„წალენჯიხის მუნიციპალიტეტის 2026 წლის ბიუჯეტით გათვალისწინებული ჯანმრთელობის დაცვისა და სოციალური უზრუნველყოფის პროგრამების განხორცილების წესის დამტკიცების შესახებ“ წალენჯიხის მუნიციპალიტეტის საკრებულოს 2025 წლის 30 დეკემბრის №26 დადგენილებაში ცვლილების შეტანის თაობაზე

ა)  მე-4 მუხლის მე-2 პუნქტი ჩამოყალიბდეს შემდეგი რედაქციით:

„2. ზოგიერთ სხვა დაავადებებში ჩაითვალოს: პარკინსონის დაავადება, ლეიკემია, გაფანტული სკლეროზი, მოტონეირონთა დაავადება, სირინგომიელია, ცერებრული დამბლა, კუნთთა პროგრესიული დისტროფია, სისტემური წითელი მგლურა, იცენგო-კუშინგი,  მალასორბცია, რომლებიც სისტემატურად საჭიროებენ მედიკამენტოზურ მკურნალობასა და კლინიკო-ლაბორატორიულ კვლევებს.“;

ბ) 23-ე მუხლის მე-2 პუნქტი ჩამოყალიბდეს შემდეგი რედაქციით:

„2. წარმოსადგენი დოკუმენტაცია:  

ა) პირადობის დამადასტურებელი დოკუმენტი;

ბ) სსე (სამედიცინო სოციალური ექსპერტიზა) შემოწმების აქტის ამონაწერი სტატუსით „მკვეთრად გამოხატული“; 

გ) 0-18 წლამდე ბავშვების შემთხვევაში სსე(სამედიცინო სოციალური ექსპერტიზა) შემოწმების აქტის ამონაწერი სტატუსით „შეზღუდული შესაძლებლობების მქონე“ და სამედიცინო ფორმა №100;

დ)  განმცხადებლის საბანკო ანგარიში.“;

გ) 24-ე მუხლის მე-3 პუნქტი ჩამოყალიბდეს შემდეგი რედაქციით:

„3. წარმოსადგენი დოკუმენტაცია:

ა) პირადობის დამადასტურებელი დოკუმენტი;

ბ) ონკოლოგიური პაციენტის ჯანმრთელობის ცნობა ფორმა №100 საჭირო კვლევის მითითებით;

გ) ცნობა სსიპ „ჯანმრთელობის ეროვნული სააგენტოდან“ სახელმწიფოს მიერ მაღალტექნოლოგიური სამედიცინო კვლევების დაფინანსების თაობაზე;

დ) მომსახურების მიმწოდებლის მიერ გაცემული შესაბამისი ანგარიშფაქტურა და კალკულაცია.“;

დ) 27-ე მუხლის მე-3 პუნქტი ჩამოყალიბდეს ახალი რედაქციით:

„3. წარმოსადგენი დოკუმენტაცია:

ა) პირადობის დამადასტურებელი დოკუმენტი ან/და იძულებით გადაადგილებული პირის – დევნილის მოწმობა;

ბ) ცნობა საჯარო რეესტრიდან განმცხადებლის  უძრავი ქონების (საცხოვრისი) არარსებობის შესახებ;

გ) ცნობა საჯარო რეესტრიდან განმცხადებლის ოჯახის შემადგენლობის შესახებ; დ) ამონაწერი სოციალურად დაუცველი ოჯახების მონაცემთა ერთიანი ბაზიდან;

ე) შეზღუდული შესაძლებლობის პირის სამედიცინო სოციალური ექსპერტიზის შემოწმების აქტი (მკვეთრად ან/და მნიშვნელოვნად გამოხატული).“.