ქალაქ ბათუმში, აეროპორტის გზატკეცილი № 84^ა, №84, №82ნ, №94, აეროპორტის გზატკეცილის ქუჩა №96-ში; გზატკეცილი აეროპორტი, №94-ში მდებარე მიწის ნაკვეთებზე (05.32.13.392; 05.32.13.272; 05.32.01.939; 05.32.13.520; 05.32.13.019; 05.32.13.319; 05.32.13.329; 05.32.13.446) წარმოდგენილ გეგმარებით ერთეულზე განაშენიანების დეტალური გეგმის დამტკიცების შესახებ

საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 პუნქტის „ე“ ქვეპუნქტის, 24-ე მუხლის პირველი პუნქტის „გ.ე“ ქვეპუნქტის, საქართველოს კანონის „საქართველოს სივრცის დაგეგმარების, არქიტექტურული და სამშენებლო საქმიანობის კოდექსი“ 41-ე და 43-ე მუხლების და საქართველოს მთავრობის 2019 წლის 3 ივნისის №260 დადგენილებით დამტკიცებული „სივრცის დაგეგმარებისა და ქალაქთმშენებლობითი გეგმების შემუშავების წესის“ მე-19 მუხლის მე-3 პუნქტის შესაბამისად, ქალაქ ბათუმის მუნიციპალიტეტის საკრებულო ადგენს:

ქალაქი ბათუმი, აეროპორტის გზატკეცილი, №84ა, №84, №82ნ, №94, ქუჩა აეროპორტის გზატკეცილი, №96; გზატკეცილი აეროპორტი, №94-ში მდებარე მიწის ნაკვეთებზე ს.კ. 05.32.13.392; 05.32.13.272; 05.32.01.939; 05.32.13.520; 05.32.13.019; 05.32.13.319; 05.32.13.329; 05.32.13.446 წარმოდგენილ გეგმარებით ერთეულზე დამტკიცდეს  განაშენიანების დეტალური გეგმა, თანახმად დანართისა. 

განაშენიანების დეტალური გეგმის საფუძველზე, განაშენიანების ინტენსივობის კოეფიციენტის (კ-2) გადამეტების, მაკომპენსირებელ ღონისძიებად განისაზღვროს: ა) საპროექტო არეალში საცხოვრებელი ბინა ერთეულ(ებ)ის ე.წ. „შავ კარკასულ მდგომარეობაში“ მუნიციპალიტეტისათვის გადაცემა. საცხოვრებელი ბინა ერთეულების ფართობი დგინდება კანონმდებლობით დადგენილი განაშენიანების ინტენსივობის კოეფიციენტის (კ-2) ნამატი საანგარიშო ფართის 10%-ის ოდენობით, ან ბ) საპროექტო არეალში საცხოვრებელი ბინა ერთეულ(ებ)ის მუნიციპალიტეტის საკუთრებაში ე.წ „თეთრი კარკასული“ მდგომარეობით გადასაცემი ფართის ოდენობის შესაბამისი საბაზრო ღირებულების გადახდა. ასეთ შემთხვევაში, საცხოვრებელი ბინა ერთეულ(ებ)ის ფართი განისაზღვრება კანონმდებლობით დადგენილი განაშენიანების ინტენსივობის კოეფიციენტის (კ-2) ნამატი საანგარიშო ფართის 4%-ის ოდენობით, ხოლო საკომპენსაციო ღირებულება მუნიციპალიტეტის ბიუჯეტში გადაიხდება მშენებლობის ნებართვის აღებამდე. წინამდებარე მუხლის მიზნებისათვის, საბაზრო ღირებულება განისაზღვრება საზოგადოებრივი დაინტერესების პირის (სდპ) – აუდიტის უფლებამოსილების მქონე პირის აუდიტორული დასკვნის ან სსიპ – ლევან სამხარაულის სახელობის სასამართლო ექსპერტიზის ეროვნული ბიუროს ექსპერტიზის დასკვნის საფუძველზე.

განემარტოს შპს „ნექსთ მაგნოლიას“ (ს/კ445735483), რომ იგი ვალდებულია სამშენებლო დოკუმენტის შემუშავებისას გაითვალისწინოს აჭარის ავტონომიური რესპუბლიკის ფინანსთა და ეკონომიკის სამინისტროს მიერ 2026 წლის 15 ივლისის №01-01-10/3113 წერილით დადგენილი პირობები.

დადგენილება ამოქმედდეს გამოქვეყნებისთანავე.