„სახელმწიფო დაცვის სპეციალურ სამსახურში საკონტრაქტო-პროფესიული, კადრის და სამოქალაქო სამსახურის გავლის წესის შესახებ დებულების დამტკიცების თაობაზე“ საქართველოს მთავრობის 2013 წლის 28 მარტის №75 დადგენილებაში ცვლილების შეტანის შესახებ

1. მე-4 მუხლის:

ა) მე-2 პუნქტი ჩამოყალიბდეს შემდეგი რედაქციით:

„2. სახელმწიფო დაცვის სპეციალური სამსახურის საკონტრაქტო-პროფესიულ სამსახურში შეიძლება, ჩაირიცხოს საქართველოს მოქალაქე 35 წლის ჩათვლით, ხოლო კადრის სამსახურში − არაუმეტეს 30 წლის საქართველოს მოქალაქე, რომელიც ფლობს საქართველოს სახელმწიფო ენას და პიროვნული თვისებებით, განათლებით, ფიზიკური მომზადებითა და ჯანმრთელობის მდგომარეობით შეძლებს, შეასრულოს დაკისრებული მოვალეობები.“;

ბ) მე-5 პუნქტი ჩამოყალიბდეს შემდეგი რედაქციით:

„5. საქართველოს თავდაცვის ძალების რეზერვში ჩარიცხული პირები სამსახურში მიიღებიან და საკონტრაქტო-პროფესიულ, კადრის ან სამოქალაქო მოსამსახურეთა შემადგენლობაში სამსახურს გადიან საერთო წესით. პირები, რომლებსაც არ გაუვლიათ სავალდებულო სამხედრო სამსახური/ წვევამდელთა ეროვნული სამხედრო სამსახური და კანონმდებლობით დადგენილი წესით სარგებლობენ გაწვევისაგან გათავისუფლების ან გაწვევის გადავადების უფლებით, სპეციალური წოდებით მომსახურე ან/და სამოქალაქო პირთა შემადგენლობაში შეიძლება, მიღებულ იქნენ გაწვევისგან გათავისუფლების ან გადავადების უფლებით სარგებლობის პერიოდში, შესაბამისად განსაზღვრული ვადით.“.

2. მე-5 მუხლის „ბ“ ქვეპუნქტი ჩამოყალიბდეს შემდეგი რედაქციით:

„ბ) ალკოჰოლიზმით, ნარკომანიით ან ტოქსიკომანიით დაავადებული პირი, ქრო­ნიკული დაავადების ან ფსიქიკური აშლილობის მქონე პირი, აგრეთვე ისეთი დასახიჩ­რე­ბის, დაავადების ანდა ფიზიკური ან ინტელექტუალური მონაცემების მქო­ნე პირი, რომელიც/რომლებიც მას სამსახურისთვის შეუფერებელს ხდის;“.

3. 24-ე მუხლის მე-2 პუნქტი ჩამოყალიბდეს შემდეგი რედაქციით:

„2. თანამშრომელს ეკრძალება გაფიცვის ან სხვა სახის საპროტესტო აქციის მოწყობა და მასში მონაწილეობა, სამეწარმეო საქმიანობა, სახელ­მწიფო დაწესებულებებში ან სხვა ორგანიზაციებში შეთავსებით მუშაობა, გარდა „სახელმწიფო დაცვის სპეციალური სამსახურის შესახებ“ და „კორუფციის წინააღმდეგ ბრძოლის შესახებ“ საქართველოს კანონებით გათვალისწინებული  შემთხვევებისა.“.

4. 29-ე მუხლის მე-4 პუნქტი ჩამოყალიბდეს შემდეგი რედაქციით:

„4. თანამშრომლის სამსახურიდან დათხოვნის შესახებ მისი საცხოვრებელი ადგილის მიხედვით ეცნობება სსიპ – სამხედრო გაწვევისა და რეკრუტირების ეროვნული სააგენტოს შესაბამის რეგიონულ ცენტრს.“.