დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „იმ თანამდებობის პირთა ნუსხის დამტკიცების შესახებ, რომლებსაც აქვთ სამსახურებრივ-საშტატო იარაღის ტარების უფლება“ საქართველოს მთავრობის 2014 წლის 18 მარტის №242 დადგენილებაში ცვლილების შეტანის თაობაზე | |
|---|---|
| დოკუმენტის ნომერი | 383 |
| დოკუმენტის მიმღები | საქართველოს მთავრობა |
| მიღების თარიღი | 10/08/2026 |
| დოკუმენტის ტიპი | საქართველოს მთავრობის დადგენილება |
| გამოქვეყნების წყარო, თარიღი | ვებგვერდი, 11/08/2026 |
| სარეგისტრაციო კოდი | 120200010.10.003.025932 |
|
| მუხლი 1 |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „იმ თანამდებობის პირთა ნუსხის დამტკიცების შესახებ, რომლებსაც აქვთ სამსახურებრივ-საშტატო იარაღის ტარების უფლება“ საქართველოს მთავრობის 2014 წლის 18 მარტის №242 დადგენილებაში (www.matsne.gov.ge, 19/03/2014, 120200010.10.003.017862) შეტანილ იქნეს ცვლილება და დადგენილებით დამტკიცებული ნუსხის მე-9 მუხლის:
1. მე-2 პუნქტის „ბ“ ქვეპუნქტი ჩამოყალიბდეს შემდეგი რედაქციით: „ბ) ინსპექტირების დეპარტამენტის თანამშრომელი;“. 2. მე-4 პუნქტის „ბ“ ქვეპუნქტი ჩამოყალიბდეს შემდეგი რედაქციით: „ბ) ტერიტორიული ორგანოს სატყეო სამსახურის უფროსი, უფროსი მეტყევე, სატყეო უბნის უფროსი, მეტყევე, ტყის მცველი.“. 3. მე-4 პუნქტის შემდეგ დაემატოს შემდეგი შინაარსის მე-5 პუნქტი: „5. ამ მუხლის მე-2 − მე-4 პუნქტებით გათვალისწინებულ თანამდებობებზე დანიშნულმა პირმა, სამსახურებრივ-საშტატო იარაღის ტარებამდე ან გამოყენებამდე, უნდა გაიაროს შესაბამისი სასწავლო კურსი საქართველოს შინაგან საქმეთა სამინისტროს მმართველობის სფეროში მოქმედი საჯარო სამართლის იურიდიულ პირში – საზოგადოებრივი უსაფრთხოებისა და პოლიციის აკადემიაში.“. |
| მუხლი 2 |
1. „იმ თანამდებობის პირთა ნუსხის დამტკიცების შესახებ, რომლებსაც აქვთ სამსახურებრივ-საშტატო იარაღის ტარების უფლება“ საქართველოს მთავრობის 2014 წლის 18 მარტის №242 დადგენილებით დამტკიცებული ნუსხის მე-9 მუხლის მე-2 − მე-4 პუნქტებით გათვალისწინებულ თანამდებობებზე, ამ დადგენილების ძალაში შესვლამდე, დანიშნულმა პირებმა, რომლებსაც გავლილი არ აქვთ შესაბამისი სასწავლო კურსი, ამავე დადგენილების მე-9 მუხლის მე-5 პუნქტით გათვალისწინებული სასწავლო კურსი უნდა გაიარონ 2027 წლის 31 დეკემბრამდე.
2. საქართველოს შინაგან საქმეთა სამინისტროს მმართველობის სფეროში მოქმედმა საჯარო სამართლის იურიდიულმა პირმა – საზოგადოებრივი უსაფრთხოებისა და პოლიციის აკადემიამ, საქართველოს შინაგან საქმეთა და საქართველოს გარემოს დაცვისა და სოფლის მეურნეობის სამინისტროებთან შეთანხმებით, უზრუნველყოს ამ მუხლის პირველ პუნქტში მითითებული სასწავლო კურსის ფორმირება და სწავლების ორგანიზება. |
| მუხლი 3 |
დადგენილება ამოქმედდეს გამოქვეყნებისთანავე. |
|
დოკუმენტის კომენტარები