თელავის მუნიციპალიტეტის საკრებულოს 2025 წლის 28 მაისის N09 დადგენილებაში „ქალთა და ბავშვთა საკითხებზე მომუშავე მუნიციპალური საბჭოს შექმნისა და მისი დებულების დამტკიცების შესახებ“ ცვლილების შეტანის თაობაზე

„1. თელავის მუნიციპალიტეტის საკრებულოს თავმჯდომარის დავალებით, საბჭოს ხელმძღვანელობს მუნიციპალიტეტის საკრებულოს ერთ-ერთი თანამდებობის პირი.

მის შემადგენლობაში შედიან ადგილობრივი თვითმმართველობის ორგანოების, ბიზნეს სექტორის, არასამთავრობო სექტორის და ადგილობრივი საზოგადოების წარმომადგენლები. საბჭოს შემადგელობა განისაზღვრება 10 წევრით და მის შემადგენლობას შესაბამისი ბრძანებით  ამტკიცებს საბჭოს თავმჯდომარე.

საბჭოს წევრობის შეწყვეტის საფუძვლებია:

ა) პირადი განცხადება;

ბ) საბჭოს წევრის მიერ საბჭოს სხდომაზე არასაპატიო მიზეზით ზედიზედ  3-ჯერ  გამოუცხადებლობა;

გ) საქართველოს მოქალაქეობის შეწყვეტა;

დ) საბჭოს წევრის მიმართ სისხლის სამართლის საქმეზე სასამართლოს გამამტყუნებელი განაჩენის კანონიერ ძალაში შესვლა;

ე) გარდაცვალება;

ვ) მერიისა და საკრებულოს თანამდებობის პირთა უფლებამოსილების შეწყვეტა და საჯარო მოხელეთა გათავისუფლება.“.