დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – საჯარო რეესტრის ეროვნული სააგენტოს მიერ გაწეული მომსახურების საფასურის განაკვეთების, საფასურის გადახდევინების წესისა და მომსახურების ვადების დამტკიცების შესახებ“ საქართველოს მთავრობის 2011 წლის 29 დეკემბრის №509 დადგენილებაში ცვლილების შეტანის თაობაზე | |
|---|---|
| დოკუმენტის ნომერი | 98 |
| დოკუმენტის მიმღები | საქართველოს მთავრობა |
| მიღების თარიღი | 06/03/2026 |
| დოკუმენტის ტიპი | საქართველოს მთავრობის დადგენილება |
| გამოქვეყნების წყარო, თარიღი | ვებგვერდი, 06/03/2026 |
| სარეგისტრაციო კოდი | 040150000.10.003.025647 |
|
„საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – საჯარო რეესტრის ეროვნული სააგენტოს მიერ გაწეული მომსახურების საფასურის განაკვეთების, საფასურის გადახდევინების წესისა და მომსახურების ვადების დამტკიცების შესახებ“ საქართველოს მთავრობის 2011 წლის 29 დეკემბრის №509 დადგენილებაში ცვლილების შეტანის თაობაზე
|
| მუხლი 1 |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – საჯარო რეესტრის ეროვნული სააგენტოს მიერ გაწეული მომსახურების საფასურის განაკვეთების, საფასურის გადახდევინების წესისა და მომსახურების ვადების დამტკიცების შესახებ“ საქართველოს მთავრობის 2011 წლის 29 დეკემბრის №509 დადგენილებაში (www.matsne.gov.ge, 30/12/2011, 040150000.10.003.016669) შეტანილ იქნეს ცვლილება და დადგენილებით დამტკიცებულ დანართს დაემატოს შემდეგი შინაარსის მე-8 მუხლი:
„მუხლი 8. მეწარმე სუბიექტი უფლებამოსილია, „მეწარმეთა შესახებ“ საქართველოს კანონის მოთხოვნებთან სარეგისტრაციო მონაცემების შესაბამისობის უზრუნველყოფის მიზნით, ისარგებლოს ამ დანართის მე-2 მუხლის „მ“ ქვეპუნქტისგან განსხვავებული სარეგისტრაციო მომსახურების საფასურით, თუ 2026 წლის 9 მარტიდან 2026 წლის 20 მარტის ჩათვლით წარადგენს სარეგისტრაციო განცხადებას და რეგისტრაციის მიზნებისთვის მოითხოვს საქართველოს იუსტიციის მინისტრის ბრძანებით დამტკიცებული შესაბამისი სამეწარმეო საზოგადოების სტანდარტული წესდების გამოყენებას. ამ შემთხვევაში სააგენტო ამ დანართის მე-2 მუხლის „მ“ ქვეპუნქტით გათვალისწინებულ მომსახურებას გასწევს 4 სამუშაო დღის ვადაში, ხოლო მომსახურების საფასური შეადგენს 100 ლარს.“. |
| მუხლი 2 |
დადგენილება ამოქმედდეს გამოქვეყნებისთანავე.
|
|
დოკუმენტის კომენტარები