„სახელმწიფო ხაზინის განკარგულებაში არსებული ფულადი სახსრების განთავსების წესის დამტკიცების შესახებ“ საქართველოს მთავრობის 2017 წლის 22 ივნისის №301 დადგენილებაში ცვლილების შეტანის თაობაზე

1. მე-3 მუხლის:

ა) მე-5 პუნქტი ჩამოყალიბდეს შემდეგი რედაქციით:

„5. სახელმწიფო ხაზინა აუქციონის ჩატარების თარიღამდე არაუგვიანეს წინა დღისა კომერციულ ბანკებს უგზავნის ელექტრონულ შეტყობინებას აუქციონის გამოცხადების შესახებ, ამავე მუხლის მე-7 და მე-8 პუნქტების შესაბამისად.“;

ბ) მე-6  პუნქტი ჩამოყალიბდეს შემდეგი რედაქციით:

„6. სახელმწიფო ხაზინას უფლება აქვს, მიზეზის მითითების გარეშე გააუქმოს გამოცხადებული აუქციონი ან ცვლილება შეიტანოს მის პირობებში, რის შესახებაც აუქციონის დაწყებამდე არანაკლებ 1 საათით ადრე სახელმწიფო ხაზინა აცნობებს კომერციულ ბანკებს იმავე საშუალებით, რითაც მოხდა აუქციონის გამოცხადების შესახებ შეტყობინების გაგზავნა.“;

გ) მე-8 პუნქტის „ბ“ – „ე“ ქვეპუნქტები ჩამოყალიბდეს შემდეგი რედაქციით:

„ბ) აუქციონზე გამოტანილი უზრუნველყოფილი დეპოზიტის თანხის საერთო მოცულობას;

გ)  უზრუნველყოფილი დეპოზიტის მინიმალურ წლიურ საპროცენტო განაკვეთს;

დ)  უზრუნველყოფილი დეპოზიტის განთავსებისა და დაფარვის თარიღებს;

ე) უზრუნველყოფილ დეპოზიტზე პროცენტის გადახდის პერიოდულობას;“.

2.  მე-5 მუხლის მე-2 პუნქტი ჩამოყალიბდეს შემდეგი რედაქციით:

„2. თითოეულ კომერციულ ბანკში განსათავსებელი დეპოზიტის თანხის დასაშვები მაქსიმალური ჯამური მოცულობა განისაზღვრება აუქციონის ჩატარების დღისათვის კომერციული ბანკის საკუთარი კაპიტალის 7%-ის ოდენობით, „კომერციული ბანკების მიერ პილარ 3-ის ფარგლებში ინფორმაციის გამჟღავნების წესის დამტკიცების თაობაზე“ საქართველოს ეროვნული ბანკის პრეზიდენტის 2017 წლის 22 ივნისის №92/04 ბრძანების შესაბამისად გამოქვეყნებული უახლესი კვარტალური ფინანსური ანგარიშგების მიხედვით.“.

3. მე-6 მუხლის:

ა) მე-4 პუნქტი ჩამოყალიბდეს შემდეგი რედაქციით:

„4. უზრუნველყოფილი დეპოზიტისთვის ფასიანი ქაღალდების უზრუნველყოფის საშუალებად გამოყენება ხდება საქართველოს ფასიანი ქაღალდების ანგარიშსწორების სისტემაში (GSSS), ანგარიშსწორების დღეს, ხოლო უზრუნველყოფის საშუალებად მისი მოქმედების ვადა არანაკლებ 2 საბანკო დღით უნდა აღემატებოდეს უზრუნველყოფილი დეპოზიტის ვადას.“;

ბ)  მე-5 პუნქტი ამოღებულ იქნეს;

გ) მე-8 პუნქტი ჩამოყალიბდეს შემდეგი რედაქციით:

„8. უზრუნველყოფილი დეპოზიტის ვადის გასვლის დღეს კომერციული ბანკი ვალდებულია, ხაზინის ერთიან ანგარიშზე ჩარიცხოს უზრუნველყოფილი დეპოზიტის ძირითადი თანხა და დარიცხული პროცენტი, ხოლო სახელმწიფო ხაზინა გამოათავისუფლებს უზრუნველყოფის სახით მიღებულ ფასიან ქაღალდებს.“;

დ)  მე-9 და მე-10 პუნქტები ამოღებულ იქნეს.

4. მე-8 მუხლის:

ა) მე-4 პუნქტი ჩამოყალიბდეს შემდეგი რედაქციით:

„4. უზრუნველყოფილი ვადიანი დეპოზიტის ვადაზე ადრე გამოთხოვის შემთხვევაში, უზრუნველყოფის საშუალებად გამოყენებულ ფასიან ქაღალდებს სახელმწიფო ხაზინა გამოათავისუფლებს კომერციული ბანკის მიერ ხაზინის ერთიან ანგარიშზე სრული თანხის ჩარიცხვის დღეს.“;

ბ)  მე-5 პუნქტი ამოღებულ იქნეს.