საჯარო სამართლის იურიდიული პირის − ფინანსთა სამინისტროს აკადემიის მიერ გასაწევი ანაზღაურებადი მომსახურების სახეების, საფასურის ოდენობისა და მომსახურების პირობების დამტკიცების შესახებ

ა) მიზნობრივი გრანტის ფარგლებში განსახორციელებელ პროექტებზე;

ბ) საერთაშორისო ორგანიზაციების მიერ დაფინანსებულ პროექტებზე;     

გ) ტენდერში მონაწილეობის მისაღებად დასადგენ ფასებზე;

დ) ფიზიკურ და კერძო სამართლის იურიდიულ პირებთან (გარდა სახელმწიფოს წილობრივი მონაწილეობით მოქმედი საწარმოებისა)  გაფორმებულ ხელშეკრულებებზე;

ე) საქართველოს ფინანსთა სამინისტროსა და მისი მმართველობის სფეროში შემავალი სახელმწიფო საქვეუწყებო დაწესებულებებისათვის/ საჯარო სამართლის იურიდიული პირებისათვის გასაწევ მომსახურებაზე.

„საჯარო სამართლის იურიდიული პირის − ფინანსთა სამინისტროს აკადემიის მიერ გასაწევი ანაზღაურებადი მომსახურების სახეები, საფასურის ოდენობა და მომსახურების პირობები“ (შემდგომში − წესი) განსაზღვრავს საქართველოს ფინანსთა სამინისტროს მმართველობის სფეროში შემავალი საჯარო სამართლის იურიდიული პირის − ფინანსთა სამინისტროს აკადემიის (შემდგომში − აკადემია) მიერ გასაწევი ანაზღაურებადი მომსახურების სახეებს, საფასურის ოდენობასა და მომსახურების პირობებს.

მუხლი 2. მომსახურების სახეები

აკადემიის მიერ გასაწევი ანაზღაურებადი მომსახურების სახეებია:

ა) ტრენინგის ან/და სასწავლო კურსის ორგანიზება და ადმინისტრირება;

ბ) სამუშაო შეხვედრის ორგანიზება და ადმინისტრირება;

გ) საჯარო სექტორის შიდა აუდიტორთა სერტიფიცირების პროგრამის ფარგლებში ტესტირების ადმინისტრირება;

დ) ამ მუხლის „ა“-„ბ“ ქვეპუნქტებით გათვალისწინებული მომსახურებებისთვის მოდულის შექმნა/განახლება/დამუშავება ან/და საგამოცდო ნამუშევრების შემოწმება;

ე) სასწავლო კურსის, ტრენინგის, ტესტირების, სამუშაო შეხვედრის ტექნიკური მხარდაჭერა და ორგანიზება.

მუხლი 3.  მომსახურების საფასურის ოდენობა და გადახდის წესი

1. ამ წესის მე-2 მუხლით გათვალისწინებული მომსახურების საფასურების ოდენობა განისაზღვრება დანართ №1-ის შესაბამისად.

2. მომსახურების საფასურის გადახდა შესაძლებელია წინასწარი ანგარიშსწორების გზით ან მხარეებს შორის გაფორმებული ხელშეკრულებით გათვალისწინებული პირობებით. წინასწარი ანგარიშსწორების გზით გადახდის შემთხვევაში, აკადემია თავისუფლდება წინასწარ გადასახდელი თანხის იდენტური ოდენობის გარანტიის (საავანსო საბანკო გარანტიის) წარდგენის ვალდებულებისაგან.

3. დანართ №1-ით გათვალისწინებული მომსახურების საფასურის ოდენობა განსაზღვრულია კანონმდებლობით გათვალისწინებული გადასახადების ჩათვლით.

მუხლი 4. მომსახურების პირობები

1. ორგანიზაცია, რომელიც აკადემიის მომსახურების შესყიდვას გადაწყვეტს (შემდგომში − შემსყიდველი ორგანიზაცია), ვალდებულია, შესყიდვასთან დაკავშირებული მოთხოვნა აკადემიას წარუდგინოს წერილობით ან/და ზეპირი ფორმით. მოთხოვნა უნდა იყოს მკაფიო და შეესაბამებოდეს აკადემიის საქმიანობის სფეროს.

2. აკადემია შემსყიდველი ორგანიზაციის მიერ წარდგენილ მოთხოვნას  განიხილავს მიღებიდან 5 (ხუთი) სამუშაო დღის განმავლობაში. აკადემია უფლებამოსილია:

ა) დააზუსტოს მომსახურების პირობები და ხანგრძლივობა;

ბ) მოითხოვოს დამატებითი ინფორმაცია ან განმარტება, თუ წარდგენილი მოთხოვნა არ არის სრულყოფილი;

გ) უარი განაცხადოს მომსახურების გაწევაზე, თუ მოთხოვნა სცდება აკადემიის უფლებამოსილებას ან ტექნიკურ შესაძლებლობებს ან ეწინააღმდეგება საქართველოს კანონმდებლობას.

3. აკადემიასა და შემსყიდველ ორგანიზაციას შორის გასაწევ მომსახურებასთან დაკავშირებული დეტალური პირობები განისაზღვრება მხარეებს შორის გაფორმებული ხელშეკრულებით.

4. ამ წესით განსაზღვრული მომსახურების საფასურის გადახდა განხორციელდება მხარეთა შორის გაფორმებული ხელშეკრულების პირობების შესაბამისად, უნაღდო ანგარიშსწორებით, თანხის აკადემიის შესაბამის სახაზინო კოდზე ჩარიცხვის გზით.

მუხლი 5. მომსახურების მიღების წესი

მხარეებს შორის გაფორმებული ხელშეკრულებით ნაკისრი ვალდებულებების შესრულებასთან დაკავშირებით დგება მიღება-ჩაბარების აქტი. მიღება-ჩაბარების აქტი ფორმდება წერილობითი ფორმით, რაც დასტურდება მხარეთა უფლებამოსილი წარმომადგენლების ხელის მოწერით.

მუხლი 6. გადახდილი საფასურის დაბრუნების წესი

1. აკადემია უფლებამოსილია, გადახდილი საფასური დაუბრუნოს შემსყიდველ ორგანიზაციას, თუ:

ა) საფასური გადახდილია ამ წესით განსაზღვრულ განაკვეთზე მეტი ოდენობით. ამ შემთხვევაში, ბრუნდება სხვაობა;

ბ) შემსყიდველმა ორგანიზაციამ ამ წესით განსაზღვრული მომსახურების მიღებამდე წერილობით უარი განაცხადა მომსახურების მიღებაზე და მოითხოვა გადახდილი თანხის დაბრუნება;

გ) მომსახურება არ განხორციელდა მხარეებისგან დამოუკიდებელი, ობიექტური მიზეზების გამო.

2. საფასური ბრუნდება მოთხოვნიდან 20 (ოცი) კალენდარული დღის ვადაში, შემსყიდველი ორგანიზაციის წერილობითი მოთხოვნის საფუძველზე. წერილობითი მოთხოვნა უნდა შეიცავდეს გადახდილი საფასურის ნაწილობრივ ან სრულად დაბრუნების ამ წესით განსაზღვრული საფუძვლის არსებობის დასაბუთებას.

დანართი №1

სსიპ − ფინანსთა სამინიტროს აკადემიის მიერ გასაწევი მომსახურების საფასურები

                                                                                         ცხრილი №1.1

აკადემიის ფილიალებში და ონლაინ ფორმით ტრენინგის ან/და სასწავლო კურსის ორგანიზებისა და ადმინისტრირების საფასური

ცხრილი №1.2

შემსყიდველი ორგანიზაციის ადგილზე (აკადემიის ფილიალებს გარეთ) ტრენინგის ან/და სასწავლო კურსის ორგანიზებისა და

ადმინისტრირების საფასური

                                                                                                                    ცხრილი №1.3

აკადემიის ფილიალებში და ონლაინ ფორმით სამუშაო შეხვედრის ორგანიზების და ადმინისტრირების მომსახურების საფასური

ცხრილი №1.4

შემსყიდველი ორგანიზაციის ადგილზე (აკადემიის ფილიალებს გარეთ) სამუშაო შეხვედრის ორგანიზებისა და ადმინისტრირების

 მომსახურების საფასური

ცხრილი №1.5

საჯარო სექტორის შიდა აუდიტორთა სერტიფიცირების პროგრამის ფარგლებში ტესტირების ადმინისტრირების მომსახურების საფასური

ცხრილი №1.6

მოდულის შექმნის/განახლების/დამუშავების მომსახურების საფასური

 ცხრილი №1.7

საგამოცდო ნამუშევრების შემოწმების მომსახურების საფასური

ცხრილი №1.8

სასწავლო კურსის, ტრენინგის, ტესტირების, სამუშაო შეხვედრის ტექნიკური მხარდაჭერისა და ორგანიზების მომსახურების საფასური

შენიშვნა:

*აკადემიის ფილიალები − ქ. თბილისი, ვ. წითლანაძის №5; ქ. ბათუმი, ბაქოს ქ. №8 და ქ. ქუთაისი, ი. ჯავახიშვილის ქ. №5.

*არაადგილობრივი ტრენერი  −  სასწავლო კურსის, ტრენინგის ან/და სამუშაო შეხვედრის ჩატარების მიზნით, ქვეყნის ფარგლებში ერთი მუნიციპალიტეტიდან მეორე მუნიციპალიტეტში გადაადგილებული პირი.