშობილზე 500 (ხუთასი) ლარი, მესამე ბავშვზე 550 (ხუთასორმოცდაათი) ლარი ერთჯერადად (დახმარების მიმღებია პირველი, მეორე და მესამე შვილი, ტყუპების შეძენის შემთხვევაში დახმარებით ისარგებლებს ორივე ტყუპისცალი.) დახმარების მიმღები ოჯახი რეგისტრირებული და ფაქტობრივად მცხოვრები უნდა იყოს საგარეჯოს მუნიციპალიტეტის ტერიტორიაზე, გააჩნდეს სსიპ სოციალური მომსახურების სააგენტოს მიერ მინიჭებული სარეიტინგო ქულა 150 000-ის ჩათვლით, ან მაღალმთიან დასახლებაში მუდმივად მცხოვრების სტატუსი.

პროგრამით სარგებლობისათვის წარმოსადგენი დოკუმენტაცია:

ა) მაღალმთიან დასახლებაში მუდმივად მცხოვრები პირის სტატუსის ცნობა ან ქულების ამონაწერი სოციალური მომსახურების სააგენტოდან.

ბ)დაბადების მოწმობის ასლი.

გ)განმცხადებლის პირადობის მოწმობის ასლი.

დ)ანგარიშის ამონაწერი ბანკიდან.

2. მრავალშვილიანი ოჯახების დახმარების პროგრამა (კოდი 06 02 01 02)

საგარეჯოს მუნიციპალიტეტის ტერიტორიაზე რეგისტრირებულ მრავალშვილიან ოჯახებს მიეცემათ 1000 ლარიანი დახმარება, რომლებსაც ჰყავთ 4 და მეტი შვილი და ერთი მაინც არის 18 წლამდე ასაკის.

დახმარების მიმღები ოჯახი რეგისტრირებული უნდა იყოს საგარეჯოს მუნიციპალიტეტის ტერიტორიაზე, გააჩნდეს სსიპ სოციალური მომსახურების სააგენტოს მიერ მინიჭებული სარეიტინგო ქულა 150 000-ის ჩათვლით ან მაღალმთიან დასახლებაში მუდმივად მცხოვრების სტატუსი.

პროგრამით სარგებლობისათვის წარმოსადგენი დოკუმენტაცია:

ა) მრავალშვილიანი მშობლის სტატუსის ცნობა.

ბ) ქულების ამონაწერი სოციალური მომსახურების სააგენტოდან ან მაღალმთიან დასახლებაში მუდმივად მცხოვრები პირის სტატუსის ცნობა.

გ) დაბადების მოწმობის ასლები.

დ) განმცხადებლის პირადობის მოწმობის ასლი.

ე) ანგარიშის ამონაწერი ბანკიდან.

3. ბავშვთა კვების პროგრამა (06 02 01 03)

სიღარიბის ზღვარს მიღმა კრიზისულ მდგომარეობაში მყოფი და სოციალურად დაუცველი ოჯახების მონაცემთა ბაზაში რეგისტრირებული 65 000-ის ჩათვლით სარეიტინგო ქულის მქონე ოჯახების ერთ წლამდე ასაკის ბავშვებს, რომელთა სიცოცხლეს და ნორმალურ ზრდა განვითარებას მძიმე ეკონომიური მდგომარეობის გამო ემუქრება საფრთხე, სსიპ სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების კვების პროგრამაში ჩართვამდე დაუფინანსდებათ 150 ლარამდე თანხა. სოციალურად დაუცველი ოჯახების მონაცემთა ბაზაში რეგისტრირებული 65 000-დან 120 000 -მდე სარეიტინგო ქულის მქონე ოჯახების ერთ წლამდე ასაკის ბავშვებს, რომელთა სიცოცხლეს და ნორმალურ ზრდა განვითარებას მძიმე ეკონომიური მდგომარეობის გამო ემუქრება საფრთხე, ყოველთვიურად დაუფინანსდებათ 150 ლარი. ფენილკეტონურიით ან სხვა იშვიათი დაავადების მქონე პირთა და შშმ პირთა სპეციალიზირებული საკვებით დახმარება, დახმარება გაიცემა ლიმიტის ამოწურვამდე 500 ლარამდე თანხით.

პროგრამით სარგებლობისათვის წარმოსადგენი დოკუმენტაცია:

ა) ჯანმრთელობის მდგომარეობის შესახებ ცნობის (ფორმა-N IV-100/ა) და ანგარიშფაქტურა.

ბ) ქულების ამონაწერი სოციალური მომსახურების სააგენტოდან ან შშმ პირის ცნობა.

გ) დაბადების მოწმობის ასლი.

დ) განმცხადებლის პირადობის მოწმობის ასლი.

4. უდედმამო ბავშვების დახმარების პროგრამა (06 02 01 04)

ა) უდედმამო 18 წლამდე ბავშვებზე დახმარების გაცემა 100 ლარის ოდენობით ყოველთვიურად მთელი წლის განმავლობაში.

ბ) დედით ან მამით ობოლ 18 წლამდე ბავშვებზე დახმარების გაცემა ერთჯერადად 500 ლარის ოდენობით, დახმარების მიმღები ოჯახი რეგისტრირებული უნდა იყოს საგარეჯოს მუნიციპალიტეტის ტერიტორიაზე და გააჩნდეს სსიპ სოციალური მომსახურების სააგენტოს მიერ მინიჭებული სარეიტინგო ქულა 150 000-ის ჩათვლით ან მაღალმთიან დასახლებაში მუდმივად მცხოვრების სტატუსი.

გ) პროგრამით სარგებლობისათვის წარმოსადგენი დოკუმენტაცია

გ.ა) მეურვეობის დამადასტურებელი ცნობა.

გ.ბ) ქულების ამონაწერი სოციალური მომსახურების სააგენტოდან ან მაღალმთიან დასახლებაში მუდმივად მცხოვრების სტატუსის ცნობა.

გ.გ) დაბადების მოწმობის ასლები.

გ.დ) განმცხადებლის პირადობის მოწმობის ასლი.

გ.ე) ანგარიშის ამონაწერი ბანკიდან.

გ.ვ) მშობლის გარდაცვალების მოწმობა.

5. შშმ. 18 წლამდე ბავშვთა დახმარების პროგრამა (06 02 01 05)

შეზღუდული შესაძლებლობის მქონე 18 წლამდე ბავშვებზე დახმარების გაცემა მოხდება 100 ლარის ოდენობით ყოველთვიურად.

პროგრამით სარგებლობისათვის წარმოსადგენი დოკუმენტაცია

ა) შეზღუდული შესაძლებლობის მქონე პირის სტატუსის ცნობა.

ბ) დაბადების მოწმობის ასლი.

გ) განმცხადებლის პირადობის მოწმობის ასლი.

დ) ანგარიშის ამონაწერი ბანკიდან.

6. შშმ. პირის სტატუსის მქონე ბენეფიციართა სარეაბილიტაციო კურსის დაფინანსების პროგრამა (06 02 01 06)

ა) შეზღუდული შესაძლებლობის მქონე პირთა, 18 წლამდე შშმ ბავშვთა და დაავადებათა საერთაშორისო კლასიფიკატორის ICD10 გონებრივი ჩამორჩენილობისა F70-F79), ფსიქიკური განვითარების დარღვევევბი F80-F89, ბავშვთა და მოზარდთა ასაკში დაწყებული ქცევითი და ემოციური აშლილობა F90-F99 ჯგუფის დიაგნოზის მქონე ბავშვებისთვის რეაბილიტაციის თანხის დაფინანსება 500-დან -1000 ლარამდე.

ბ) შეზღუდული შესაძლებლობის მქონე ბავშვების და 18 წლამდე მოზარდების სანატორიულ-კურორტული და ბალნეოლოგიური მომსახურების დაფინანსება 500 ლარამდე თანხით. დახმარების მიმღები ოჯახი რეგისტრირებული უნდა იყოს საგარეჯოს მუნიციპალიტეტის ტერიტორიაზე და გააჩნდეს სსიპ სოციალური მომსახურების სააგენტოს მიერ მინიჭებული სარეიტინგო ქულა 120 000-ის ჩათვლით. პროგრამის მოსარგებლეებზე ერთი კალენდარული წლის განმავლობაში გაიცემა ერთი დახმარება. სერვისის მიწოდებისთვის ასანაზღაურებელი თანხა, არ უნდა აღემატებოდეს საკურორტო მომსახურების ღირებულებას.

გ) სოციალურად დაუცველი ოჯახის ბავშვთა სამკურნალო რეაბილიტაცია დაფინანსება 400 ლარით. დახმარების მიმღები ოჯახი რეგისტრირებული უნდა იყოს საგარეჯოს მუნიციპალიტეტის ტერიტორიაზე და გააჩნდეს სსიპ სოციალური მომსახურების სააგენტოს მიერ მინიჭებული სარეიტინგო ქულა 150 000-ის ჩათვლით.

დ) შშმ პირების დასაქმების და საზოგადოებაში ინტეგრაციის ხელშეწყობის მიზნით, სასწავლო კურსის დაფინანსება 1000 ლარამდე თანხით.

ე) შეზღუდული შესაძლებლობის მქონე უსინათლო პირების დახმარების გაცემა მოხდება 100 ლარის ოდენობთ ყოველთვიურად.

ვ) „ა“,“ბ“ „გ“ და „დ“ ქვეპუნქტებით გათვალისწინებული პროგრამით სარგებლობისათვის წარმოსადგენი დოკუმენტაცია:

ვ.ა) ჯანმრთელობის მდგომარეობის შესახებ ცნობის (ფორმა-N IV-100/ა) და ანგარიშფაქტურა.

ვ.ბ) ქულების ამონაწერი სოციალური მომსახურების სააგენტოდან.

ვ.გ) დაბადების მოწმობის ასლი.

ვ.დ) განმცხადებლის პირადობის მოწმობის ასლი.

ვ.ე) შეზღუდული შესაძლებლობის მქონე პირის სტატუსის ცნობა.

ვ.ვ)ანგარიშის ამონაწერი ბანკიდან.

ვ.ზ) წინასწარი ინვოისი სასწავლო დაწესებულებიდან.

ზ) სახელმწიფო პროგრამაში ჩართული ბავშვთა რეაბილიტაცია/აბილიტაციის ქვეპროგრამის მიმწოდებელი ააიპ რეაბილიტაციის ცენტრი „სინერგია 2019“ -ის კომუნალური ხარჯები დაფინანსდება 2000 ლარით.

თ) სახელმწიფო პროგრამაში ჩართული ბავშვთა ქვეპროგრამის მიმწოდებლად რეგისტრირებული ააიპ „გეორგიანელი“-ს ტრანსპორტირების ხარჯების დაფინანსდება 20000 ლარით.

ი) კლინიკა „ლაიფი“-ის ბაზაზე არსებული შშმ პირთა სათემო ორგანიზაციის კომუნალური ხარჯების დაფინანსება 20000 ლარით.

7. მარტოხელა სტატუსის მქონე მშობლების დახმარების პროგრამა (კოდი 06 02 01 07)

საგარეჯოს მუნიციპალიტეტის ტერიტორიაზე რეგისტრირებული მარტოხელა მშობლის სტატუსის მქონე პირების ერთჯერადი 500 ლარიანი დახმარება. (ვისაც ყავს 18 წლამდე შვილი ან შვილები) დახმარების მიმღები ოჯახი რეგისტრირებული უნდა იყოს საგარეჯოს მუნიციპალიტეტის ტერიტორიაზე და გააჩნდეს სსიპ სოციალური მომსახურების სააგენტოს მიერ მინიჭებული სარეიტინგო ქულა 150 000-ის ჩათვლით.

პროგრამით სარგებლობისათვის წარმოსადგენი დოკუმენტაცია:

ა) მარტოხელა მშობლის სტატუსის ცნობა.

ბ) ქულების ამონაწერი სოციალური მომსახურების სააგენტოდან.

გ) დაბადების მოწმობის ასლები.

დ) განმცხადებლის პირადობის მოწმობის ასლი.

ე) ანგარიშის ამონაწერი ბანკიდან.

8. რეინტეგრირებული ოჯახების ერთჯერადი სოციალური (ფულადი) დახმარების პროგრამა 06 02 01 08)

ა) საგარეჯოს მუნიციპალიტეტის ტერიტორიაზე რეგისტრირებულ მინდობით აღზრდაში განთავსებულ ბავშვებზე, რომლებზეც განხორციელდება რეინტეგრაცია-ბიოლოგიურ ოჯახში დაბრუნება, მათ ოჯახებს გაეწევა ფულადი დახმარება მათი საჭიროებების გათვალისწინებით.

ბ) სახელმწოფო ზრუნვის პროგრამიდან გასული ახალგაზრდების ფინანსური დახმარება, შესაბამისი ორგანოდან მოთხოვნილი ინფორმაციის საფუძველზე, ახალგაზრდების საჭიროებების გათვალისწინებით.

გ) ქალთა მიმართ ძალადობის მსხვერპლთა ფინანსური დახმარება.

დ) ოჯახების დახმარება, რომელთაც ჰყავთ განსაკუთრებული საჭიროების მქონე პირი ან პირები და შეუწყდათ საარსებო შემწობა განმეორებით გადამოწმების შედეგად.

ე) თვითმართველობის სოციალური მუშაკის მიერ შესწავლილი ოჯახების გაძლიერება, ბავშვის საჭიროებიდან გამომდინარე და ფულადი დახმარების გაცემა სოციალური მუშაკის დასკვნის საფუძველზე.

ვ) პროგრამით სარგებლობისათვის წარმოსადგენი დოკუმენტაცია

ვ.ა) შესაბამისი ორგანოდან წარმოდგენილი ინფორმაცია ბავშვთა ოჯახში რეინტეგრაციის შესახებ, ან ქალთა და ბავშვთა ძალადობის მსხვერპლთა თავშესაფრიდან წარმოდგელი ინფორმაცია.

ვ.ბ) ქულების ამონაწერი სოციალური მომსახურების სააგენტოდან.

ვ.გ) დაბადების მოწმობის ასლი.

ვ.დ) განმცხადებლის პირადობის მოწმობის ასლი.

ვ.ე) ანგარიშის ამონაწერი ბანკიდან.

9. სოციალურად დაუცველი ოჯახებისთვის საყოფაცხოვრებო აუცილებელი ტექნიკის შეძენის პროგრამა (კოდი 06 02 01 09)

სოციალურად დაუცველი მრავალშვილიანი, სიღარიბის ზღვარს მიღმა მყოფი ოჯახებისთვის საყოფაცხოვრებო ტექნიკის შეძენა. ერთ ოჯახზე არაუმეტეს 700 ლარისა. დახმარების გაცემის შესახებ გადაწყვეტილებას იღებს შესაბამისი კომისია, რაც დამოკიდებულია ბენეფიციარის სოციალურ-ეკონომიკურ და ჯანმრთელობის მდგომარეობაზე. დახმარების მიმღები ოჯახი რეგისტრირებული და ფაქტობრივად მცხოვრები უნდა იყოს საგარეჯოს მუნიციპალიტეტის ტერიტორიაზე და გააჩნდეს სსიპ სოციალური მომსახურების სააგენტოს მიერ მინიჭებული სარეიტინგო ქულა 100 000-ის ჩათვლით.

პროგრამით სარგებლობისათვის წარმოსადგენი დოკუმენტაცია:

ა) მრავალშვილიანი მშობლის სტატუსის ცნობა.

ბ) ქულების ამონაწერი სოციალური მომსახურების სააგენტოდან. (სამიზნე ჯგუფებისთვის შესაბამისი სტატუსის განმსაზღვრელი დოკუმენტაცია მოთხოვნის შესაბამისად)

გ) განმცხადებლის პირადობის მოწმობის ასლი.

10. სამკურნალო და საოპარაციო ხარჯებით დახმარების პროგრამა (06 02 02 01)

ა) სოციალურად დაუცველი ოჯახების მონაცემთა ერთიან ბაზაში რეგისტრირებული 100 000-ის ჩათვლით სარეიტინგო ქულის მქონე ბენეფიციარების სტაციონარული, ამბულატორიული მკურნალობის და ოპერაციების დაფინანსება ან/და თანადაფინანსება განისაზღვრება მოთხოვნილი თანხის 90%-ით არაუმეტეს 1500 ლარისა, ხოლო 100 000-ის ჩათვლით სარეიტინგო ქულის მქონე პირებს, რომლებიც ამავდროულად არიან ასაკით პენსიონერი ან შშმ პირის სტატუსის მქონე, ასევე 120 000-ის ჩათვლით სარეიტინგო ქულის მქონე 16 წლამდე ბავშვს, სამკურნალო საოპერაციო 1500 ლარამდე მოთხოვნილი თანხა დაუფინანსდება 100% ით. აღნიშნულ პირებს სადიაგნოსტიკო კვლევების თანხა 1000 ლარამდე დაუფინანსდება ასევე 100 %-ით. სადიაგნოსტიკო თანხა 1000 ლარიდან ზევით დაფინანსდება თანხის 50% არაუმეტეს ათასხუთასი ლარისა.

ბ) სოციალურად დაუცველი ოჯახების მონაცემთა ერთიან ბაზაში რეგისტრირებული 100 000 დან 200 000-ის ჩათვლით სარეიტინგო ქულის მქონე ბენეფიციარების, პირების სტაციონარული, ამბულატორიული მკურნალობის და ოპერაციების დაფინანსება ან/და თანადაფინანსება განისაზღვრება მოთხოვნილი თანხის 80 %-ით არაუმეტეს 1000 ლარისა. აღნიშნულ პირებს სადიაგნოსტიკო კვლევების თანხა დაუფინასდებათ თანხის 50 % არაუმეტეს 1000 ლარისა. სადიაგნოსტიკო თანხა 1000 ლარიდან ზევით დაფინანსდება თანხის 50% არაუმეტეს ათასორასი ლარისა.

გ) შეზღუდული შესაძლებლობის მქონე პირების და ომისა და თავდაცვის ძალების ვეტერანების, 9 აპრილს დაზარალებული, დევნილი პირების, 18 წლამდე ასაკის პირებს, ასაკით პენსიონერი პირების და მაღალმთიან დასახლებაში მუდმივად მცხოვრები პირების, ან/და საგარეჯოს მუნიციპალიტეტის ტერიტორიაზე რეგისტრიტრებულ მოქალაქეებს, რომლებიც განცხადებით მომართვის პერიოდში არ მიეკუთვნებიან დახმარების გაცემის წესის მიხედვით განსაზღვრულ არცერთ კატეგორიას და ესაჭიროება სამედიცინო მომსახურების დაფინანსება ან თანადაფინანსება, აგრეთვე იმ მოქალაქეებს, რომელზეც განცხადების განხილვის ეტაპისთვის ვრცელდება წესით დაწესებული შეზღუდვები (მაგ: ათვისებული აქვს პროგრამით გათვალისწინებული გასაცემი დახმარებები), განცხადებას განიხილავს საგარეჯოს მუნიციპალიტეტის მერიის სოციალურ საკითხთა განმხილველი კომისია. სტაციონარული, ამბულატორიული მკურნალობის და ოპერაციების დაფინანსება ან/და თანადაფინანსების ოდენობა განისაზღვრება საგარეჯოს მუნიციპალიტეტის მერიის სოციალურ საკითხთა განმხილველი კომისიის მიერ.

დ) მე -5 მუხლის მე-10 პუნქტის „ა’’ და „ბ“ ქვეპუნქტების შესაბამისად, (გარდა სადიაგნოსტიკო კვლევებისა) თანაგადახდის მოცულობა ბენეფიციარის მხრიდან თუ აჭარბებს 3000 ლარს, დახმარება გაეწევა ერთჯერადად 1500 ლარის ოდენობით, ხოლო თუ თანაგადახდის მოცულობა ბენეფიციარის მხრიდან აჭარბებს 4000 ლარს დახმარება გაეწევა ერთჯერადად 2000 ლარის ოდენობით. თუ თანაგადახდის მოცულობა ბენეფიციარის მხრიდან აჭარბებს 5000 ლარს დახმარება გაეწევა ერთჯერადად 3000 ლარის ოდენობით.

ე) სამედიცინო დამხმარე საშუალებების თანადაფინანსება შეზღუდული შესაძლებლობის მქონე პირთათვის. პროგრამის ფარგლებში ასევე დაფინანსდება უსინათლოთა ხელჯოხები, ხმოვანი წნევის აპარატები, სოციალურად დაუცველი (100 000-ის ჩათვლით სარეიტინგო ქულა) და ონკოლოგიური პაციენტების პროთეზის, ან სხვა დამხმარე სამედიცინო საშუალებების თანხები. ზემოთჩამოთვლილი სამიზნე ჯგუფებისთვის 300 ლარამდე მოთხოვნილი თანხა დაფინანსდება სრულად, სამას ლარზე მეტი თანხის შემთხევაში, ბენეფიციარი ერთჯერადად დაფინანსდება 500 ლარით. 18 წლამდე დიაბეტით დაავადებულ პირთა შაქრის საზომი აპარატის ჩხირების ყოველთვიური დაფინანსება. არაუმეტეს 120 ლარისა. (საჭიროების მიხედვით). 18 წლამდე შშმ ბავშვთა და სრულწლოვან შშმ პირთა ჰიგიენური საშუალებების დაფინანსება თვეში არაუმეტეს 80 ლარისა (საჭიროების მიხედვით).

ვ) პროგრამით სარგებლობისათვის წარმოსადგენი დოკუმენტაცია:

ვ.ა) ჯანმრთელობის მდგომარეობის შესახებ ცნობის (ფორმა-N IV-100/ა), ანგარიშფაქტურა და კალკულაცია, საყოველთაო ჯანდაცვის საგარანტიო არსებობის შემთხვევაში, ცნობა ლიმიტის ამოწურვის შესახებ, სამედიცინო დამხმარე საშუალებების დაფინანსების ვაუჩერი, მისი არსებობის შემთხვევაში.

ვ.ბ) ქულების ამონაწერი სოციალური მომსახურების სააგენტოდან. სამიზნე ჯგუფთათვის შესაბამისი სტატუსის განმსაზღვრელი დოკუმენტაცია.

ვ.გ) დაბადების მოწმობის ასლი. (არასრულწლოვანი პირის შემთხვევაში).

ვ.დ) განმცხადებლის პირადობის მოწმობის ასლი.

11. მედიკამენტების შეძენაზე დახმარების პროგრამა (კოდი 06 02 02 02)

ა) ონკოლოგიური დიაგნოზის მქონე პაციენტების (დაავადებების საერთაშორისო კლასიფიკაციის (ICD) კოდით ( C00-C97)) მედიკამენტებით დახმარება გაეწევათ საჭიროებისამებრ ერთჯერადად ან ლიმიტის ამოწურვამდე 1000 ლარამდე თანხით.

ბ) სოციალურად დაუცველი ოჯახების მონაცემთა ერთიან ბაზაში რეგისტრირებული 100 000 ჩათვლით სარეიტინგო ქულის მქონე ბენეფიციარებს მედიკამენტების თანხა დაუფინანსდებათ ერთჯერადად ან ლიმიტის ამოწურვამდე 400 ლარი. სოციალურად დაუცველი ოჯახების მონაცემთა ერთიან ბაზაში რეგისტრირებული 100 000 დან 200 000-ის ჩათვლით სარეიტინგო ქულის მქონე ბენეფიციარების მედიკამენტების თანხა დაუფინანსდება ერთჯერადად ან ლიმიტის ამოწურვამდე 300 ლარი.

გ) შეზღუდული შესაძლებლობის მქონე პირების და ომისა და თავდაცვის ძალების ვეტერანების, 9 აპრილს დაზარალებული, დევნილი პირების, 18 წლამდე ასაკის პირებს, ასაკით პენსიონერი პირების და მაღალმთიან დასახლებაში მუდმივად მცხოვრები პირების, ან/და საგარეჯოს მუნიციპალიტეტის ტერიტორიაზე რეგისტრიტრებულ მოქალაქეებს, რომლებიც განცხადებით მომართვის პერიოდში არ მიეკუთვნებიან დახმარების გაცემის წესის მიხედვით განსაზღვრულ არცერთ კატეგორიას და ესაჭიროება მედიკამენტების დაფინანსება ან თანადაფინანსება, აგრეთვე იმ მოქალაქეებს, რომელზეც განცხადების განხილვის ეტაპისთვის ვრცელდება წესით დაწესებული შეზღუდვები (მაგ: ათვისებული აქვს პროგრამით გათვალისწინებული გასაცემი დახმარებები), განცხადებას განიხილავს საგარეჯოს მუნიციპალიტეტის მერიის სოციალურ საკითხთა განმხილველი კომისია. დაფინანსების ოდენობა განისაზღვრება საგარეჯოს მუნიციპალიტეტის მერიის სოციალურ საკითხთა განმხილველი კომისიის მიერ.

დ) პროგრამით სარგებლობისათვის წარმოსადგენი დოკუმენტაცია:

დ.ა) ჯანმრთელობის მდგომარეობის შესახებ ცნობის (ფორმა-N IV-100/ა), ანგარიშფაქტურა და კალკულაცია, საყოველთაო ჯანდაცვის საგარანტიო არსებობის შემთხვევაში, ცნობა ლიმიტის ამოწურვის შესახებ.

დ.ბ) ქულების ამონაწერი სოციალური მომსახურების სააგენტოდან. სამიზნე ჯგუფთათვის შესაბამისი სტატუსის განმსაზღვრელი დოკუმენტაცია.

დ.გ) დაბადების მოწმობის ასლი. (არასრულწლოვანი პირის შემთხვევაში).

დ.დ) განმცხადებლის პირადობის მოწმობის ასლი

12. ონკოლოგიურ პაციენტთა დახმარების პროგრამა (06 02 02 03)

ა) ონკოლოგიური დიაგნოზის მქონე პაციენტების (დაავადებების საერთაშორისო კლასიფიკაციის (ICD) კოდით ( C00-C97)) სტაციონარული, ამბულატორიული, პალიატიული მკურნალობის და ოპერაციების დაფინანსება, ამ მკურნალობის შედეგად განვითარებული დაავადებების მკურნალობის დაფინანსება განისაზღვრება მოთხოვილი თანხის 90%-ით, არაუმეტეს 1500 ლარისა (3000 ლარიანი ლიმიტის ამოწურვამდე).

თუ ონკოლოგიური ბენეფიციარის მხრიდან თანაგადახდის მოცულობა 3000 ლარს აჭარბებს, დახმარება გაეწევა ერთჯერადად 1500 ლარის ოდენობით. თუ თანაგადახდის მოცულობა ბენეფიციარის მხრიდან 3000 ლარს აჭარბებს, დახმარება გაეწევა ერთჯერადად 1500 ლარის ოდენობით, ხოლო თუ თანაგადახდის მოცულობა ბენეფიციარის მხრიდან 4000 ლარს აჭარბებს დახმარება გაეწევა ერთჯერადად 2000 ლარის ოდენობით. თუ თანაგადახდის მოცულობა ბენეფიციარის მხრიდან 5000 ლარს აჭარბებს დახმარება გაეწევა ერთჯერადად 3000 ლარის ოდენობით.

ბ) სიმსივნული დიაგნოზის მქონე პაციენტებს (დაავადებების საერთაშორისო კლასიფიკაციის (ICD) კოდით ( D00-D48)) სამედიცინო დახმარების გაწევა განისაზღვრება დაუფინანსებელი თანხის 70 % ით, არაუმეტეს 1000 ლარისა; სამედიცინო დიაგნოსტიკური, ლაბორატორიული ან სხვა გამოკვლევები მკურნალობის ტაქტიკის განსაზღვრისათვის დაფინანსდება თანხის 50% არაუმეტის 800 ლარისა.

გ) ონკოლოგიური დიაგნოზის მქონე პაციენტების (დაავადებების საერთაშორისო კლასიფიკაციის (ICD) კოდით ( C00-C97)) სამედიცინო დიაგნოსტიკური, ლაბორატორიული ან სხვა გამოკვლევები მკურნალობის ტაქტიკის განსაზღვრისათვის დაფინანსდება 2000 ლარამდე თანხით ლიმიტის ამოწურვამდე. (საჭიროებისამებრ ერთჯერადად ან მრავალჯერადად ლიმიტის ამოწურვამდე)

დ) პროგრამით სარგებლობისათვის წარმოსადგენი დოკუმენტაცია:

დ.ა) ჯანმრთელობის მდგომარეობის შესახებ ცნობის (ფორმა-N IV-100/ა), ანგარიშფაქტურა და კალკულაცია, საყოველთაო ჯანდაცვის საგარანტიო არსებობის შემთხვევაში, ცნობა ლიმიტის ამოწურვის შესახებ არსებობის შემთხვევაში.

დ.ბ)დაბადების მოწმობის ასლი. (არასრულწლოვანი პირის შემთხვევაში)

დ.გ) განმცხადებლის პირადობის მოწმობის ასლი.

13. ბიკარბონატული ჰემოდიალიზი-თირკმლის ქრონიკული უკმარისობით დაავადებულთა სამედიცინო დაწესებულებაში ტრანსპორტირების დაფინანსების პროგრამა (06 02 02 04)

ჰემოდიალიზის სახელმწიფო პროგრამით მოსარგებლე ბენეფიციარებს ფინანსური დახმარება გაეწევათ ყოველთვიურად 150 ლარის ოდენობთ.

პროგრამით სარგებლობისათვის წარმოსადგენი დოკუმენტაცია:

ა) ჯანმრთელობის მდგომარეობის შესახებ ცნობის (ფორმა-N IV-100/ა).

ბ) დაბადების მოწმობის ასლი. (არასრულწლოვანი პირის შემთხვევაში)

გ) განმცხადებლის პირადობის მოწმობის ასლი.

დ) ანგარიშის ამონაწერი ბანკიდან.

14. ელექტროენერგიის და გაზის საფასურის გადასახადის დაფინანსების პროგრამა (06 02 03 01)

ა) სოციალურად დაუცველი (100 001 სარიტინგო ქულა) ოჯახებისთვის მოხმარებული ელექტროენერგიის ან გაზის ღირებულების დაფარვა განხორციელდება ყოველთვურად, დახმარების მისაღებად მოქალაქე განცხადებით მომართვის დროს ირჩევს დახმარების ტიპს.

ა.ა) მარჩენალდაკარგული ოჯახის დახმარება, სადაც არის 18 წლამდე ასაკის ბავშვი, ელექტროენერგიის ან გაზის გადასახადის დაუფინანსდება – 1 ბავშვზე 10 ლარის ოდენობით, ხოლო 2 და მეტ ბავშვზე 15 ლარის ოდენობით; სარეიტინგო ქულა 100 000-ის ჩათვლით.

ა. ბ) მარტოხელა მშობელი, რომელსაც ჰყავს 18 წლამდე ასაკის შვილი, ელექტროენერგიის ან გაზის გადასახადის დაუფინანსდება – 1 ბავშვზე 10 ლარის ოდენობით, ხოლო 2 და მეტ ბავშვზე 15 ლარის ოდენობით; სარეიტინგო ქულა 100 000-ის ჩათვლით.

ა.გ) შეზღუდული შესაძლებლობის სტატუსის მქონე ბავშვთა (18 წელამდე ასაკის) და შეზღუდული შესაძლებლობის სტატუსის მქონე პირთა ოჯახებს ელექტროენერგიის ან გაზის გადასახადი დაუფინანსდება – თვეში 10 ლარის ოდენობით; სარეიტინგო ქულა 100 000-ის ჩათვლით.

ა.დ) რეინტეგრირებულ ბავშვთა ოჯახები დაფინანსდება – 10 ლარის ოდენობით; სარეიტინგო ქულა 100 000-ის ჩათვლით.

ა.ე) მრავალშვილიანი ოჯახების, რომლებსაც ჰყავთ 4 და მეტი შვილი და აქედან 2 მაინც არის არასრულწლოვანი, ელექტროენერგიის ან გაზის გადასახადის დაუფინანსდება 15 ლარის ოდენობით; სარეიტინგო ქულა 100 000-ის ჩათვლით.

ა.ვ) სოციალურად დაუცველი ოჯახებს გაზის ან ელექტრო ენერგიის ღირებულება დაუფინანსდებათ (სარეიტინგო ქულა 65 000-დან 100 000-ის ჩათვლით) თვეში 10 ლარის ოდენობით.

ბ) სოციალურად დაუცველი (100 000 სარიტინგო ქულა) ოჯახებისთვის მოხმარებული ელექტროენერგიის ან გაზის ღირებულების დაფარვის განხორციელების მიზნით წარმოსადგენი დოკუმენტაციაა:

ბ.ა) ამონაწერი საგარეჯოს მუნიციპალიტეტის ტერირორიაზე ბუნებრივი აირის და გაზის მიმწოდებელი კომპანიებიდან მიმიდინარე კომუნალური გადასახადის ოდენობის და აბონენტის ნომრის მითითებით.

ბ.ბ) ქულების ამონაწერი სოციალური მომსახურების სააგენტოდან, სამიზნე ჯგუფებისთვის შესაბამისი სტატუსის განმსაზღვრელი დოკუმენტაცია.

ბ.გ) განმცხადებლის პირადობის მოწმობის ასლი.

15. მოწყვლადი ჯგუფების გათბობის ხარჯით უზრუნველყოფის პროგრამა. (06 02 03 02)

სოციალურად დაუცველ ოჯახებს (100 000-ის ჩათვლით სარეიტინგო ქულა), შეზღუდული შესაძლებლობის მქონე პირებს (120 000 -ის ჩათვლით სარეიტინგო ქულამდე), ასევე ოჯახებს, რომელთა ეკონომიური მდგომარეობა მძიმეა და საჭიროებს ფულად დახმარებას, წლის განმავლობაში ერთჯერადად მიეცემათ საშეშე მერქნის შესაძენი თანხა 300 ლარის ოდენობით.

პროგრამით სარგებლობისათვის წარმოსადგენი დოკუმენტაცია:

ა) ქულების ამონაწერი სოციალური მომსახურების სააგენტოდან. (სამიზნე ჯგუფებისთვის შესაბამისი სტატუსუს განმსაზღვრელი დოკუმენტაცია მოთხოვნის შესაბამისად.)

ბ) განმცხადებლის პირადობის მოწმობის ასლი.

გ) ანგარიშის ამონაწერი ბანკიდან.

დ) მერის წარმომადგენლის მოხსენებითი ბარათი ოჯახის ეკონომიური მდგომარეობის შესახებ;

16. სოციალურად დაუცველი მოწყვლადი ჯგუფებისთვის საკვების გაცემა დღესასწაულებზე (06 02 03 03)

სოციალურად დაუცველი ოჯახებისთვის სადღესასწაულოდ საკვები ამანათების გადაცემა განხორციელდება შერჩეულ სამიზნე ჯგუფებზე. დახმარების მისაღებად მოქალაქე მიმართავს სამსახურს და მისი სოციალურ-ეკონომიკური მდგომარეობის გათვალისწინებით ხორციელდება დახმარების მიმღებთა სიაში ბენეფიციარის მონაცემების შეტანა. პროგრამით სარგებლობისათვის მოქალაქემ უნდა წარმოადგინოს პირადობის მოწმობის ასლი.

17. მოსახლეობის ტრანსპორტირების პროგრამა (06 02 03 04)

ა) სოფელი უდაბნოდან (კვირაში ორჯერ) ქალაქ საგარეჯოში სოციალურად დაუცველი მოსახლეობის ტრანსპორტირება მთელი წლის განმავლობაში (დაფინანსება მოხდება საგარეჯოს მუნიციპალიტეტის ბიუჯეტის გეგმის შესაბამისად).

ბ) დახმარების პროგრამით გამიზნული აქტივობების (სოციალურად დაუცველი ოჯახების უფასო ტრანსპორტირება სხვადასხვა კლინიკაში სკრინინგ პროგრამების ჩასატარებლად, ასევე პანდემიის დროს სოციალურად დაუცველი მოსახლეობისთვის აუცილებელი საკვების და საყოფაცხოვრებო საშუალებების სპეციალური ამანათების შესყიდვა–განაწილების) ტრანსპორტირების განხორციელება.

18. ხანდაზმულ (95 და მეტი წლის ასაკის) პირთა დახმარების პროგრამა (06 02 03 05)

95 წელს მიღწეულ პირზე გაიცემა ერთჯერადი თანხა 500 ლარის ოდენობით.

100 წლის ხანდაზმულთათვის ერთჯერადი თანხა 1000 ლარის ოდენობით.

პროგრამით სარგებლობისათვის წარმოსადგენი დოკუმენტაცია:

ა) ხანდაზმულის ან მისი უფლებამოსილი პირის პირადობის მოწმობის ასლი.

ბ) ანგარიშის ამონაწერი ბანკიდან.

გ) ხანდაზმულის დაბადების მოწმობის ასლი მისი არსებობის შემთხვევაში.

19. მოვლა-პატრონობის გარეშე დარჩენილი და სოც დაუცველი მიცვალებულთა სარიტუალო მომსახურების პროგრამა (06 02 03 06)

მოვლა-პატრონობის გარეშე დარჩენილი მიცვალებულების, რომელთაც არ ჰყავთ არც ერთი რიგის მემკვიდრე, იძულებით გადაადგილებულ პირს-დევნილს, საგარეჯოს მუნიციპალიტეტში არსებული შშმ პირთა და ხანდაზმულთა სათემო სახლში მცხოვრებ მიუსაფარი პირების, საგარეჯოს მუნიციპალიტეტის ტერიტორიაზე გარდაცვლილი არაიდენტიფიცირებული და სოციალურად დაუცველი ოჯახის გარდაცვლილი პირის დაკრძალვის სარიტუალო ხარჯებისთვისთვის დახმარება გაიცემა 500 ლარის ოდენობით. (დახმარების მიმღები სოციალურად დაუცველი ოჯახი რეგისტრირებული და ფაქტობრივად მცხოვრები უნდა იყოს საგარეჯოს მუნიციპალიტეტის ტერიტორიაზე და გააჩნდეს სსიპ სოციალური მომსახურების სააგენტოს მიერ მინიჭებული სარეიტინგო ქულა 100 000-ის ჩათვლით, სოციალურად დაუცველი გარდაცვლილი პირის შემთხვევაში დაკრძალვის სარიტუალო ხარჯი ერიცხება სოციალურად დაუცველ ოჯახის წევრს).

პროგრამით სარგებლობისათვის წარმოსადგენი დოკუმენტაცია:

ა) გარდაცვალების მოწმობა

ბ) განმცხადებლის პირადობის მოწმობის ასლი.

გ) ანგარიშის ამონაწერი ბანკიდან.

20. სიღარიბის ზღვარს მიღმა მყოფი ოჯახებისთვის დროებით სარგებლობაში გადაცემულ ფართებში მინიმალური საყოფაცხოვრებო პირობების შექმნა (06 02 03 07)

მერიის ბალანსზე არსებული შენობა-თავშესაფრების დროებით სარგებლობაში გადაცემულ ფართებში მცხოვრები პირებისთვის მინიმალური საყოფაცხოვრებო პირობების შექმნა.

წარმოსადგენი დოკუმენტაცია:

ა) განმცხადებლის პირადობის მოწმობის ასლი.

21. მძიმე საცხოვრებელ პირობებში მყოფი ოჯახების დროებით თავშესაფრით უზრუნველყოფის პროგრამა. (06 02 04)

სტიქიით ან სხვა განსაკუთრებული შემთხვევით დაზარალებული ოჯახი, უსახლკარო ოჯახი, რომლის ავარიული საცხოვრებელი სახლი საფრთხეს უქმნის ადამიანის სიცოცხლეს, ასევე, მარტოხელა სტატუსის მქონე პირთათვის და ძალადობის ან/და ტრეფიკინგის მხვერპლთა საცხოვრებლით უზრუნველყოფა. ბავშვთა ზრუნვის პროგრამის ფარგლებში ბინის ქირით უზრუნველყოფა სოციალური მუშაკის დასკვნის საფუძველზე, ბინის ქირის უზრუნველყოფა ოჯახებისთვის, რომელთაც ჰყავთ ორი ან ორზე მეტი შშმ პირი. დახმარება განისაზღვრება თითოეულ კატეგორიაზე 300 ლარით. ქირით უზრუნველყოფა მარტოხელა სტატუსის მქონე პირთათვის, შეზღუდული შესაძლებლობის მქონე და ძალადობის ან ტრეფიკინგის მხვერპლთათვის გაიცემა ექვსი თვის განმავლობაში.

პროგრამით სარგებლობისათვის წარმოსადგენი დოკუმენტაცია:

ა) ინფორმაცია ალტერნატიული საცხოვრებელი რეგისტრირებული ფართის არ ქონის შესახებ.

ბ) საცხოვრებელი ფართის დაზიანების დამადასტურებელი ინფორმაცია.

გ) სამიზნე ჯგუფთათვის შესაბამისი სტატუსის განმსაზღვრელი დოკუმენტაცია მოთხოვნის შესაბამისად.

დ) განმცხადებლის პირადობის მოწმობის ასლი.

22. უმწეოთათვის უფასო სასადილოს დაფინანსება (06 02 05)

ა(ა)იპ საგარეჯოს მუნიციპალიტეტის „სათნოების სახლის“ უფასო სასადილოების დაფინანსება. დახმარება გაიცემა ყოველდღიურად საკვების სახით, სიღარიბის ზღვარს მიღმა კრიზისულ მდგომარეობაში მყოფი ბენეფიციარებისთვის.

პროგრამით სარგებლობისათვის წარმოსადგენი დოკუმენტაცია:

ა) განმცხადებლის პირადობის მოწმობის ასლი.

ბ)ქულების ამონაწერი სოციალური მომსახურების სააგენტოდან ან სამიზნე ჯგუფთათვის შესაბამისი სტატუსის განმსაზღვრელი დოკუმენტაცია მოთხოვნის შესაბამისად.

23. ომის ვეტერანების და მათი ოჯახების დახმარების პროგრამა (06 02 06)

ა) საქართველოს ერთიანობისთვის ბრძოლაში მონაწილე ვეტერანთა დაკრძალვის სარიტუალო ხარჯებისთვის დახმარება გაიცემა 500 ლარის ოდენობით.

ბ) საქართველოს ტერიტორიული მთლიანობისა და დამოუკიდებლობისათვის საბრძოლო მოქმედებებში დაღუპულთა ოჯახის დახმარებისთვის თითოეულ ოჯახზე გაიცემა 500 ლარი.

გ) პროგრამით სარგებლობისათვის წარმოსადგენი დოკუმენტაცია:

გ.ა) განმცხადებლის პირადობის მოწმობის ასლი.

გ.ბ) ანგარიშის ამონაწერი ბანკიდან.

გ.გ) გარდაცვალების მოწმობა და ვეტერანის სტატუსის დამადასტურებელი დოკუმენტაცია.

24. წითელი ჯვრის დაფინანსების პროგრამა (06 02 07)

წითელი ჯვრის საგარეჯოს ფილიალი „ინტეგრირებულ საქმიანობათა ცენტრის “ბაზაზე აქტიურად ახორციელებს მოწყვლადი ჯგუფების, მათ შორის ხანდაზმულების, განსაკუთრებული საჭიროებებისა და იძულებით გადაადგილებული პირების, სოციალურ მხარდაჭერასა და კატასტროფების რისკის შემცირების შესაძლებლობების გაზრდაზე, მათ შორის მუნიციპალიტეტის ტერიტორიაზე მცხოვრები აზერბაიჯანული თემის უნარიანობის ამაღლებაზე ორიენტირებულ საქმიანობებს. იგი ასევე მუშაობს ახალგაზრდების გაძლიერების და მოხალისეთა ინიციციატივების განვითარების მიმართულებით.

25. სტუდენტებისთვის სწავლის საფასურის დაფინანსების პროგრამა (06 02 08). სოციალურად დაუცველ მრავალშვილიან, სოციალურად დაუცველ ოჯახს, რომლსაც ჰყავს ორი სტუდენტი, სოციალურად დაუცველ დედით ან მამით ობოლ, სოციალურად დაუცველ მარტოხელა მშობლის სტატუსის მქონე შვილთა და შეზღუდული შესაძლებლობის სტატუსის მქონე სტუდნეტებისთვის, ასევე სტუდენტებისთვის, რომელთაც ჰყავთ შეზღუდული შესაძლებლობის სტატუსის მქონე მშობელი ან მშობლები ან და ოჯახი რეგისტრირებულია სოციალურად დაუცველთა ერთიან ბაზაში (სარეიტინგო ქულა 120 000) უმაღლეს საგამანათლებლო სასწავლებელში სწავლის საფასურის თანადაფინანსება განისაზღვრება 1000 ლარამდე თანხით. (პროგრამის მოსარგებლე სტუდენტებზე ერთი კალენდარული წლის განმავლობაში გაიცემა ერთი დახმარება).

პროგრამით სარგებლობისათვის წარმოსადგენი დოკუმენტაცია:

ა) ცნობა საგანმანათლებლო დაწესებულებიდან სტუდენტის სტატუსის შესახებ, ფაკულტეტის, კურსის და სწავლის საფასურის ოდენობის მითითებით.

ბ) სამიზნე ჯგუფთათვის შესაბამისი სტატუსის განმსაზღვრელი დოკუმენტაცია მოთხოვნის შესაბამისად.

გ) ქულების ამონაწერი სოციაური მომსახურების სააგენტოდან.

დ) პირადობის მოწმობის ასლი.

მუხლი 6. სამედიცინო მომსახურების დაფინანსების წესი:

1. სამედიცინო მომსახურება დაფინანსდება თუ:

ა) დახმარების მიმღები ოჯახი რეგისტრირებულია ან/და ფაქტობრივად ცხოვრობს საგარეჯოს მუნიციპალიტეტის ტერიტორიაზე და გააჩნია სსიპ სოციალური მომსახურების სააგენტოს მიერ მინიჭებული სარეიტინგო ქულა, ან სამიზნე ჯგუფისთვის შესაბამისი სტატუსის განმსაზღვრელი დოკუმენტაცია ქვეპროგრამის მოთხოვნის შესაბამისად.

ბ) სსიპ სოციალური მომსახურების სააგენტოს ქულა მინიჭებულია 2020-2026 წელს. (გარდა გამონაკლისი შემთხვევებისა, თუ 16 წლამდე ბავშვიანი ოჯახი რეგისტრირებულია სოციალური მომსახურების სააგენტოში გასულ წლებში და დახმარების მიმღებია). თუ სამსახურმა ბენეფიციარის მიერ წარმოდგენილი დოკუმენტაციიდან ვერ მიიღო ამომწურავი ინფორმაცია, სამსახური შეხედულებისამებრ უფლებამოსილია მოითხოვოს დამატებითი დოკუმეტაცია. ასევე, საჭიროების შემთხვევაში მერის წარმომადგენლის შუამდგომლობა.

2. თუ ბენეფიციარი დახმარების მოთხოვნის პერიოდში ერთდროულად ორ სამიზნე ჯგუფს წარმოადგენს, დახმარება გაეწევა მეტი თანხით დასაფინანსებელი კომპონენტით.

3. სამსახური უფლებამოსილია ინციატივით მომართოს შესაბამის კომისიას სიღარიბის ზღვარს მიღმა მყოფი ოჯახებისთვის დროებით სარგებლობაში გადაცემულ ფართებში შესახლებული ბენეფიციარების ფაქტობრივად ცხოვრების ფაქტის დადგენის მიზნით და მოითხოვოს ხელშეკრულების განახლების წინ ინფორმაციის განახლება ალტერნატიული დარეგისტრირებული სახოვრებელი ფართის არ ქონის შესახებ.

4. საგარეჯოს მუნიციპალიტეტის ტერიტორიაზე რეგისტრიტრებული მოქალაქეები, რომლებიც განცხადებით მომართვის პერიოდში არ არიან რეგისტრირებული სოციალური მომსახურების სააგენტოს სიღატაკის დაძლევის სახელმწიფო პროგრამის მონაცემთა ერთიან ბაზაში ან/და რეგისტრირებულია და არ აქვს მინიჭებული სარეიტინგო ქულა, მათი მომართვის პერიოდში მძიმეა ჯანმრთელობის მდგომარეობა და არ მიეკუთვნება გაცემის წესის მიხედვით განსაზღვრულ არცერთ კატეგორიას და ესაჭიროება სამედიცინო მომსახურების დაფინანსება ან თანადაფინანსება, აგრეთვე იმ მოქალაქეებს, რომელზეც განცხადების განხილვის ეტაპისთვის ვრცელდება წესით დაწესებული შეზღუდვები (მაგ: ათვისებული აქვს პროგრამით გათვალისწინებული გასაცემი დახმარებები), განცხადებას განიხილავს საგარეჯოს მუნიციპალიტეტის მერის მიერ შექმნილი საგარეჯოს მუნიციპალიტეტის მერიის სოციალურ საკითხთა განმხილველი კომისია შესაბამისი ადმინისტრაციული ერთეულიდან მერის წარმომადგენლის შუამდგომლობისა და მოსახლეობის სოციალური მდგომარეობის შემსწავლელი სამუშაო ჯგუფის დასკვნის საფუძველზე, შესაძლებელია გამონაკლისის სახით დახმარება გაეწიოს ამ პუნქტით განსაზღვრულ პირს, კალენდარული წლის გამავლობაში არაუმეტეს 3000 (სამი ათასი) ლარის ოდენობით (აქედან მედიკამენტური მკურნალობისთვის – არაუმეტეს 1000 (ერთი ათასი) ლარის ოდენობით). კომისიის წლიური ბიუჯეტი განისაზღვრება 100 000 ლარით.

5. სამედიცინო მომსახურება არ დაფინანსდება შემდეგ შემთხვევაში:

ა) საზღვარგარეთ მკურნალობა, (გარდა ონკოლოგიისა და 18 წლამდე ასაკის არასრულწლოვანისა) სქესობრივი გზით გადამდები დაავადება, უშვილობის მკურნალობა და სხვა. (საზღვარგარეთ მკურნალობის დაფინანსების ოდენობა განისაზღვრება ქვეპროგრამი გამოყოფილი თანხის შესაბამისად.))

ბ) ესთეტიკური ქირურგია, კოსმეტიკური მიზნით ჩატარებული, სტომატოლოგიური მკურნალობა.

გ) უკვე ჩატარებული სამედიცინო მომსახურება, გარდა გადაუდებელი შემთვევისა, ან მოქალაქის მხრიდან უკვე ანაზღაურებულია თანხა. ანაზღაურდება გამონაკლისი შემთვევა, თუ პაციენტი საავადმყოფოში მოთავსებული იქნა სასწრაფო სამედიცინო ბრიგადის მიერ და საავადმყოფოს დატოვებს ანაზღაურების გარეშე საავადმყოფოსთან გაფორმებული ხელშეკრულების საფუძველზე.

დ) ფიზიოლოგიური მშობიარობის ან საკეისრო კვეთის თანხა, თუ წარმოდგენილ კალკულაციაში მოთხოვნილი იქნება ექიმის აყვანის, პალატის არჩევის ან გაუტკივარების ღირებულება.

ე) სამედიცინო ჩვენებისა და ექიმის დანიშნულების გარეშე მკურნალობა, თვითმკურნალობა;

ვ) „საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ“ საქართველოს მთავრობის 2013 წლის 21 თებერვლის N36 დადგენილებით დამტკიცებული საყოველთაო ჯანმრთელობის დაცვის სახელმწიფო პროგრამის ბენეფიციარი და სარგებლობს ზემოაღნიშნული პროგრამის დაზღვევის არმქონე პირებისათვის პაკეტით, რომელთა შემოსავალი წელიწადში მეტია 40000 ლარზე.

მუხლი 7. პროგრამის განხორციელების შედეგი

აქტიური სოციალური პოლიტიკის განხორციელება და სხვადასხვა სერვისებზე მოსახლეობის ხელმისაწვდომობის გაზრდა. უკიდურესად გაჭირვებულ პირთა სოციალური დაცვა მათი მდგომარეობის გაუმჯობესების ხელშეწყობა.

მუხლი 8. პროგრამის საინფორმაციო უზრუნველყოფა

პროგრამის ბენეფიციარები პროგრამით გათვალისწინებული ღონისძიებების შესახებ ინფორმირებული იქნებიან შემდეგი გზით:

ა) ადგილობრივი საინფორმაციო საშუალებები.

ბ) მუნიციპალიტეტის მერის წარმომადგენლები.

გ) საგარეჯოს მუნიციპალიტეტის ოფიციალური ვებგვერდი.

დ) მოსახლეობასთან საინფორმაციო შეხვედრა.