„საქართველოს ეკონომიკისა და მდგრადი განვითარების სამინისტროს დებულების დამტკიცების შესახებ“ საქართველოს მთავრობის 2016 წლის 11 თებერვლის №70 დადგენილებაში ცვლილების შეტანის თაობაზე

1. მე-2 მუხლის მე-2 პუნქტის:

ა) „ლ“ ქვეპუნქტი ჩამოყალიბდეს შემდეგი რედაქციით:

„ლ) სამობილიზაციო ღონისძიებათა შემუშავებისა და განხორციელების ხელშეწყობა; სამობილიზაციო გეგმების შემუშავებაში მონაწილეობა შესაბამისი აღმასრულებელი ხელისუფლების დაწესებულებებთან; საგანგებო და საომარი მდგომარეობის დროს კავშირგაბმულობის, ფოსტისა და სატრანსპორტო საშუალებათა პრიორიტეტული გამოყენება და/ან მართვა, კანონმდებლობით დადგენილი წესით, მიუხედავად მათი საკუთრების ფორმისა, ასევე ციფრული ტრანსფორმაციის, ციფრული ეკონომიკისა და საინფორმაციო საზოგადოების ფუნქციონირების კოორდინაცია;“;

ბ) „ჰ“ ქვეპუნქტის შემდგომ დაემატოს შემდეგი შინაარსის „ჰ¹“ ქვეპუნქტი:

„ჰ¹) ქვეყანაში ციფრული ტრანსფორმაციის, ციფრული ეკონომიკისა და საინფორმაციო საზოგადოების განვითარების კოორდინაცია და მასთან დაკავშირებული სახელმწიფო პოლიტიკის, პროგრამებისა და პროექტების მონიტორინგი.“.

2. მე-7 მუხლის „ჟ“ ქვეპუნქტი ჩამოყალიბდეს შემდეგი რედაქციით:

„ჟ) კავშირგაბმულობის, საინფორმაციო და თანამედროვე ტექნოლოგიების დეპარტამენტი − ელექტრონული კომუნიკაციების, საინფორმაციო ტექნოლოგიებისა და ფოსტის, სამეცნიერო-ტექნოლოგიური ინოვაციების სფეროში, ასევე ქვეყანაში ციფრული ტრანსფორმაციის, ციფრული ეკონომიკისა და საინფორმაციო საზოგადოების განვითარების სახელმწიფო პოლიტიკის ძირითად მიმართულებათა შემუშავებასა და განხორციელებაში მონაწილეობა, კომპეტენციის ფარგლებში; ქვეყანაში ექსპორტზე ორიენტირებული სამეცნიერო-ტექნოლოგიური ინოვაციებისა და საინფორმაციო ტექნოლოგიური პროდუქტების გაჩენის ხელშეწყობისათვის, ასევე სამეცნიერო-ტექნოლოგიური პროდუქტების კომერციალიზაციის ხელშეწყობისათვის სახელმწიფო პოლიტიკის ძირითადი მიმართულებების, საშუალო და გრძელვადიანი სტრატეგიისა და პრიორიტეტის განსაზღვრა და მათზე დაფუძნებული პროგრამების შემუშავება, განხორციელება და მონიტორინგი; ელექტრონული კომუნიკაციების, საინფორმაციო ტექნოლოგიებისა და ფოსტის, ასევე სამეცნიერო-ტექნოლოგიური ინოვაციების სფეროს განვითარებისა და სრულყოფის სტრატეგიის, პროგრამების შემუშავება და კანონით დადგენილი წესით დამტკიცების შემდეგ მათ განხორციელებაში მონაწილეობა; ქვეყანაში საინფორმაციო საზოგადოების ჩამოყალიბებისა და განვითარების პოლიტიკის შემუშავება და მის განხორციელებაში მონაწილეობა; საქართველოს ელექტრონული ხელისუფლების კონცეფციის, სტრატეგიული გეგმისა და პროგრამის შემუშავება სახელმწიფო მმართველობის სრულყოფისათვის, ინოვაციების, საინფორმაციო და სატელეკომუნიკაციო ტექნოლოგიების განვითარების ბაზაზე; კიბერ და საინფორმაციო უსაფრთხოების პოლიტიკის შემუშავებაში მონაწილეობა და მონიტორინგი; ელექტრონული კომუნიკაციების, საინფორმაციო ტექნოლოგიებისა და ფოსტის, ასევე სამეცნიერო-ტექნოლოგიური ინოვაციების სფეროში ნორმატიული აქტების პროექტების შემუშავებაში მონაწილეობა; სათანადო ღონისძიებათა შემუშავება ქვეყნის ელექტრონული კომუნიკაციებისა და ფოსტის ქსელების მსოფლიო ელექტრონული კომუნიკაციებისა და ფოსტის გლობალურ ქსელებში ინტეგრირების მიზნით; ქვეყნის სამეცნიერო-ტექნოლოგიური ინოვაციებისა და საინფორმაციო ტექნოლოგიური პროდუქტების სათანადო ღონისძიებათა შემუშავება ლოკალურ და გლობალურ ბაზრებზე დამკვიდრების ხელშეწყობისათვის; ქვეყნის ელექტროკომუნიკაციებისა და ფოსტის ქსელებში მოწინავე ტექნიკისა და ტექნოლოგიების, ტექნიკური ინოვაციების დანერგვის ხელშეწყობა; ქვეყანაში ელექტრონული კომუნიკაციებისა და ფოსტის ქსელებისა და საშუალებების, ინფორმატიზაციის განვითარების, სრულყოფისა და ფუნქციონირების კოორდინაცია; საგანგებო ან/და საომარი მდგომარეობის დროს, მათ შორის, კიბერ ან/და საინფორმაციო შეტევების პერიოდში, საერთო სარგებლობის ელექტრონული კომუნიკაციების, საინფორმაციო ტექნოლოგიური და ფოსტის ქსელებისა და საშუალებათა ფუნქციონირების კოორდინაცია, კანონმდებლობით დადგენილი წესით, მიუხედავად მათი საკუთრების ფორმისა, ასევე ციფრული ტრანსფორმაციის, ციფრული ეკონომიკისა და საინფორმაციო საზოგადოების საჭიროებების კოორდინაცია; საფოსტო საგადახდო ნიშნების (მარკები, მარკირებული კონვერტები და მარკირებული ღია ბარათები) გამოცემისა და გავრცელების ორგანიზება; იმ გზავნილებათა ნუსხის მომზადება, რომელთა სახელმწიფოში შემოტანა ან სახელმწიფოდან გატანა საფოსტო კავშირის ქსელებით აკრძალულია ან შეზღუდულია; ელექტრონული კომუნიკაციების, საინფორმაციო ტექნოლოგიებისა და ფოსტის, ასევე სამეცნიერო-ტექნოლოგიური ინოვაციების სფეროების ტექნიკური და ეკონომიკური ანალიზი, მათი შემდგომი განვითარების პროგნოზირება; ნუმერაციის ეროვნული სისტემის შემუშავებაში მონაწილეობა; ელექტრონული კომუნიკაციებისა და ფოსტის სფეროში სტანდარტების ჩამონათვალის შედგენასა და მის განხორციელებაში მონაწილეობა; გეოსტაციონარულ ორბიტაზე საქართველოს პოზიციების გამოყენების, რადიოელექტრონულ საშუალებათა ელექტრომაგნიტური შეთავსებადობის ტექნიკური პოლიტიკის შემუშავებაში მონაწილეობა; ორგანიზაციებთან, უცხო ქვეყნების კავშირგაბმულობისა და საინფორმაციო ტექნოლოგიების ადმინისტრაციებთან, ციფრულ ტრანსფორმაციაზე, ციფრული ეკონომიკისა და საინფორმაციო საზოგადოების განვითარებაზე პასუხისმგებელ უცხო ქვეყნის ადმინისტრაციებსა და საერთაშორისო ორგანიზაციებთან თანამშრომლობა, კანონმდებლობით დადგენილი წესით; საინფორმაციო და საკომუნიკაციო ბაზრის ლიბერალიზაციის, შესაბამისი საკანონმდებლო და ნორმატიული ბაზის შემუშავება; ელექტრონული სერვისების, ელექტრონული კომერციის, ინტერნეტკონტენტის მიმართულებით შესაბამისი საკანონმდებლო-ნორმატიული ბაზის განვითარების მოკლე, საშუალო და გრძელვადიანი სტრატეგიისა და პრიორიტეტის განსაზღვრა და მათზე დაფუძნებული პროგრამების შემუშავება, განხორციელება, ამ პროცესის შესწავლა და ანალიზი; ქვეყნის ციფრული ტრანსფორმაციის, ციფრული ეკონომიკისა და საინფორმაციო საზოგადოების განვითარების სახელმწიფო პოლიტიკის ძირითად მიმართულებათა განხორციელების კოორდინაცია და მონიტორინგი;  ქვეყნის ციფრული ტრანსფორმაციის, ციფრული ეკონომიკისა და საინფორმაციო საზოგადოების განვითარების მიმართულებით სტრატეგიების, პროგრამების შემუშავება და კანონით დადგენილი წესით დამტკიცების შემდეგ მათ განხორციელებაში მონაწილეობა, მონიტორინგი და კოორდინაცია; ქვეყანაში ციფრული ტრანსფორმაციისკენ მიმართული აქტივობების ეფექტიანი კოორდინაციისა და განხორციელებისთვის ადმინისტრაციულ ორგანოებთან, კერძო სექტორთან, სამოქალაქო საზოგადოებასთან, სამეცნიერო წრეებთან, ადგილობრივ/უცხოელ ინვესტორებსა და განვითარების პარტნიორებთან თანამშრომლობა; სათანადო ღონისძიებათა შემუშავება ქვეყნის ციფრული ტრანსფორმაციის, ციფრული ეკონომიკისა და საინფორმაციო საზოგადოების განვითარების მიმართულებით, გლობალურ ციფრულ ეკონომიკაში  ინტეგრირების მიზნით; ქვეყნის ციფრული ტრანსფორმაციის, ციფრული ეკონომიკისა და საინფორმაციო საზოგადოების, ხელოვნური ინტელექტის (AI), განვითარების მიმართულებით, მოწინავე ტექნიკისა და ტექნოლოგიების, ტექნიკური ინოვაციების დანერგვის ხელშეწყობა; სხვადასხვა უწყებისათვის, ორგანიზაციებისა და სააგენტოებისთვის მხარდაჭერის უზრუნველყოფა ციფრული პოლიტიკისა და ციფრულ საკითხებზე სტრატეგიული დოკუმენტებით გათვალისწინებული მიზნების, ასევე ციფრული ტრანსფორმაციის მიმართულებით განსახორციელებელი სხვადასხვა სტრატეგიული დოკუმენტის, ციფრული პროგრამებისა და პროექტების განხორციელების პროცესში; ქვეყანაში ციფრული ტრანსფორმაციის კუთხით კოორდინაციის ფუნქციების განხორციელების მიზნით, შესაბამისი საკანონმდებლო პროექტების მომზადება და მათი განხორციელება, მონიტორინგი და კოორდინაცია, კომპეტენციის ფარგლებში; ქვეყანაში ციფრული პროექტების მართვაში მონაწილეობა, მათ შორის, პროექტების დაგეგმვის, რესურსების განაწილებისა და რისკების მართვის კუთხით; ადმინისტრაციული ორგანოებისათვის რეკომენდაციების მიწოდება ციფრული ტრანსფორმაციის მიმართულებით, მათ შორის, სხვადასხვა ციფრული გადაწყვეტილებების ხარვეზების იდენტიფიცირება და ტექნოლოგიური გადაწყვეტილებებისა და პროცესების შესახებ რეკომენდაციების მიწოდება; ქვეყანაში ციფრული უნარებისა და ციფრული ინკლუზიის განვითარების ხელშეწყობა და კოორდინაცია, ციფრულ ტექნოლოგიებზე თანაბარი ხელმისაწვდომობის უზრუნველყოფისა და ციფრული უთანასწორობის გადალახვის მიზნით;“.