„გარემოსდაცვითი პროგრამის კომისიის შემადგენლობის განსაზღვრისა და მისი დებულების დამტკიცების შესახებ“ საქართველოს მთავრობის 2022 წლის 24 ივნისის №335 დადგენილებაში ცვლილების შეტანის თაობაზე

„1. შეიქმნას გარემოსდაცვითი პროგრამის კომისია (შემდგომში − კომისია) შემდეგი შემადგენლობით:

ა) საქართველოს გარემოს დაცვისა და სოფლის მეურნეობის მინისტრის პირველი მოადგილე − კომისიის თავმჯდომარე;

ბ) საქართველოს გარემოს დაცვისა და სოფლის მეურნეობის მინისტრის მოადგილე − კომისიის თავმჯდომარის მოადგილე;

გ) საქართველოს გარემოს დაცვისა და სოფლის მეურნეობის მინისტრის მოადგილე − კომისიის წევრი;

დ) საქართველოს ფინანსთა მინისტრის მოადგილე − კომისიის წევრი;

ე) საქართველოს ეკონომიკისა და მდგრადი განვითარების მინისტრის მოადგილე − კომისიის წევრი;

ვ) საქართველოს  ოკუპირებული  ტერიტორიებიდან  დევნილთა,  შრომის,  ჯანმრთელობისა  და სოციალური დაცვის მინისტრის მოადგილე − კომისიის წევრი;

ზ) საქართველოს რეგიონული განვითარების მინისტრის მოადგილე − კომისიის წევრი;

თ) საქართველოს ინფრასტრუქტურის მინისტრის მოადგილე − კომისიის წევრი;

ი) საქართველოს   პარლამენტის   გარემოს   დაცვისა   და   ბუნებრივი   რესურსების კომიტეტის წარმომადგენელი − კომისიის წევრი;

კ) საქართველოს პარლამენტის რეგიონული პოლიტიკისა და  თვითმმართველობის კომიტეტის წარმომადგენელი − კომისიის წევრი;

ლ) საქართველოს პარლამენტის საფინანსო-საბიუჯეტო კომიტეტის წარმომადგენელი − კომისიის წევრი;

მ) საქართველოს მთავრობის ადმინისტრაციის იურიდიული დეპარტამენტის წარმომადგენელი − კომისიის წევრი;

ნ) გარემოსდაცვითი არასამთავრობო ორგანიზაციების წარმომადგენელი − კომისიის წევრი;

ო) საჯარო სამართლის იურიდიული პირის − გარემოსდაცვითი ინფორმაციისა და განათლების ცენტრის დირექტორი − კომისიის წევრი, კომისიის სამდივნოს ხელმძღვანელი.“.