პენიტენციური დაწესებულებებისა და პენიტენციურ დაწესებულებებში განსათავსებელ ბრალდებულთა/მსჯავრდებულთა დასაშვები მაქსიმალური რაოდენობის განსაზღვრის შესახებ

ა) №1 დაწესებულება (ოზურგეთის მუნიციპალიტეტი, დაბა ლაითური, 9 აპრილის ქუჩა №25) – პატიმრობის, დაბალი რისკის, ნახევრად ღია ტიპის, დახურული ტიპის, განსაკუთრებული რისკის თავისუფლების აღკვეთისა და ქალთა სპეციალური დაწესებულება. ბრალდებულთა და მსჯავრდებულთა განთავსების ლიმიტი – 700 ბრალდებული/მსჯავრდებული;

ბ) №2 პენიტენციური დაწესებულება (ქ. ქუთაისი, ხარებავას ქუჩა, №26) – პატიმრობისა და დახურული ტიპის თავისუფლების აღკვეთის დაწესებულება. ბრალდებულთა და მსჯავრდებულთა განთავსების ლიმიტი – 1068 ბრალდებული/მსჯავრდებული;

გ) №3 პენიტენციური დაწესებულება (ქ. ბათუმი, თევდორე მღვდლის ქუჩა, №27) − პატიმრობისა და განსაკუთრებული რისკის თავისუფლების აღკვეთის დაწესებულება. ბრალდებულთა და მსჯავრდებულთა განთავსების ლიმიტი – 92 ბრალდებული/მსჯავრდებული;

დ) №5 პენიტენციური დაწესებულება (ქ. რუსთავი) – პატიმრობის, ნახევრად ღია ტიპის, გათავისუფლებისთვის მომზადებისა და დახურული ტიპის თავისუფლების აღკვეთის ქალთა სპეციალური დაწესებულება. ბრალდებულთა და მსჯავრდებულთა განთავსების ლიმიტი − 867 ბრალდებული/მსჯავრდებული;

ე) №6 პენიტენციური დაწესებულება (ქ. რუსთავი) – პატიმრობისა და განსაკუთრებული რისკის თავისუფლების აღკვეთის დაწესებულება. ბრალდებულთა და მსჯავრდებულთა განთავსების ლიმიტი – 309 ბრალდებული/მსჯავრდებული;

ვ) №8 პენიტენციური დაწესებულება – პატიმრობისა და დახურული ტიპის თავისუფლების აღკვეთის დაწესებულება. ბრალდებულთა და მსჯავრდებულთა განთავსების ლიმიტი:

ვ.ა) 2325 ბრალდებული/მსჯავრდებული (ქ. თბილისი, ომარ ხიზანიშვილის ქუჩა, №141);

ვ.ბ) 101 ბრალდებული/მსჯავრდებული (ქ. თბილისი, აბუსერიძე−ტბელის ქუჩა, №11);

ზ) №10 პენიტენციური დაწესებულება (მცხეთის მუნიციპალიტეტი, სოფელი ქსანი, მე-10 ქუჩა, №12) – პატიმრობისა და დახურული ტიპის თავისუფლების აღკვეთის დაწესებულება. ბრალდებულთა და მსჯავრდებულთა განთავსების ლიმიტი – 700 ბრალდებული/მსჯავრდებული;

თ) №11 პენიტენციური დაწესებულება (ქ. თბილისი, გრ. ხანძთელის ქუჩა, №3) − არასრულწლოვანთა სარეაბილიტაციო დაწესებულება. მსჯავრდებულთა განთავსების ლიმიტი − 82 მსჯავრდებული;

ი) №12 პენიტენციური დაწესებულება (ქ. რუსთავი, მშენებელთა ქუჩა, №62) – პატიმრობის, ნახევრად ღია ტიპისა და დახურული ტიპის თავისუფლების აღკვეთის დაწესებულება. ბრალდებულთა და მსჯავრდებულთა განთავსების ლიმიტი – 580 ბრალდებული/მსჯავრდებული;

კ) №14 პენიტენციური დაწესებულება (წყალტუბოს მუნიციპალიტეტი, სოფელი გეგუთი, მე-3 ქუჩა, №27) – ნახევრად ღია ტიპისა და დახურული ტიპის თავისუფლების აღკვეთის დაწესებულება. მსჯავრდებულთა განთავსების ლიმიტი – 1362 მსჯავრდებული;

ლ) №15 პენიტენციური დაწესებულება (მცხეთის მუნიციპალიტეტი, სოფელი ქსანი, მე-10 ქუჩა, №12) − ნახევრად ღია ტიპისა და დახურული ტიპის თავისუფლების აღკვეთის დაწესებულება. მსჯავრდებულთა განთავსების ლიმიტი − 1388 მსჯავრდებული;

მ) №16 პენიტენციური დაწესებულება (ქ. რუსთავი, მშენებელთა ქუჩა, №62) – დაბალი რისკისა და გათავისუფლებისთვის მომზადების თავისუფლების აღკვეთის დაწესებულება. მსჯავრდებულთა განთავსების ლიმიტი – 528 მსჯავრდებული;

ნ) №17 პენიტენციური დაწესებულება (ქ. რუსთავი, მშენებელთა ქუჩა, №94) – ნახევრად ღია ტიპისა და დახურული ტიპის თავისუფლების აღკვეთის დაწესებულება. მსჯავრდებულთა განთავსების ლიმიტი − 2000 მსჯავრდებული;

ო) №18 პენიტენციური დაწესებულება – ბრალდებულთა და მსჯავრდებულთა სამკურნალო დაწესებულება. ბრალდებულთა და მსჯავრდებულთა განთავსების ლიმიტი:

ო.ა) 140 ბრალდებული/მსჯავრდებული (ქ. თბილისი, ომარ ხიზანიშვილის ქუჩა, №141);

ო.ბ) 90 ბრალდებული/მსჯავრდებული (მცხეთის მუნიციპალიტეტი, სოფელი ქსანი, მე-10 ქუჩა, №12).