აფხაზეთის ავტონომიური რესპუბლიკის რესპუბლიკური ბიუჯეტის შესრულების ანგარიშების ფორმებისა და მათი წარდგენის ვადების დამტკიცების თაობაზე

საქართველოს საბიუჯეტო კოდექსის მე-15 მუხლის მე-3 ნაწილის, „აფხაზეთის ავტონომიური რესპუბლიკის მთავრობის სტრუქტურის, უფლებამოსილებისა და საქმიანობის წესის შესახებ“ აფხაზეთის ავტონომიური რესპუბლიკის კანონის მე-20 მუხლის მე-6 პუნქტის, „სახელმწიფო ბიუჯეტის შესრულების ანგარიშების ფორმებისა და მათი წარდგენის ვადების დამტკიცების თაობაზე“  საქართველოს ფინანსთა მინისტრის  2012 წლის 11 აპრილის №112 ბრძანებისა და „აფხაზეთის ავტონომიური რესპუბლიკის ფინანსთა და ეკონომიკის სამინისტროს დებულების დამტკიცების შესახებ“ აფხაზეთის ავტონომიური რესპუბლიკის მთავრობის 2025 წლის 17 დეკემბრის №41 დადგენილებით დამტკიცებული დებულების მე-6 მუხლის მე-3 პუნქტის „ო“ ქვეპუნქტის საფუძველზე, ვბრძანებ:

დამტკიცდეს აფხაზეთის ავტონომიური რესპუბლიკის რესპუბლიკური ბიუჯეტის შესრულების ანგარიშების ფორმები  თანდართული რედაქციით (დანართი №1, №2, №3, №4).

აფხაზეთის ავტონომიური რესპუბლიკის რესპუბლიკური ბიუჯეტის შესრულების ანგარიშების მომზადების მიზნით მხარჯავმა დაწესებულებებმა აფხაზეთის ავტონომიური რესპუბლიკის ფინანსთა და ეკონომიკის სამინისტროს წარუდგინონ მათი ბიუჯეტის 3, 6 და 9 თვის შესრულების ანგარიშები საანგარიშო პერიოდის დასრულებიდან 10 დღის ვადაში, დანართ №2-ის შესაბამისად, ხოლო წლიური შესრულების ანგარიში – საანგარიშო პერიოდის შემდგომი წლის არაუგვიანეს 15 თებერვლისა, დანართი №1, №3 და №4-ის შესაბამისად.

ძალადაკარგულად გამოცხადდეს „რესპუბლიკური ბიუჯეტის შესრულების ანგარიშების ფორმებისა და მათი წარდგენის ვადების დამტკიცების თაობაზე“ აფხაზეთის ფინანსთა მინისტრის 2011 წლის 16 თებერვლის №01/05 ბრძანება.

ბრძანება ამოქმედდეს გამოქვეყნებისთანავე.