„საჯარო სამართლის იურიდიული პირის – საქართველოს შინაგან საქმეთა სამინისტროს მომსახურების სააგენტოს მიერ გაწეული მომსახურებისათვის დაწესებული საფასურისა და ვადების შესახებ“ საქართველოს კანონით გათვალისწინებული ცალკეული საფასურის გადახდისგან გათავისუფლების ზოგიერთი პირობის დადგენის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის, „საჯარო სამართლის იურიდიული პირის – საქართველოს შინაგან საქმეთა სამინისტროს მომსახურების სააგენტოს მიერ გაწეული მომსახურებისათვის დაწესებული საფასურისა და ვადების შესახებ“ საქართველოს კანონის მე-8 მუხლის მე-4 პუნქტისა და „საქართველოს შინაგან საქმეთა სამინისტროს დებულების დამტკიცების შესახებ“ საქართველოს მთავრობის 2013 წლის 13 დეკემბრის №337 დადგენილებით დამტკიცებული დებულების მე-5 მუხლის მე-2 პუნქტის „ა“ და „ნ“ ქვეპუნქტების საფუძველზე, ვბრძანებ:

1. თელავის მუნიციპალიტეტში 2026 წლის 12 ივლისს მომხდარი სტიქიის შედეგად დაკარგული ან დაზიანებული „სატრანსპორტო საშუალებათა რეგისტრაციის ნომრის (სახელმწიფო სანომრე ნიშნები), შიდა ტრანზიტის, ტრანზიტული ნომრისა და „TEST“ ნომრის ნიმუშის დამტკიცების შესახებ“ საქართველოს მთავრობის 2014 წლის 8 აპრილის №278 დადგენილების პირველი მუხლის პირველი პუნქტის „ა“-„ღ“ ქვეპუნქტებით განსაზღვრული სატრანსპორტო საშუალებათა რეგისტრაციის ნომრის (სახელმწიფო სანომრე ნიშნის) (შემდგომ − რეგისტრაციის ნომერი) ან/და დროებითი სანომრე ნიშნის აღდგენისას/გაცემისას, დაინტერესებული პირი ერთჯერადად თავისუფლდება „საჯარო სამართლის იურიდიული პირის – საქართველოს შინაგან საქმეთა სამინისტროს მომსახურების სააგენტოს მიერ გაწეული მომსახურებისათვის დაწესებული საფასურისა და ვადების შესახებ“ საქართველოს კანონის მე-6 მუხლის „ე“, „ე⁸“, „ვ“, „ვ¹“, „ვ²“, „ზ“, „ზ¹“, „ზ⁴“ და „უ“ ქვეპუნქტებით, აგრეთვე, ამავე მუხლის შენიშვნის 5² პუნქტით გათვალისწინებული დაკარგული ან დაზიანებული რეგისტრაციის ნომრის ან/და დროებითი სანომრე ნიშნის ან/და ტრანზიტული ნომრის გაცემის დამადასტურებელი დოკუმენტის აღდგენის/გაცემის საფასურისგან.

ეს ბრძანება ამოქმედდეს გამოქვეყნებისთანავე.