,,ამბროლაურის მუნიციპალიტეტში რეგისტრირებული ბავშვის უფლებების დაცვისა და მხარდაჭერის პროგრამის და მიზნობრივი დახმარების გაცემის წესის დამტკიცების შესახებ” ამბროლაურის მუნიციპალიტეტის საკრებულოს 2025 წლის 22 დეკემბრის N22 დადგენილებაში ცვლილების შეტანის თაობაზე

ა) დანართის მე-2 მუხლის მე-2 პუნქტი ჩამოყალიბდეს შემდეგი რედაქციით:

„2. ამ მუხლის პირველი პუნქტის „ა“ ქვეპუნქტით განსაზღვრული ფინანსური დახმარება გაიცემა ერთ ოჯახში მცხოვრებ თითოეულ ბავშვზე, რომლის სოციალური საფრთხის წინაშე ყოფნა დადასტურებულია ამბროლაურის მუნიციპალიტეტის მერიის სოციალური და ჯანდაცვის სამსახურის ბავშვის უფლებების დაცვისა და მხარდაჭერის განყოფილების მიერ სოციალური მუშაკის დასკვნის საფუძველზე, ხოლო „ბ“ ქვეპუნქტით გათვალისწინებული დახმარება გაიცემა ბავშვის ოჯახზე და დახმარების ზუსტ ოდენობას ამბროლაურის მუნიციპალიტეტის მერიის სოციალური და ჯანდაცვის სამსახურის ბავშვის უფლებების დაცვისა და მხარდაჭერის განყოფილების მიერ სოციალური მუშაკის დასკვნის საფუძველზე წარმოქმნილი ფაქტობრივი გარემოებების შეფასების შემდგომ განსაზღვრავს მერის ბრძანების საფუძველზე შექმნილი სოციალური პროგრამებისა და სოციალური საკითხების შემსწავლელი სამუშაო ჯგუფი (შემდგომში – სამუშაო ჯგუფი).“;

ბ) დანართის მე-3 მუხლის მე-2 პუნქტი ჩამოყალიბდეს შემდეგი რედაქციით:

„2. ამბროლაურის მუნიციპალიტეტის მერიის სოციალური და ჯანდაცვის სამსახურის ბავშვის უფლებების დაცვისა და მხარდაჭერის განყოფილება ამოწმებს შემოსულ განცხადებებს, ბავშვისა და ოჯახის სოციალური მუშაკის მიერ შედგენილი დასკვნის შემდგომ, პროგრამის მე-2 მუხლის პირველი პუნქტის „ა“ ქვეპუნქტით განსაზღვრული ფინანსური დახმარების გაცემის მიზნით მიმართავს მერს, ხოლო პროგრამის მე-2 მუხლის პირველი პუნქტის „ბ“ ქვეპუნქტის შემთხვევაში სრულყოფილ დოკუმენტაციას განსახილველად გადასცემს სამუშაო ჯგუფს. სამუშაო ჯგუფის გადაწყვეტილება ეგზავნება მუნიციპალიტეტის მერს.“;

გ) დანართის მე-3 მუხლის მე-3 პუნქტი ჩამოყალიბდეს შემდეგი რედაქციით:

„3. დაფინანსების გაცემა ხდება მუნიციპალიტეტის მერის ინდივიდუალური-ადმინისტრაციულ-სამართლებრივი აქტის (ბრძანება) საფუძველზე, რომლის პროექტს ამზადებს ამბროლაურის მუნიციპალიტეტის მერიის სოციალური და ჯანდაცვის სამსახურის ბავშვის უფლებების დაცვისა და მხარდაჭერის განყოფილება.“;

დ) დანართის მე-8 მუხლის მე-2 პუნქტი ჩამოყალიბდეს შემდეგი რედაქციით:

,,2. პროგრამის ადმინისტრირებასა და კონტროლს ახორციელებს მუნიციპალიტეტის მერიის სოციალური და ჯანდაცვის სამსახური.“.