,,საქართველოს იუსტიციის სამინისტროს ადმინისტრაციის (დეპარტამენტის) დებულების დამტკიცების შესახებ“ საქართველოს იუსტიციის მინისტრის 2008 წლის 17 მარტის №70 ბრძანებაში დამატებების შეტანის შესახებ“

სახელმწიფო სარეგისტრაციო კოდი 010.240.020.22.027.013.254

საქართველოს იუსტიციის მინისტრის

ბრძანება №124

2009 წლის 6 ივლისი

ქ. თბილისი

,,საქართველოს იუსტიციის სამინისტროს ადმინისტრაციის (დეპარტამენტის) დებულების დამტკიცების შესახებ“ საქართველოს იუსტიციის მინისტრის 2008 წლის 17 მარტის №70 ბრძანებაში დამატებების შეტანის შესახებ

,,ნორმატიული აქტების შესახებ“ საქართველოს კანონის 36-ე მუხლისა და ,,საქართველოს იუსტიციის სამინისტროს დებულების დამტკიცების შესახებ“ საქართველოს პრეზიდენტის 2008 წლის 7 ნოემბრის №541 ბრძანებულებით დამტკიცებული დებულების მე-5 მუხლის მე-2 პუნქტის ,,კ“ ქვეპუნქტის შესაბამისად, ვბრძანებ:

მუხლი 1. ,,საქართველოს იუსტიციის სამინისტროს ადმინისტრაციის (დეპარტამენტის) დებულების დამტკიცების შესახებ“ საქართველოს იუსტიციის მინისტრის 2008 წლის 17 მარტის №70 ბრძანებით (სსმ III, 2008 წ., №40, მუხ. 464) დამტკიცებულ დებულებაში შეტანილ იქნეს შემდეგი დამატებები:

1. მე-6 მუხლს დაემატოს შემდეგი რედაქციის ,,ბ¹“ ქვეპუნქტი:

,,ბ¹) სამინისტროს ცენტრალური აპარატის მოსამსახურეთა კვალიფიკაციის ამაღლების მიზნით სხვადასხვა თემაზე სემინარების ორგანიზება, მოსამსახურეთა ტრენინგი, კომპეტენციის ფარგლებში საერთაშორისო ორგანიზაციებთან და საერთაშორისო ექსპერტებთან თანამშრომლობა.“.

2. მე-7 მუხლს დაემატოს შემდეგი რედაქციის ,,ვ¹“ ქვეპუნქტი:

,,ვ¹) სამინისტროს ცენტრალური აპარატის მოსამსახურეთა მომზადება-გადამზადება კვალიფიკაციის ამაღლების მიზნით, მოსამსახურეთა ტრეინინგი, სხვადასხვა თემაზე სემინარების ორგანიზება, კომპეტენციის ფარგლებში საერთაშორისო ორგანიზაციებთან და საერთაშორისო ექსპერტებთან თანამშრომლობა.“.

3. მე-14 მუხლის პირველ პუნქტს დაემატოს ,,გ¹“ ქვეპუნქტი:

,,გ¹) ადმინისტრაციის მრჩევლები;“.

მუხლი 2. ბრძანება ამოქმედდეს გამოქვეყნებისთანავე.

ზ. ადეიშვილი