„საჯარო სამართლის იურიდიული პირის – შეფასებისა და გამოცდების ეროვნული ცენტრის დებულების დამტკიცების შესახებ“ საქართველოს განათლებისა და მეცნიერების მინისტრის 2007 წლის 5 თებერვლის №93 ბრძანებაში ცვლილების შეტანის თაობაზე

1. მე-2 მუხლის მე-2 პუნქტის ბ³ ქვეპუნქტის შემდეგ დაემატოს შემდეგი შინაარსის „ბ⁴“- „ ბ⁶“ ქვეპუნქტები:

„ბ⁴) საქართველოს მთავრობის მიერ დამტკიცებული წესის შესაბამისად, უზრუნველყოფს სახელმწიფო ენის გამოცდის ჩატარებას;

ბ⁵) საქართველოს მთავრობის მიერ განსაზღვრული წესის შესაბამისად, უზრუნველყოფს საგანმანათლებლო პროგრამის სწავლების ენის ფლობის დამადასტურებელი გამოცდის ორგანიზებას უცხო ქვეყნის მოქალაქის/მოქალაქეობის არმქონე პირთა უმაღლეს და პროფესიულ საგანმანათლებლო პროგრამებზე ჩარიცხვის მიზნით;

ბ⁶) მინისტრის მიერ დადგენილი წესისა და პირობების შესაბამისად, უზრუნველყოფს საჯარო სკოლის დირექტორობის კანდიდატთა ტესტირების ჩატარებას;“.

2. მე-3 მუხლის მე-5 პუნქტი ამოღებულ იქნეს.