„შეზღუდული შესაძლებლობების მქონე პირთა საკითხებზე მომუშავე საბჭოს შექმნის დებულების დამტკიცების შესახებ“ ბაღდათის მუნიციპალიტეტის საკრებულოს 2015 წლის 29 მაისის №36 დადგენილებაში ცვლილების შეტანის თაობაზე

1. დადგენილების სათაური ჩამოყალიბდეს შემდეგი რედაქციით:

„შეზღუდული შესაძლებლობების მქონე პირთა საკითხებზე მომუშავე საბჭოს დებულების დამტკიცების შესახებ“.

2. დამტკიცებული დებულების მე-3 მუხლის (საბჭოს შემადგენლობა):

ა) მე- 5 პუნქტის ,,გ“  ქვეპუქტი ჩამოყალიბდეს შემდეგი რედაქციით:

„გ) ბაღდათის მუნიციპალიტეტის მერიის განათლების, კულტურის, სპორტისა და ტურიზმის განვითარების სამსახურის უფროსი“;

ბ) მე-5 პუნქტის „დ“ ქვეპუნქტი ჩამოყალიბდეს შემდეგი რედაქციით:

„დ) ბაღდათის მუნიციპალიტეტის მერიის შეზღუდული შესაძლებლობების მქონე პირთა საკითხებზე მომუშავე სპეციალისტი.“

გ) მე-5 პუნქტს  დაემატოს ,,ე“ ქვეპუნქტი და ჩამოყალიბდეს შემდეგი რედაქციით:

„ე) შშმ პირთა თემის არაუმეტეს 5 (ხუთი) წარმომადგენელი, რომლებიც განცხადებით მიმართავენ მერს საბჭოს წევრობის სურვილის თაობაზე“;

დ) დაემატოს მე-11პუნქტი შემდეგი რედაქციით:

„11 . საბჭოს შემადგენლობა უფლებამოსილია 1 (ერთი) წლის ვადით“.“

3. დამტკიცებული დებულების მე-9 მუხლის (საბჭოს წევრის უფლებამოსილება) მე-4 პუნქტს დაემატოს შემდეგი შინაარსის „ე“ და „ვ“ ქვეპუნქტები:

ა) „ე“ ქვეპუნქტი ჩამოყალიბდეს შემდეგი რედაქციით:

„ე) ამოეწურა საბჭოს წევრის უფლებამოსილების ვადა“;

ბ) „ვ“ ქვეპუნქტი ჩამოყალიბდეს შემდეგი რედაქციით:

„ვ) შეუწყდა უფლებამოსილება მერიის თანამდებობის პირს/პროფესიულ საჯარო მოხელეს და „საჯარო სამსახურის შესახებ“ საქართველოს კანონის შესაბამისად გათავისუფლდა სამსახურიდან“.“

4. დამტკიცებული დებულების მე-10 მუხლის (საბჭოს სხდომები) პირველი პუნქტი ჩამოყალიბდეს შემდეგი რედაქციით:

„1. საბჭოს სხდომები იმართება წელიწადში არანაკლებ სამჯერ ან საჭიროებისამებრ, საბჭოს წევრთა მომართვის საფუძველზე “.