„აგროთანადაფინანსების სახელმწიფო პროგრამის დამტკიცების შესახებ“ საქართველოს მთავრობის 2026 წლის 24 ივნისის №285 დადგენილებაში ცვლილების შეტანის თაობაზე

1. დადგენილების მე-2 მუხლის პირველი და მე-2 პუნქტები ჩამოყალიბდეს შემდეგი რედაქციით:

„1. მონაწილეობას შეძლებენ ის პოტენციური ბენეფიციარები, რომლებსაც არ აქვთ ა(ა)იპ − სოფლის განვითარების სააგენტოს პროექტების/პროგრამების ფარგლებში მიმდინარე სახელშეკრულებო დარღვევა ან/და სასამართლო დავა, გარდა შეღავათიანი აგროკრედიტი საბრუნავი საშუალებებისთვის კომპონენტის პოტენციური ბენეფიციარებისა, რომლებზეც არ ვრცელდება მიმდინარე სახელშეკრულებო დარღვევისა ან/და სასამართლო დავის არქონის მოთხოვნა.

2. ის ბენეფიციარები, ვისთანაც გაფორმდება ხელშეკრულება/ თანადაფინანსების შეთანხმება, თანადაფინანსებას მიიღებენ იმ შემთხვევაში, თუ ამ დადგენილების ამოქმედების შემდეგ ა(ა)იპ − სოფლის განვითარების სააგენტოს პროექტების/პროგრამების ფარგლებში არ ექნებათ მიმდინარე სახელშეკრულებო დარღვევა ან/და სასამართლო დავა.“.

2. დადგენილებით დამტკიცებული „აგროთანადაფინანსების სახელმწიფო პროგრამის“:

ა) მე-4 მუხლის:

ა.ა) „ე“ ქვეპუნქტი ჩამოყალიბდეს შემდეგი რედაქციით:

„ე)  ბენეფიციარი − საქართველოს მოქალაქე სრულწლოვანი ფიზიკური პირი ან საქართველოს კანონმდებლობით დადგენილი წესით რეგისტრირებული მეწარმე ფიზიკური/იურიდიული პირი, რომელშიც სახელმწიფო არ ფლობს წილს/პაის/აქციას და რომელთანაც გაფორმებულია ხელშეკრულება და/ან თანადაფინანსების შეთანხმება;“;

ა.ბ) „ტ“ ქვეპუნქტი ჩამოყალიბდეს შემედი რედაქციით:

„ტ) პოტენციური ბენეფიციარი − საქართველოს კანონმდებლობით დადგენილი წესით რეგისტრირებული მეწარმე ფიზიკური/იურიდიული პირი (გარდა გადამამუშავებელი და შემნახველი საწარმოების თანადაფინანსების კომპონენტისა და შეღავათიანი აგროკრედიტი საბრუნავი საშუალებებისათვის ერთწლოვანი კულტურების დაფინანსების ქვეკომპონენტისა), რომელშიც სახელმწიფო არ ფლობს წილს/პაის/აქციას და რომელთანაც შესაძლოა, გაფორმდეს ხელშეკრულება და/ან თანადაფინანსების შეთანხმება;“;

ბ) მე-9 მუხლის მე-5 პუნქტი ჩამოყალიბდეს შემდეგი რედაქციით:

„5. პოტენციურ ბენეფიციარს (გარდა შეღავათიანი აგროკრედიტი საბრუნავი საშუალებებისთვის კომპონენტის პოტენციური ბენეფიციარებისა) არ უნდა გააჩნდეს საგადასახადო დავალიანება სახელმწიფო ბიუჯეტის მიმართ (გარდა იმ შემთხვევისა, თუ საგადასახადო დავალიანების გადახდევინება გადავადებულია ან მისი გადახდის ვალდებულება შეჩერებულია კანონის საფუძველზე ან საგადასახადო დავალიანების ოდენობა არ აღემატება 1000 ლარს).“.