„საქართველოს ფინანსთა სამინისტროს საგამოძიებო სამსახურის მოსამსახურეთათვის სახელმწიფო სპეციალური წოდებების მინიჭების შესახებ დებულების და სახელმწიფო სპეციალური წოდებების დანამატების დამტკიცების თაობაზე“ საქართველოს ფინანსთა მინისტრის 2019 წლის 12 დეკემბრის №387 ბრძანებაში ცვლილების შეტანის შესახებ

1. მე-4 მუხლის „ბ“ და „გ“ ქვეპუნქტები ჩამოყალიბდეს შემდეგი რედაქციით:

„ბ) პოლკოვნიკი – ადმინისტრაციის უფროსი/მოადგილე, დეპარტამენტის უფროსის მოადგილე, მთავარი სამმართველოს უფროსი/მოადგილე, გენერალური ინსპექციის უფროსი/მოადგილე, სამმართველოს უფროსი/მოადგილე, სპეციალური დანიშნულების რაზმის უფროსი/მოადგილე;

გ) ვიცე-პოლკოვნიკი – უფროსი გამომძიებელი, უფროსი ინსპექტორ-გამომძიებელი (გარდა ამ მუხლის „დ“ ქვეპუნქტით გათვალისწინებული სამმართველოების უფროსი ინსპექტორ-გამომძიებლებისა), უფროსი ოპერატიული თანამშრომელი;“.

2. მე-5 მუხლის:

ა) მე-8 პუნქტი ჩამოყალიბდეს შემდეგი რედაქციით:

„8. მორიგი წოდების მისანიჭებლად, საგამოძიებო სამსახურის მოსამსახურის უშუალო უფროსი წარდგინებას უგზავნის საგამოძიებო სამსახურის ადამიანური რესურსების მართვის სამმართველოს.“;

ბ) მე -13 პუნქტი ჩამოყალიბდეს შემდეგი რედაქციით:

„13. საგამოძიებო სამსახურის მოსამსახურისათვის მორიგი სპეციალური ან/და ვადამდელი წოდების მინიჭებამდე, ამ მუხლის მე-14 პუნქტით გათვალისწინებული შესაძლო ხელშემშლელი მასალების არსებობის ფაქტი, შესაბამისი წერილობითი მოთხოვნის საფუძველზე, მოწმდება საგამოძიებო სამსახურის გენერალურ ინსპექციაში.“;

გ) მე-17 და მე -18 პუნქტები ჩამოყალიბდეს შემდეგი რედაქციით:

„17. პირველადი და მორიგი სპეციალური წოდების მისანიჭებლად ივსება სპეციალური წარდგინება, რომელიც ეგზავნება საგამოძიებო სამსახურის ადამიანური რესურსების მართვის სამმართველოს, მორიგი წოდების მისანიჭებელი ვადის გასვლამდე ერთი კვირით ადრე.

18. სპეციალური წოდებების მინიჭებაზე კონტროლს ახორციელებს საგამოძიებო სამსახურის ადამიანური რესურსების მართვის სამმართველო.“.