ადმინისტრაციული სამართალდარღვევის საქმეების წარმოების და საჯარიმო ქვითრის, ადმინისტრაციული სამართალდარღვევის ოქმის ფორმის, მისი გამოყენების, შევსების, წარმოების და აღრიცხვის წესის დამტკიცების თაობაზე ახალქალაქის მუნიციპალიტეტის საკრებულოს 2023 წლის 29 აგვისტოს №17 დადგენილებაში ცვლილების შეტანის თაობაზე

1. დადგენილებით დამტკიცებული №1 დანართის მე-2 მუხლი ჩამოყალიბდეს შემდეგი რედაქციით:

„მუხლი 2. საჯარიმო ქვითრის (ოქმის) და ადმინისტრაციული სამართალდარღვევის ოქმის შედგენაზე უფლებამოსილი პირი

1. საჯარიმო ქვითარის (ოქმის) და ადმინისტრაციული სამართალდარღვევის ოქმის შედგენაზე უფლებამოსილი პირები არიან ახალქალაქის მუნიციპალიტეტის მერიის სტრუქტურული ერთეულის – სამსახურის მოხელეები. კერძოდ:

ა) საქართველოს კანონის „საქართველოს  ადმინისტრაციულ სამართალდარღვევათა კოდექსი“ 49-ე, 51-ე, 51², 51³, 52-ე, 53³, 55-ე, 55², 55³, 55⁶, 63-ე, 64-ე, 642, 65-ე, 66-67-ე, 68-ე, 71-ე, 73-76-ე, 86-ე, 103-ე, 103², 125-ე მუხლის მე-8 და მე-12−მე-16 ნაწილებით, 125⁴, 127¹, 135-ე, 135¹, 145-ე, 151-ე 151² მუხლებით დადგენილ  სამართალდარღვევის საქმეებზე,  ახალქალაქის მუნიციპალიტეტის მერიის ეკონომიკური განვითარებისა და ქონების მართვის სამსახურის მოხელეები;

ბ) საქართველოს კანონის „საქართველოს  ადმინისტრაციულ სამართალდარღვევათა კოდექსი“ 77¹, 82⁵ (პლასტიკის და ბიოდეგრადირებადი პარკების რეალიზაციის ნაწილში), 119¹, 134¹, 146¹ 148-ე, 150-ე, 150¹, 152-ე, 152² , 152⁵-152⁹, 153³, 153⁴, 1585 მუხლის პირველი და მე-2 ნაწილებით, 159-ე, 159​¹, 166​² მუხლებით დადგენილ  სამართალდარღვევის საქმეებზე და  საქართველოს კანონის „ნარჩენების მართვის კოდექსი“ მუხლებით დადგენილ  სამართალდარღვევის საქმეებზე, ახალქალაქის მუნიციპალიტეტის მერიის ზედამხედველობის სამსახურის მოხელეები;

გ) საქართველოს კანონის საქართველოს  ადმინისტრაციულ სამართალდარღვევათა კოდექსის 46​⁵, 46​⁶, 172 (იმ ნაწილში, რომელიც გულისხმობს მშობლის ან ბავშვის სხვა კანონიერი წარმომადგენლის მიერ არასრულწლოვანის აღზრდისა და სწავლების ან მის მიმართ სხვა მოვალეობათა შეუსრულებლობას, რაც გამოიხატება არასრულწლოვანის მიერ ვანდალიზმის ჩადენით) 172​⁸, 172⁹ მუხლებით დადგენილ  სამართალდარღვევის საქმეებზე, ახალქალაქის მუნიციპალიტეტის მერიის ჯანმრთელობის დაცვისა და სოციალური უზრუნველყოფის სამსახურის მოხელეები“.