„საჯარო სამართლის იურიდიული პირის − სახელმწიფო ქონების ეროვნული სააგენტოს ანაზღაურებისა და ამონაგები თანხის განაწილების წესის დამტკიცების შესახებ“ საქართველოს მთავრობის 2012 წლის 17 სექტემბრის №393 დადგენილებაში ცვლილების შეტანის თაობაზე

1. პირველი მუხლი ჩამოყალიბდეს შემდეგი რედაქციით:

„მუხლი 1. ზოგადი დებულებები

„საჯარო სამართლის იურიდიული პირის − სახელმწიფო ქონების ეროვნული სააგენტოს ანაზღაურებისა და ამონაგები თანხის განაწილების წესი“ (შემდგომში – წესი) განსაზღვრავს საჯარო სამართლის იურიდიული პირის − სახელმწიფო ქონების ეროვნული სააგენტოს (შემდგომში – სააგენტო) ანაზღაურებისა და სააგენტოს მიერ სახელმწიფო ქონების სარგებლობაში გადაცემის, პრივატიზების/მართვის უფლებით გადაცემისა და ლიზინგის ფორმით გადაცემის შედეგად ამონაგები თანხის განაწილების წესს.“.

2.  მე-2 მუხლის პირველი პუნქტის:

ა) „ა“ და „ბ“ ქვეპუნქტები ჩამოყალიბდეს შემდეგი რედაქციით:

„ა) საპრივატიზებო თანხის/სარგებლობაში გადაცემის საფასურის  7%-ისგან (გარდა სახელმწიფო საკუთრებაში არსებული მოძრავი ქონების პრივატიზებისა და სახელმწიფო საკუთრებაში არსებული მოძრავი ქონების ლიზინგის ფორმით გადაცემის შედეგად ამონაგები თანხისა);

ბ) სახელმწიფო ქონების პრივატიზებისას (გარდა სახელმწიფო საკუთრებაში არსებული მოძრავი ქონების აუქციონის ფორმით პრივატიზებისა) „სახელმწიფო ქონების შესახებ“ საქართველოს კანონის მე-6 მუხლის მე-5 და მე-6 პუნქტების შესაბამისად გადასახდელი უპირობო და გამოუხმობი საბანკო გარანტიის/ბეს თანხის 7%-ისგან;“;

ბ) „ე“ ქვეპუნქტი ჩამოყალიბდეს შემდეგი რედაქციით:

„ე) სახელმწიფო საკუთრებაში არსებული მოძრავი ქონების პრივატიზებისა და ლიზინგის ფორმით გადაცემის შედეგად ამონაგები თანხისაგან, საქართველოს ეკონომიკისა და მდგრადი განვითარების სამინისტროსთან შეთანხმებული სააგენტოს წლიური ხარჯთაღრიცხვის მოცულობით.“.

3. მე-5 მუხლი ჩამოყალიბდეს შემდეგი რედაქციით:

„მუხლი 5. იურიდიული ან ფიზიკური პირისათვის/გადასახადის გადამხდელისათვის დასაბრუნებელი თანხა

„მიმდინარე კონტროლის პროცედურების ჩატარების, სასაქონლო-მატერიალურ ფასეულობათა ჩამოწერის, აღიარებული საგადასახადო დავალიანების დაფარვის, საგადასახადო დავალიანების გადახდევინების უზრუნველყოფის ღონისძიებების განხორციელების, სამართალდარღვევათა საქმისწარმოების წესის დამტკიცების თაობაზე“ საქართველოს ფინანსთა მინისტრის 2010 წლის 31 დეკემბრის №994 ბრძანებისა და „საბაჟო სამართალდარღვევის საქმის წარმოების წესის, საბაჟო სანქციის აღსრულების უზრუნველყოფის ღონისძიებებისა და მათი განხორციელების წესის“ დამტკიცების შესახებ“ საქართველოს ფინანსთა მინისტრის 2019 წლის 27 აგვისტოს №254 ბრძანების შესაბამისად, სააგენტოს მიერ პირის/გადასახადის გადამხდელისათვის შესაბამისი თანხის დაბრუნება ხორციელდება ქონების/მოძრავი ქონების პრივატიზების/ლიზინგის ფორმით გადაცემის შედეგად ამონაგები თანხიდან.“.

4.  მე-6 მუხლის:

ა) პირველი და მე-2 პუნქტები ჩამოყალიბდეს შემდეგი რედაქციით:

„1. სააგენტო საქართველოს ეკონომიკისა და მდგრადი განვითარების სამინისტროში წარადგენს კვარტალურ ანგარიშს ამ წესის დანართით განსაზღვრული ფორმით საანგარიშო კვარტალის მომდევნო თვის არაუგვიანეს 15 რიცხვისა. კვარტალურ ანგარიშში მიეთითება მონაცემები განვლილი კვარტალის განმავლობაში და წლის დასაწყისიდან მიღებული სახელმწიფო საკუთრებაში არსებული მოძრავი ქონების პრივატიზებისა და ლიზინგის ფორმით გადაცემის შედეგად ამონაგები თანხის განაწილების შესახებ.

2. სააგენტოს ყოველკვარტალური შემოსავლის მოცულობა სახელმწიფო საკუთრებაში არსებული მოძრავი ქონების პრივატიზების შედეგად ამონაგები თანხიდან განისაზღვრება ამ წესის მე-2 მუხლის პირველი პუნქტის „ე“ ქვეპუნქტის შესაბამისად, საქართველოს ეკონომიკისა და მდგრადი განვითარების სამინისტროსთან შეთანხმებული სააგენტოს წლიური ხარჯთაღრიცხვის ერთი მეოთხედის ოდენობით, იმის გათვალისწინებით, რომ თუკი სახელმწიფო საკუთრებაში არსებული მოძრავი ქონების პრივატიზებისა და ლიზინგის ფორმით გადაცემის შედეგად ამონაგები თანხა ნაკლებია საქართველოს ეკონომიკისა და მდგრადი განვითარების სამინისტროსთან შეთანხმებული სააგენტოს წლიური ხარჯთაღრიცხვის ერთ მეოთხედზე, სახელმწიფო საკუთრებაში არსებული მოძრავი ქონების პრივატიზებიდან სააგენტოს კუთვნილი შემოსავლის წინა კვარტალის შეუსრულებელი ნაწილი ავტომატურად გადაინაცვლებს შემდეგ კვარტალში.“;

ბ) მე-3 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) სააგენტო, ამ მუხლის პირველი პუნქტით გათვალისწინებული კვარტალური ანგარიშის წარდგენიდან არაუგვიანეს 5 სამუშაო დღისა, სახელმწიფო ბიუჯეტში მიმართავს სახელმწიფო საკუთრებაში არსებული მოძრავი ქონების პრივატიზებისა და ლიზინგის ფორმით გადაცემის შედეგად ამონაგები თანხიდან ამ წესის დანართით განსაზღვრულ ბიუჯეტის კუთვნილ თანხებს.“.

5. დანართი ჩამოყალიბდეს შემდეგი რედაქციით:

 „დანართი