„დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2026 წლის პროგრამისა და მისი ბიუჯეტის დამტკიცების შესახებ“ დედოფლისწყაროს მუნიციპალიტეტის საკრებულოს 2025 წლის 24 დეკემბრის №23 დადგენილებაში ცვლილების შეტანის თაობაზე

„დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2026 წლის პროგრამისა და მისი ბიუჯეტის დამტკიცების შესახებ “ დედოფლისწყაროს მუნიციპალიტეტის საკრებულოს 2025 წლის 24 დეკემბრის №23 დადგენილებაში (www.matsne.gov.ge. 25.12.2025 წ. , სარეგისტრაციო კოდი 190040000.35.169.016598) შეტანილ იქნეს შემდეგი ცვლილება :

1. დადგენილებით დამტკიცებული დანართი 1-ის („დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2026 წლის პროგრამა “) მე - 2 მუხლის 1-ელი პუნქტის „ტ “ ქვეპუნქტში შევიდეს ცვლილება და ჩამოყალიბდეს ახალი რედაქციით :

„ტ ) კრიზისულ მდგომარეობაში მყოფი ბავშვიანი ოჯახებისთვის პირველადი საჭიროების (აუცილებელი საყოფაცხოვრებო ტექნიკა ან საოჯახო ინვენტარი ) ნივთებით უზრუნველყოფა .“.

2. დადგენილებით დამტკიცებული დანართი 1-ის („დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2026 წლის პროგრამა “) მე -2 მუხლის 1-ელ პუნქტს დაემატოს „ფ “ ქვეპუნქტი :

„ფ ) ხანძრის შედეგად დაზარალებული ოჯახის ერთჯერადი ფულადი დახმარება .“.

 3. დადგენილებით დამტკიცებული დანართი 1-ის („დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2026 წლის პროგრამა “) მე - 2 მუხლის მე -2 პუნქტის „ფ “ ქვეპუნქტში შევიდეს ცვლილება და ჩამოყალიბდეს ახალი რედაქციით :

„ფ ) დედოფლისწყაროს მუნიციპალიტეტის მერიის ჯანმრთელობის დაცვისა და სოციალური მომსახურების სამსახურის ბავშვთა უფლებების დაცვისა და მხარდაჭერის განყოფილების ბავშვისა და ოჯახის სოციალური მუშაკის მიერ გამოვლენილი კრიზისულ მდგომარეობაში მყოფი ბავშვიანი ოჯახი .“.

4. დადგენილებით დამტკიცებული დანართი 1-ის („დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2026 წლის პროგრამა “) მე - 2 მუხლის მე -2 პუნქტს დაემატოს „ღ “ ქვეპუნქტი :

„ღ ) ხანძრის შედეგად დაზარალებული ოჯახი .“.

5. დადგენილებით დამტკიცებული დანართი 1-ის („დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2026 წლის პროგრამა “) მე - 2 მუხლის მე -3 პუნქტში შევიდეს ცვლილება და ჩამოყალიბდეს ახალი რედაქციით :

„3. ამ მუხლის მე -2 პუნქტით განსაზღვრულ კატეგორიებზე , გარდა „ზ “; „თ “; „ი “; „მ “; „ნ “; „ო “; „პ “; „რ “; „ს “; „ტ “, „უ “; „ფ “; „ქ “ და „ღ “ ქვეპუნქტებისა , სოციალური დახმარება გაიცემა მხოლოდ იმ შემთხვევაში , თუ ოჯახი დარეგისტრირებულია სიღატაკის დაძლევის სახელმწიფო პროგრამის მონაცემთა ერთიან ბაზაში და სარეიტინგო ქულა 150 000 ან ნაკლებია .“.

6. დადგენილებით დამტკიცებული დანართი 1-ის („დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2026 წლის პროგრამა “) მე -4 მუხლის მე -14 პუნქტში შევიდეს ცვლილება და ჩამოყალიბდეს ახალი რედაქციით :

„14. მაღალი აკადემიური მოსწრების სტუდენტების წახალისების მიზნით ერთჯერადი ფულადი დახმარების მისაღებად წარმოსადგენი დოკუმენტაცია :

ა ) განცხადება ;

ბ ) განმცხადებლის (სტუდენტის ) პირადობის დამადასტურებელი დოკუმენტის ასლი ;

გ ) ცნობა უმაღლესი სასწავლებლიდან (აკრედიტებული უმაღლესი სასწავლებელი ) მაღალი აკადემიური მოსწრების შესახებ , სემესტრის (2025-2026 სასწავლო წელი ) მიხედვით ცალ -ცალკე დადგენილი ვადების შესაბამისად ;

დ ) საბანკო ანგარიშის რეკვიზიტები .“.

7. დადგენილებით დამტკიცებული დანართი 1-ის („დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2026 წლის პროგრამა “) მე - 4 მუხლს დაემატოს მე -16 პუნქტი :

„16. ხანძრის შედეგად დაზარალებული ოჯახის დასახმარებლად წარმოსადგენი დოკუმენტაცია :

ა ) განცხადება ;

ბ ) განმცხადებლის პირადობის დამადასტურებელი დოკუმენტის ქსეროასლი;

გ ) ცნობა სახანძრო -სამაშველო სამსახურიდან ;

დ ) ბინის მფლობელის საკუთრების დამადასტურებელი დოკუმენტი საჯარო რეესტრიდან ან საჭიროების შემთხვევაში ადმინისტრაციულ ერთეულში დედოფლისწყაროს მუნიციპალიტეტის მერის წარმომადგენლის ცნობა , ქონების მართლზომიერი მფლობელობის შესახებ ;

ე ) შესაბამის ადმინისტრაციულ ერთეულში მერის წარმომადგენლის ინფორმაცია ოჯახის შემადგენლობის შესახებ (საჭიროების შემთხვევაში );

ვ ) დედოფლისწყაროს მუნიციპალიტეტის მერიის , სტიქიის შედეგად დაზარალებული ოჯახების ზარალის ოდენობის განსაზღვრისა და შემდგომი ღონისძიებების დაგეგმვის მიზნით , მუდმივმოქმედი კომისიის დასკვნა ;

ზ ) განმცხადებლის საბანკო ანგარიშის რეკვიზიტები .“.

8. დადგენილებით დამტკიცებული დანართი 1-ის („დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2026 წლის პროგრამა “) მე -5 მუხლის 22-ე პუნქტში შევიდეს ცვლილება და ჩამოყალიბდეს ახალი რედაქციით :

„22. მაღალი აკადემიური მოსწრების სტუდენტების (ყველა საგანში 91-დან  – 100 ქულის ჩათვლით ან /და GPA რეიტინგი სემესტრის მიხედვით 91 ქულიდან ზემოთ (A შეფასება ) წახალისების მიზნით ერთჯერადი ფულადი დახმარების ოდენობა სემესტრის მიხედვით შეადგენს 1000 ( ერთი ათასი ) ლარს .“.

9. დადგენილებით დამტკიცებული დანართი 1-ის („დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2026 წლის პროგრამა “) მე - 5 მუხლს დაემატოს 24-ე და 25-ე პუნქტები :

„24. ხანძრის შედეგად დაზარალებული ოჯახისათვის საცხოვრებელ სახლზე მიყენებული ზარალისათვის ერთჯერადი ფულადი დახმარების ოდენობა განისაზღვროს დაზიანებული ფართის მიხედვით , პროცენტულად არაუმეტეს 5000 (ხუთი ათასი ) ლარისა .“.

 25. კრიზისულ მდგომარეობაში მყოფი ბავშვიანი ოჯახებისთვის პირველადი საჭიროების (აუცილებელი საყოფაცხოვრებო ტექნიკა ან საოჯახო ინვენტარი ) ნივთების შესაძენად სოციალური დახმარების ოდენობა ერთ ოჯახზე შეადგენს არაუმეტეს 600 ლარს .“.

10. დადგენილებით დამტკიცებული დანართი 1-ის („დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2026 წლის პროგრამა “) მე - 6 მუხლში შევიდეს ცვლილება და ჩამოყალიბდეს ახალი რედაქციით :

„მუხლი 6. სამედიცინო მომსახურების დაფინანსების ან თანადაფინანსების თანხის ოდენობა და სოციალური დახმარების კომისიის მუშაობის წესი

1. გადაუდებელი (უკვე ჩატარებული ), მწვავე სტაციონარული მკურნალობა , გეგმური სტაციონარული მკურნალობა , მაგნიტურ -რეზონანსული და კომპიუტერული ტომოგრაფია , წელიწადში ერთჯერ დაუფინანსდება ბენეფიციართა იმ კატეგორიას , რომლებიც სარგებლობენ საყოველთაო დაზღვევის სახელმწიფო პროგრამით , რეგისტრირებულნი არიან სოციალური მომსახურების სააგენტოს სიღატაკის დაძლევის სახელმწიფო პროგრამის მონაცემთა ერთიან ბაზაში და მინიჭებული აქვს სარეიტინგო ქულა 150 000 ან ნაკლები , შემდეგი პროპორციით :

300 (სამასი ) ლარამდე  – გადაირიცხება მოთხოვნილი თანხის 100%;

300 (სამასი ) ლარიდან ზევით  – 50%, მაგრამ არაუმეტეს 500 ლარისა ;

2. სხვა ძვირადღირებული კვლევა ან სამედიცინო მანიპულაცია (ექიმის დანიშნულებით , მკურნალობის შემდგომი ტაქტიკის განსაზღვრის მიზნით ), რომლის ერთეულის ღირებულება შეადგენს 200 (ორასი ) ლარს და მეტს , წელიწადში ერთჯერ დაუფინანსდება ბენეფიციართა იმ კატეგორიას , რომლებიც სარგებლობენ საყოველთაო დაზღვევის სახელმწიფო პროგრამით , რეგისტრირებული არიან სოციალური მომსახურების სააგენტოს სიღატაკის დაძლევის სახელმწიფო პროგრამის მონაცემთა ერთიან ბაზაში და მინიჭებული აქვს სარეიტინგო ქულა 150 000 ან ნაკლები , შემდეგი პროპორციით :

200 (ორასი )-დან 300 (სამასი ) ლარამდე  – გადაირიცხება მოთხოვნილი თანხის 100%;

300 (სამასი ) ლარიდან ზევით  – 50%, მაგრამ არაუმეტეს 500 ლარისა.

3. მცირე ფასიანი კვლევები , ანალიზები და სხვა მანიპულაციები , რომელთა ჯამური ღირებულება შეადგენს 300 (სამასი ) ლარს და მეტს , წელიწადში ერთჯერ დაუფინანსდება ბენეფიციართა იმ კატეგორიას , რომლებიც სარგებლობენ საყოველთაო დაზღვევის სახელმწიფო პროგრამით , რეგისტრირებულნი არიან სოციალური მომსახურების სააგენტოს სიღატაკის დაძლევის სახელმწიფო პროგრამის მონაცემთა ერთიან ბაზაში და მინიჭებული აქვს სარეიტინგო ქულა 150 000 ან ნაკლები , შემდეგი პროპორციით :

300 – ლარიდან ზევით  – 50%, არაუმეტეს 500 ლარისა ;

4. 0-6 წლის ჩათვლით ბავშვებს :

ა ) ამ მუხლის 1-ლი , მე -2 და მე -3 პუნქტებით გათვალისწინებული სამედიცინო მომსახურება პირველი მომართვის შემთხვევაში დაუფინანსდებათ შესაბამისი პროპორციებით , ხოლო  მეორედ მომართვის შემთხვევაში ამ მუხლის 1-ლი პუნქტით გათვალისწინებული სამედიცინო მომსახურებები დაუფინანსდებათ ფინანსურ დოკუმენტში მითითებული თანხიდან გამომდინარე არაუმეტეს 500 (ხუთასი ) ლარისა . ამ მუხლის მე -2 და მე -3 პუნქტებით გათვალისწინებული სამედიცინო მომსახურებები დაუფინანსდებათ ამავე პუნქტებით განსაზღვრული პროპორციებით , სარეიტინგო ქულის გათვალისწინების გარეშე .

ბ ) ამ მუხლის 1-ლი , მე -2 და მე -3 პუნქტებით განსაზღვრული სამედიცინო მომსახურება დაუფინანსდებათ იმ შემთხვევაშიც , თუ სამედიცინო დაწესებულება ჩართული არ არის საყოველთაო დაზღვევის სახელმწიფო პროგრამაში ;

გ ) ამ მუხლის 1-ლი , მე -2 და მე -3 პუნქტებით განსაზღვრული სამედიცინო მომსახურება დაუფინანსდებათ კერძო დაზღვევით სარგებლობის შემთხვევაშიც .

5. 6-18 წლამდე ბავშებს , შშმ პირებს (18 წლამდე ასაკის შშმ პირები , მკვეთრად , მნიშვნელოვნად და ზომიერად გამოხატული შშმ პირები ) და ასაკით პენსიონერებს :

მაგნიტურ - რეზონანსული ტომოგრაფია , კომპიუტერული კვლევა და სხვა ძვირადღირებული (რომლის ერთეულის ღირებულებაც შედგენს 200 ლარს და მეტს ) კვლევა დაუფინანსდებათ , წელიწადში ერთჯერ , ფინანსურ დოკუმენტში მითითებული თანხის შესაბამისად არაუმეტეს 300 ლარისა , სარეიტინგო ქულის გათვალისწინების გარეშე ;

6. 18 წლიდან საპენსიო ასაკამდე პირებს : გადაუდებელი (უკვე ჩატარებული ), მწვავე სტაციონარული მკურნალობა დაუფინანსდებათ ამავე მუხლის 1-ლი პუნქტით განსაზღვრული პირობებით , სარეიტინგო ქულის გათვალისწინების გარეშე ;

7. 18 წლამდე ასაკის სპორტსმენებს ტრავმირებისას , სპორტულ ვარჯიშზე , შეჯიბრებაზე ან სპორტულ ღონისძიებაზე ჯანმრთელობის დაზიანების შემთხვევაში :

 ამ მუხლის 1-ლი , მე -2 პუნქტებით განსაზღვრული სამედიცინო მომსახურება სარეიტინგო ქულის გათვალისწინების გარეშე , საყოველთაო პირველი მომართვის შემთხვევაში დაუფინანსდებათ ამავე პუნქტებით განსაზღვრული პირობების გათვალისწინებით , ხოლო მეორედ მომართვისას - ფინანსურ დოკუმენტში მითითებული თანხიდან გამომდინარე, არაუმეტეს 500 ლარისა.

8. ხანდაზმულთა პანსიონატში , შეზღუდული შესაძლებლობის მქონე პირთა სათემო ორგანიზაციებში ან სხვა სპეციალურ დაწესებულებაში მყოფ ბენეფიციარებს :

ამავე მუხლის 1-ლი პუნქტით განსაზღვრული სამედიცინო მომსახურება , საყოველთაო დაზღვევის სახელმწიფო პროგრამის ფარგლებში , წელიწადში ორჯერ დაუფინანსდებათ ფინანსურ დოკუმენტში მითითებული თანხის შესაბამისად , არაუმეტეს 500 (ხუთასი ) ლარისა , სარეიტინგო ქულის გათვალისწინების გარეშე .

9. ონკოლოგიური დიაგნოზის მქონე პაციენტებს :

ა ) ამ მუხლის 1-ლი , მე -2 და მე -3 პუნქტებით განსაზღვრული სამედიცინო მომსახურება დაუფინანსდებათ 1000 ლარამდე თანხით ლიმიტის ამოწურვამდე (საჭიროებისამებრ ერთჯერადად ან მრავალჯერადად მომართვისას , ლიმიტის ამოწურვამდე ), სარეიტინგო ქულის გათვალისწინების გარეშე ;

ბ ) ამ მუხლის 1-ლი , მე -2 და მე -3 პუნქტებით განსაზღვრული სამედიცინო მომსახურება დაუფინანსდებათ იმ შემთხვევაშიც , თუ სამედიცინო დაწესებულება ჩართული არ არის საყოველთაო დაზღვევის სახელმწიფო პროგრამაში ;

გ ) ამ მუხლის 1-ლი , მე -2 და მე -3 პუნქტებით განსაზღვრული სამედიცინო მომსახურება დაუფინანსდებათ კერძო დაზღვევით სარგებლობის შემთხვევაშიც ;

10. გადაუდებელი (უკვე ჩატარებული ) სამედიცინო მომსახურების შემთხვევაში პაციენტი ვალდებულია წარმოადგინოს სამედიცინო დაწესებულებასთან გაფორმებული ხელშეკრულება , შეთანხმება ან სხვა მსგავსი დოკუმენტი , რომელიც გულისხმობს ამ სამედიცინო დაწესებულების მიმართ პაციენტის მიერ აღიარებულ დავალიანებას და მიღებული სამედიცინო მომსახურების ღირებულების სრულად გადახდის ვალდებულებას . ამ ტიპის სამედიცინო მომსახურების დასაფინანსებლად განცხადების წარმოდგენა უნდა მოხდეს სამედიცინო დაწესებულების მიერ პაციენტის გაწერიდან 14 სამუშაო დღის განმავლობაში .

11. ამ მუხლის 1-ლი , მე -2 და მე -3 პუნქტებით განსაზღვრული სამედიცინო მომსახურების დასაფინანსებლად პირველ ეტაპზე სამი თვის ვადით გაიცემა ადმინისტრაციული დაპირება .

12. მოქალაქეზე გაწეული სამედიცინო მომსახურებისათვის მერიის მხრიდან ასანაზღაურებელი თანხის ჩარიცხვა მოხდება , გაცემული ადმინისტრაციული დაპირების საფუძველზე , ფაქტობრივად ჩატარებული მკურნალობის ან კვლევის შესახებ სამედიცინო დაწესებულების ან პაციენტის (მოსარგებლის ) შესაბამისი მომართვის , ინვოისის , კალკულაციის ან სხვა ფინანსური დოკუმენტისა და ავადმყოფის ისტორიიდან ამონაწერის (ფორმა № IV - 100/ა ) ან სამედიცინო დასკვნის წარმოდგენის შემდეგ , იმ სამედიცინო დაწესებულების საბანკო ანგარიშზე , სადაც მოქალაქეს გაეწია შესაბამისი მომსახურება ;

13. სამედიცინო მომსახურების დაფინანსების მსურველი პირი წელიწადში ერთჯერ ისარგებლებს , მხოლოდ ერთი ბენეფიტით , გარდა ამ მუხლის მე -4, მე -7, მე -8 და მე -9 პუნქტებით განსაზღვრული კატეგორიებისა .

14. გადაუდებელი (უკვე ჩატარებული ), მწვავე სტაციონარული მკურნალობა , გეგმიური სტაციონარული მკურნალობა , მაგნიტურ - რეზონანსული და კომპიუტერული ტომოგრაფია სხვა ძვირადღირებული კვლევა ან სამედიცინო მანიპულაცია , მცირე ფასიანი კვლევები და ანალიზები არ დაფინანსდება ან არ თანადაფინანსდება თუ :

ა ) მოქალაქე ჩართულია კერძო სადაზღვევო სქემებში (გარდა ონკოლოგიური პაციენტების , 0- ან 6 წლის ჩათვლით ბავშვებისა და იმ შემთხვევისა , რომელსაც არ აფინანსებს კერძო სადაზღვევო კომპანია );

ბ ) მოქალაქეს ჩაუტარდა საკეისრო კვეთა ან იმშობიარა ფიზიოლოგიურად ;

გ ) ალკოჰოლური ინტოქსიკაცია ;

დ ) საზღვარგარეთ მკურნალობა , სქესობრივი გზით გადამდები დაავადება , უშვილობის მკურნალობა ;

ე ) ესთეტიკური ქირურგია , კოსმეტიკური მიზნით ჩატარებული , სამედიცინო მასაჟი , სანატორიულ -კურორტული , სტომატოლოგიური მკურნალობა ;

ვ ) ორგანოთა ტრანსპლანტაცია და ეგზოპროტეზირების ხარჯი ;

ზ ) უკვე ჩატარებული სამედიცინო მომსახურება მოქალაქის მიერ გადახდილი თანხის ან სამედიცინო დაწესებულებაში გარდაცვალების შემთხვევაში.

15. სოციალური დახმარების კომისიის მუშაობის წესი

კომისიის მუშაობა განისაზღვრება ამ წესით :

ა ) კომისიის შემადგენლობა განისაზღვრება და მტკიცდება მუნიციპალიტეტის მერის ბრძანებით ;

ბ ) კომისიას ჰყავს თავმჯდომარე , მოადგილე და მდივანი;

გ ) კომისიის თავმჯდომარის არყოფნის შემთხვევაში მის მოვალეობას ასრულებს მოადგილე ;

დ ) კომისიის მუშაობის პერიოდულობას განსაზღვრავს შესაბამისი კომისია ;

ე ) კომისიის მდივანი აფორმებს კომისიის სხდომის ოქმს ;

ვ ) კომისიის თითოეულ წევრს აქვს ერთი ხმის უფლება ;

ზ ) კომისიის სხდომა უფლებამოსილია , თუ მას ესწრება სიით შემადგენლობის უმრავლესობა ;

თ ) კომისია გადაწყვეტილებას იღებს სხდომაზე დამსწრე წევრთა ხმების უმრავლესობით ; ხმების თანაბრად გაყოფის შემთხვევაშიგადამწყვეტია სხდომის თავმჯდომარის ხმა;

ი ) კომისიის გადაწყვეტილება ფორმდება ოქმით და ხელს აწერს კომისიის ყველა წევრი . თითოეულ წევრს უფლება აქვს წერილობით გამოხატოს განსხვავებული აზრი , რომელიც ერთვის ოქმს .

კ ) კომისიის სხდომის ოქმი მტკიცდება მუნიციპალიტეტის მერის ბრძანებით .“

11. დადგენილებით დამტკიცებული დანართი 1-ის („დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2026 წლის პროგრამა “) მე -8 მუხლის მე -2 და მე -3 პუნქტებში შევიდეს ცვლილება და ჩამოყალიბდეს ახალი რედაქციით :

„2. მე -5 მუხლის მე -22 პუნქტით გათვალისწინებული მაღალი აკადემიური მოსწრების სტუდენტების წახალისების მიზნით პირველ ეტაპზე (I სემესტრის დასასრული ) ერთჯერადი ფულადი დახმარების 1000 (ერთი ათასი ) ლარის მისაღებად წარმოსადგენი დოკუმენტაციის ბოლო ვადად განისაზღვროს 2026 წლის 1 მაისი , ხოლო მეორე ეტაპზე (II სემესტრის დასასრული ) – 2026 წლის 1 დეკემბერი.

3. კრიზისულ მდგომარეობაში მყოფი ბავშვიანი ოჯახებისთვის პირველადი საჭიროების (აუცილებელი საყოფაცხოვრებო ტექნიკა ან საოჯახო ინვენტარი ) ნივთების შეძენა , ერთ ოჯახზე არაუმეტეს 600 ლარის ფარგლებში , მოხდება ბავშვთა უფლებების დაცვისა და მხარდაჭერის განყოფილების სოციალური მუშაკისა და ადმინისტრაციულ ერთეულში მერის წარმომადგენლის ჩართულობით შეფასების (დასკვნის ) დოკუმენტის , ამავე განყოფილების უფროსის მოხსენებითი ბარათის , შესაბამისი კომისიის გადაწყვეტილებისა და მუნიციპალიტეტის მერის თანხმობის საფუძველზე , „სახელმწიფო შესყიდვების შესახებ “ საქართველოს კანონის შესაბამისად . შეძენილი საყოფაცხოვრებო ტექნიკის ან საოჯახო ინვენტარის გაცემა განხორციელდება მუნიციპალიტეტის მერის ბრძანებისა და მიღება -ჩაბარების აქტის საფუძველზე .“.

12. დადგენილებით დამტკიცებული დანართი 1-ის („დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2026 წლის პროგრამა “) მე -8 მუხლს დაემატოს  მე-14 პუნქტი :

„14. მე -5 მუხლის 24-ე პუნქტით გათვალისწინებული ხანძრის შედეგად დაზარალებული ოჯახის შემთხვევაში საცხოვრებელ სახლზე მიყენებული ზარალისათვის ერთჯერადი ფულადი დახმარება არაუმეტეს 5000 (ხუთი ათასი ) ლარი გაიცემა , მერიის სტიქიის შედეგად დაზარალებული ოჯახების ზარალის ოდენობის განსაზღვრისა და შემდგომი ღონისძიებების დაგეგმვის მიზნით , მუდმივმოქმედი კომისიის დასკვნის საფუძველზე , საცხოვრებელი ფართის დაზიანებული ნაწილის (პროცენტულად , წილობრივად ) შესახებ , სტიქიური უბედურების დადგომიდან სამი თვის ვადაში წარმოდგენილი განცხადების საფუძველზე .“.

13. დადგენილებით დამტკიცებული დანართი 2 („დედოფლისწყაროს მუნიციპალიტეტის ტერიტორიაზე რეგისტრირებული მოქალაქეების მინიმალური სოციალური დახმარების 2026 წლის პროგრამის ბიუჯეტი “) ჩამოყალიბდეს ახალი რედაქციით თანდართული დანართის შესაბამისად (დანართი თან ერთვის ).